ख्रिश्चन गाणी
गाणे 64 जा सांगा मम बंधुजना गाण्याचे बोल
जा सांगा मम बंधुजना,
आलों जिंकुनियां मरणा -ध्रु
मरणाची मोडुनी नांगी
मारियलें सर्पां सोंगी
भीति कुणाची
नुरली साजी,
ही नवलाची
क्रांती घडे जगतीं जाणा,
विजयी मी तुमचा राणा -१
कां बसलां दडुनी मागें ?
निजलां कां तरि ? व्हा जागे
सोडुन धुंदी
बहु आनंदी
साधा संधी
गा शुभवृत्ताच्या गाना,
कळवा तारण वरदाना -२
‘जातो पुढतीं, या मागें
हेंच तुम्हापाशीं मागें
मार्ग मोकळा
झाला सकळां,
खलचांडाळां
दावा स्वर्गीचा जिना,
आणा सुखलोकीं दीना’-३