ख्रिश्चन गाणी
गाणे 233 प्रभु येशूची आली स्वारी गाण्याचे बोल
प्रभु येशूची आली स्वारी
जयघोषानें भरली नगरी- ध्रु
अखिल जगाचा मुक्तीदाता
प्रभुवर पाहुन मार्गी जातां
होसान्ना त्या गाई जनता
डुलत झांवळ्या सान शिशुकरीं
मार्ग झांकला पायघड्यांनीं
रंगित भारी प्रावरणांनीं
विजयी राजेश्वर त्यांवरुनी
जातां वंदिति त्या नरनारी
स्वर्गी खडी दूतांची सेना
दिसती अश्रु त्यांच्या नयनां
ठावें भावी भोग तयांना
बलिदानाची पूर्वतयारी
घनघोर लढा जवळ पातला
पाहि पिता प्रेंमें पुत्राला
प्रभु घे पिउनी दु:खद प्याला
मग तव वैभव, राज्य स्विकारी