ख्रिश्चन गाणी
गाणे 213 नुतन दिन येतां प्रकाश उजळीं गाण्याचे बोल
नुतन दिन येतां प्रकाश उजळीं गगना
अंत:करणें हीं वाहूं या प्रभुचरणां- ध्रु
ही काया, वाचा तसेंच मन सांभाळी
मोहाला भुलुनी ही न फसावी जाळीं
कर दूर संकटे आज राख तूं कृपया
सैल ना पडूं दे जिव्हा आमुची राया
दूर ठेव तूं क्रोधाला, ईश्वरा
राख आमुच्या नयनाला, ईश्वरा
वारी तूं मायाजाला, ईश्वरा
ठेविसी शुद्ध या मना, आज करि करुणा
अविचारापासुन राख तुझ्या दासांना
मानवी कुडी ही जरी पातकी भारी
जावो नच कधिंही गर्वाच्या आहारीं
आम्ही परि दिनभर कर्तव्यां जागावें
अन् निशा येइतों पद पुढतीं टाकावें
जन्म असा सफळ करावा, ईश्वरा
नामाचा महिमा व्हावा, ईश्वरा
मग तिन्हीं त्रिकाळीं गातां, ईश्वरा
धन्यवाद जनका विश्वाच्या, अघहरणा
पुत्रास अनंता, परमात्म्या संजिवना