Chichewa Christian Hymns
Hymn 156 OKOMA ndiwo mawu
OKOMA ndiwo mawu
A Yesu Mbuyeyo,
Wopatsa ife anthu
Mtendere wakewo.
Kwa ife akumvera
Kulibe mantha’yi;
Timamva liu lake
Lingoti, “Mudze’nu.”
Inu akutopawo
Yesu aitana’nu;
Mudze kwa Ambuyeyo,
Mudze msangatu.
Mukana Iye bwanji,
Wokoma Bwezilo?
Mutsate Yesu yekha,
E, mpaka imfayo.
Mwafoka osokera,
Mwadetswa nazozi
Zoipa mwazichita;
Mumvere Mbuyedi.
Ambuye, musendeze
Pafupi nafedi,
Timvetse Inu msanga,
Poyenda m’dzikoli.
M’ulendo m’moyo uno
Titsate Inutu;
Kumwamba mutifitse,
Tidzamve: “Idzani.”