ख्रिश्चन गाणी
गाणे 249 मंगल मंदिरिं प्रभू भेटला गाण्याचे बोल
मंगल मंदिरिं प्रभू भेटला
सुरेख संगम इथें जहाला- ध्रु
प्रभुप्रीतीची सुरम्य सरिता
स्वर्गातुन ये धांवत आतां
भक्तिरसाचा पूर लोटला
सानंद मनें गाऊं प्रभुला
पाया निश्चल ख्रिस्त लाभला
शीर्ष जहाला प्रभु कोनशिला
विश्वपित्यानें तो निवडीला
पतितजनांना उद्धरण्याला
भक्तजनांचा एकच त्राता
ख्रिस्तगुरु ही प्रेमळ माता
धरुनी हातां, नेते बाळ
हीच सदा सांभाळी सकलां
समक्षता तव इथेंच सदया
करी विभूषित मंदिरास या
पिता, पुत्र अन परमात्म्याला
धन्यवाद गा नित्य त्रयाला