ख्रिश्चन गाणी
गाणे 228 पुष्कळ अजुनी उणा, प्रभू गाण्याचे बोल
पुष्कळ अजुनी उणा, प्रभू, मी
पुष्कळ अजुनी उणा रे- ध्रु
खंडींतुन रति नाहिं फेडिलें,
बंधुभगिनिंच्या ऋणा रे
तुझा ऋणी तर सदाच राहिन,
अगा पतितपावना रे
किती लाजतों मनांत ठाऊक,
तुजवांचुन हें कुणा रे ?
असें करावें, तसें करावें,
वायां मम वल्गणा रे
टाकाऊ मी परंतु, सदया,
आवडलों त्वन्मना रे !
असा पाहिजे तुला तसा मी
करुं कसा आपणा रे ?
ख्रिस्ता, ख्रिस्ता, घे घे अवघा,
हा माझा मीपणा रे !