ख्रिश्चन गाणी
गाणे 58 करीं क्षमा या जनां, बापा गाण्याचे बोल
करीं क्षमा या जनां, बापा
करिती काय न समजे त्यांना ध्रु.
क्रूसावरती खिळिलें ज्यांनी !
बोल न लावी त्या प्रभुवाणी,
विनवोनी परि देवा लागुनी
करीतसे याचना १
सौजन्याचा कळस न हा का
क्रूसीं खिळिलें धरुनी हेका
प्रेमानें त्या बघणें लोकां
काय म्हणूं या गुणा ? २
प्रभो, देतसे क्रूसीं तुला मी
करी अनन्वित छळहि नेहमीं,
अजाणतां हें देऊं कशी हमी ?
अगा, सूक्ष्म लोचना ? ३
निवडचि केली बारब्बाची
तशी करी मी न योग्य त्याची
डोळे उघडे ठेवुनि; साची
असे मला कल्पना ४
तरी, प्रभो, मज आहे अनुभव
प्रेमलतेचा, करुणेचा तव
क्षमा याचना ही माझ्यास्तव
असे भरंवसा मना ५