ख्रिश्चन गाणी
गाणे 286 शेवटीं, प्रभुराया, बिलगलों तुझिया गाण्याचे बोल
शेवटीं, प्रभुराया,
बिलगलों तुझिया पायां
गेला रे गेला माझा,
आजवरी जन्म वायां- ध्रु
तुझा मी शिष्य थोर
शिष्टधर्मी धुरंधर
वाटलें अभिमानें,
आतां लाज वाटे फार
मीपणें फसविलें,
तुला मला दुर केलें,
सर्वथा स्वमनाचें,
तुझ्या नावें दास्य केलें
मजला बुद्धि नाहीं,
बळ नाहीं, ज्ञान नाहीं
तूंच रे तूंच माझें,
आतां ख्रिस्ता, सर्व कांहीं !
मजला दृढ धरीं,
नको जाऊं देऊं दूरीं,
एवढी भीक घालीं,
वाट पाहतों मी दारीं