ख्रिश्चन गाणी
गाणे 307 हें साक्रमेंत आम्हां गाण्याचे बोल
हें साक्रमेंत आम्हां
प्रिय फार येशूराया
त्यामाजिं क्रूस तूझा
दृष्टीस ना दिसे या
परि मारिला क्रूसीं जो
बळि त्यांत अर्पियेला
विश्वास ठाम माझा
कीं तो मदर्थ मेला
हें साक्रमेंत आम्हां
प्रिय फार येशुराया
त्यामाजीं देह तूझा
दृष्टीस ना दिसे या
परि देह आमुचें तो
इह होत दिव्य अन्न
जो ताडिला, खिळियला,
मजसाठीं हो विदीर्ण
हें साक्रमेंत आम्हां
प्रिय फार येशूराया
त्यामाजि रक्त तूझें
दृष्टिस ना दिसे या
प्याल्यावरी दिसेची
परि रक्तवर्ण लाली
जें काल्वरीवरोनी
गळतें मदर्थ खालीं
हें साक्रमेंत आम्हां
प्रिय फार येशूराया
त्यामाजिं रुप तुझे
दृष्टीस ना दिसे या
शिरकुक्षिकरपदादी
दिसती तशीच मुद्रा
कंटककिरीट भाळीं
व्रणही दयासमुद्रा
कर्त्या मदीय येशी
देवा जधीं जगीं या
तव ईश्वरत्व कोण
नच ये दिसून राया
तरि विद्यमान मजसह
असतोस साक्रमेंतीं
तूं देव तूं मनुष्यहि,
ही कोण गूढ शक्ती