ख्रिश्चन गाणी
गाणे 246 भवमार्गी पवित्र शास्त्र गाण्याचे बोल
भवमार्गी पवित्र शास्त्र
दीप लाविला,
अघतम वाराया
जगतांत ठेविला- ध्रु
अन्न जसें क्षुधिताला,
दृष्टि जशी अंधाला,
अमृत जणुं रुग्णाला,
शास्त्र महालाभ नरा प्राप्त जहला
मनुजांतरदर्पण हा,
देवनगरांतील पहा,
दिव्यकराराख्य महा,
शास्त्रग्रंथ धन्य अती करि धरित्रिला
अज्ञाना साराया,
ज्ञाना जागा द्याया,
जनसौख्या वाढविण्या,
शक्य ईशवचन, हेंचि जोडि सिद्धिला
हिन दिन दु:खी दुबळी,
जनता ज्यां हेटाळी,
तच्चितां करि जवळीं,
शास्त्र समाधानदायि मित्र भेटला
मंगलप्रद शास्त्राचें,
दान प्रभूजी तुमचें,
भाग्य बहू मनुजांचें,
थोर स्तुतीवाद गाइ जगत आपुला