မြန်မာခရစ်စမတ် ဓမ္မသီချင်း
ဓမ္မသီချင်း 173 ၁၇၃ ခရစ်တော်ကိုချဉ်းကပ်သီချင်းကျူး။ သီချင်းစာသားများ
၁ ရှိသည်အတိုင်း၊ ကုသိုလ်မရှိ၊
ပြစ်မှားသူဘို့သွေးတော်သွန်းပြီ
ကျွန်ုပ်ကိုလည်းခေါ်တော်မူ၏၊
ချဉ်းကပ်ပါသည်၊ သိုးငယ်ဘုရား။
၂ ရှိသည်အတိုင်း၊ မနှေးမဆိုင်း၊
ကိုယ်ပြစ်စွန်းကွက်မဆေးကြောနိုင်။
အသွေးတော်သာတတ်စွမ်းစပ်ဆိုင်၊
ချဉ်းကပ်ပါသည်သိုးငယ်ဘုရား။
၃ ရှိသည်အတိုင်း၊ ရန်သူဝင်းလျက်၊
အတွင်းကြောက်ရွံ့၊ အပြင်နှောက်ယှက်။
ဆိုင်ပြိုင်အားကြီး၊ မတိုးမတက်၊
ချဉ်းကပ်ပါသည်၊ သိုးငယ်ဘုရား။
၄ ရှိသည်အတိုင်း၊ မိုက်မဲ၊ နွမ်းပါး၊
မြဲစိတ်ချမ်းသာ၊ အလင်းပညာ
လိုလေသမျှရအံ့သောငှါ၊
ချဉ်းကပ်ပါသည်၊ သိုးငယ်ဘုရား။
၅ ရှိသည်အတိုင်း၊ ကိုယ်တော်မြတ်သည်၊
လက်ခံပြစ်လွှတ်၊ ဆေးကြောမူမည်။
ဂတိတော်ယုံသောကြောင့်ပေတည်း။
ချဉ်းကပ်ပါသည်၊ သိုးငယ်ဘုရား။
၆ ရှိသည်အတိုငး၊ မေတ္တာတော်ပင်
ဆီးတားသမျှပယ်ရှင်းပြီးလျှင်၊
ကိုယ်တော်ဘို့သာဖြစ်မည်အစဉ်၊
ချဉ်းကပ်ပါသည်၊ သိုးငယ်ဘုရား။