ख्रिश्चन गाणी
गाणे 164 जगदुद्धारक प्रभु येशूला गाण्याचे बोल
जगदुद्धारक प्रभु येशूला
नित्य मुखें गावें,
सेवावें करिं, नर्यानें बघावें,
चित्तानें ध्यावें
परात्पराच्या ज्या शब्दानें
विश्वें हीं दिसतीं,
आदि अंत भावना ज्यामधें
अन्तर्गत होती
भूत भव्य कीं वर्तमान
हें ज्या प्रभुच्या हातीं,
देह धराया लावी
त्याला पतितांची प्रीती
अनन्य अमुचा पिता, तारिता,
जीवन झाला नता, तत्त्वतां
धरणीला स्वर्गता, अर्पिता,
तयास विसरुनि व्यर्थ
कशाला लोकीं भटकावें
माय सोडुनी क्षुधार्त
बाळें कोठें मी जावें ?
चिंतामणि सोडुनी प्रस्तरा
कोणीं करिं घ्यावें ?
कामदुधा सोडुनी अजेच्या
मागें लागावें ?
कल्पलता सोडुनी शाल्मली
शोधित हिंडावें ?
नित्य सुधा सोडुनी शुंठिला
कां स्वीकारावें ?
सदा पाय येशूचें, पुढें मम,
अन्य विषय नच सुचे, मना भग,
जीवित नच हें रुचें, तयाविण
द्राक्षवेल तो शाखा
त्याची मी, मजला ठावें,
मीपण गेलें, ख्रिस्त ख्रिस्त
हें ह्यापुढतीं गावें