မြန်မာ သတ္တမနေ့ အက်ဗင်းတစ် ဓမ္မသီချင်းများ
ဓမ္မသီချင်း 203 ချစ်သနားယေရှုဘုရားကျူး
1
ချစ်သနားယေရှုဘုရား၊ ကိုယ်တော်၌မှီခိုပါစေ၊
ပြင်းစွာသောမုန်တိုင်းကျလာ၊ လှိုင်းတံပိုးကအားကြီးလေ၊
ဤဘဝမုန်တိုင်းလွန်အောင်၊ လက်တော်ဖြင့်ကွယ်ကာအုပ်ထား၊
ကောင်းကင်ဆိပ်တော်တွင်းတိုင်အောင်၊
ဘေးမဲ့ပို့ဆောင်ဆိုက်စေပါ။
2
ကိုးကွယ်ခိုရာခြားမမြင်၊ ကိုယ်တော်၌သာမှီတွယ်ရာ၊
စွန့်ပယ်အိုမစွန့်ပယ်နှင့်၊ ထောက်မအားပေးတော်မူပါ၊
ကိုယ်တော်ကိုကိုးစားသဖြင့်၊ ကိုယ်တော်ကိုမြော်လင့်နေရာ၊
ကိုယ်တော်၏အတောင်တော်ဖြင့်၊ ကျွန်ုပ်ခေါင်းကိုဖုံးအုပ်ပါ။
3
ကျွန်ုပ်၌လိုလေသမျှ၊ ကိုယ်တော်၌ကြွယ်ဝစွာရှိ၊
လဲသူချီနွမ်းသူထောက်မ၊ နာသူကန်းသူချမ်းသာ၏၊
ကိုယ်တော်ဖြောင့်မတ်သန့်ရှင်းသည်၊
ကျွန်ုပ်မှာအပြစ်များသာ၊ ကျေးဇူးဂုဏ်တော်စုံလင်၏၊
ကျွန်ုပ်သာရွံရှာဖွယ်ရာ။
4
ကြွယ်ဝသောကျေးဇူးတော်ဖြင့်၊ များစွာသောအပြစ်ဖြေရာ၊
မေတ္တာတော်ရေများစွာနှင့်၊ ဆေးကြောစင်ကြယ်စေမူပါ၊
ကိုယ်တော်သာအသက်သခင်၊ ကိုယ်တော်အသက်ရေတိုက်ကျွေး၊
ကျွန်ုပ်စိတ်အတွင်း၌ပင်၊ ထာဝရစမ်းရေပေါက်စေ။