ख्रिश्चन गाणी
गाणे 275 राजाचे आगमन ह्या वेळीं स्मरुनी गाण्याचे बोल
१ राजाचे आगमन
ह्या वेळीं स्मरुनी,
भेटीचें गाऊं या गायन
हर्षानें प्रार्थुनी
२ अनादि पुत्र तो
घेऊनिया शरीर
दासाचें रुप घेई तो
कराया दासोद्धार
३ सियोनकन्ये, लीन
राजाला अंगीकार,
न करी मनें श्रद्धाहीन
शांतीचा तूं धिक्कार
४ तो न्याय कराया
लवकरी येईल,
आकाशीं राज्य भोगाया
स्वभक्तां मिळवील
५ जुनें मनुष्यपण
तत्कर्मे हीं टाकून,
त्या दिनापूर्वी जें नूतन
तें लेऊं, हो, जपून
६ पुत्राला द्या सन्मान
तो प्रिय तारणार
पिता आत्माही त्यासमान
त्यांचे स्मरा आभार