ख्रिश्चन गाणी
गाणे 201 द्या जलासि, द्या जला गाण्याचे बोल
द्या जलासि, द्या जला,
लागली तृषा मला
क्रूसावर आर्तस्वर
ख्रिस्त शब्द बोलला- ध्रु
जीवनौघ तूं; स्वतांचि
उदक पान मागसी ?
अज्ञ नरें वेत्रकरें
आंब दीधली तुला
उदकतृषा परमेशा,
तुला कशी लागणार ?
जन असंख्य जेवविशी,
चमत्कार ऐकिला
ही तहान बहिर्प्राण
नसे, जाणतों खरें
अंतरिंची तळमळची,
शांतवूं कसा हिला ?
उदक असो, असो सुधा,
तृषा हरण ना करी
करूं काय ? वद उपाय
तुज विनंति प्रेमला
भार अघाचा मदर्थ
तूं स्वतांचि वाहसी
जगत्तारणार्थ मुदें
दु:खभोग साहिला
जगत्तारणाची तुज
लागली असे तृषा
रुधिर मोल देउनिया
तूं उपाय साधिला
वर्तमान हें जगास कळो,
ही तृषा तुझी
भागविणें शिष्यगणें
समाधान हें तुला
काय करुं मज न सुचे,
तरी देत, घेत प्रभो
मम हृदया, योजि तया,
पूर्तवी स्वहेतुला