ख्रिश्चन गाणी
गाणे 138 किती आनंद हा, स्वर्गीय गाण्याचे बोल
किती आनंद हा, स्वर्गीय आनंद हा
प्रभू येशूने दिला आम्हा
अति भरपूर तो, मती गुंग करितो
वर्णन करण्या न पुरे जिव्हा
धावत होतो वेगे, नाशाकडे मी जरी
बोलावूनी मजला, दाविले प्रेम तरी
मोडत असताना, मोडका माझा बोरू
तू मज स्थिराविले, प्रेमे मध्यस्थी करून
प्रीतीने स्वीकारिले, अयोग्य या पामरा
पापाच्या दरीतूनी, वर काढिले मला
तुझी वाणी ऐकण्या, समय देशील का?
हृदया टेकण्या हा, जीव अधीर झाला
येशील मेघांवारी, भेटण्या अंतराळी
असे आनंदी आनंद, तेथे निरंतर आनंद
प्राणप्रिया पाहीन, जेव्हा तुझ्या सुमुखा
मन्मन तळमळते, आतुर मी दर्शना