ख्रिश्चन गाणी
गाणे 177 तव देवा करितों स्तवनाला गाण्याचे बोल
तव देवा करितों स्तवनाला
स्तवितों म्हणतों प्रभु तुजला
सकल धरा ही तुजला
भजते सनातनाला पितयाला
पवित्र ईश्वर, पवित्र ईश्वर,
पवित्र सेनाधव रमला
दूत सकल हे व्योमीं,
सत्ता करीती उन्नत घोषाला
करूबीम हे सराफीम हे
ह्याच करीती गानाला
तव विभवाच्या तेजें भरिलें
अशेष द्यावा पृथिवीला
दिव्य प्रेषित संदेष्ट्यांच्या
गण गातो स्तुतिगीताला
धवल वसन बल साक्षिजनांचें
वाही तुजला स्तुतिमाला
पवित्र एक्लेसिया जगांतिल
अर्पी तुज सन्मानाला
प्रताप ज्याचा अमित निरंतर
दया तुला प्रिय जनकाला
प्रिय एकुलत्या आदरणीय
सत्य अशा तव पुत्राला
कैवारी जो पवित्र आत्मा
स्तवितों त्याला त्रितयाला
हे ख्रिस्ता तुज राजा गणूनी
गौरवी नमि तव चरणाला
पुत्र सनातन तूं पितयाचा
सिद्ध जना तारायला
कुमारिच्या उदराचा तुजला
ख्रिस्ता वीट न रे आला
त्वां नांगीनें विरहित केलें
हें प्रभु येशू मरणाला
श्रद्धावंतांकरितां ख्रिस्ता
उघडीलें स्वर्द्वाराला
तूं पितयाच्या पूर्ण गौरवी
बसशी उजव्या बाजूला
येशिल न्यायाधीश होउनीं
धरितों आम्ही श्रद्धेला
अमोल रक्तें तुवां मोकळे
करुन घेतलें प्रभु ज्यांला
त्या दासांचें साह्य करीं
ह्या करितों आम्हि विनतीला
गणीं पवित्रांमध्यें आपुल्या,
नित्य गौरवीं गण त्यांला
तार आपुले लोक, दे प्रभो
आशी आपुल्या वतनाला
शासीं त्याला करीं तयांच्या
प्रभो निरंतर उन्नतिला
अनुदिन आम्ही थोर थोर
बा थोर थोर गणितों तुजला
युगानुयुग तव मधु नामाच्या
करितों जयजयकाराला
प्रसाद कर कीं पापापासून
दूर ठेव अजि आम्हांला
प्रभो दया कर; प्रभो दया कर
तुजवर धरितों आशेला
होवो राहो दया पदीं तव
मम आशेचा भर सगळा