ख्रिश्चन गाणी
गाणे 133 करीं क्षमा या जनां गाण्याचे बोल
करीं क्षमा या जनां, बापा
करिती काय न समजे त्यांना
क्रूसावरती खिळिलें ज्यांनी !
बोल न लावी त्या प्रभुवाणी,
विनवोनी परि देवा लागुनी
करीतसे याचना
सौजन्याचा कळस न हा का
क्रूसीं खिळिलें धरुनी हेका
प्रेमानें त्या बघणें लोकां
काय म्हणूं या गुणा ?
प्रभो, देतसे क्रूसीं तुला मी
करी अनन्वित छळहि नेहमीं,
अजाणतां हें देऊं कशी हमी ?
अगा, सूक्ष्म लोचना ?
निवडचि केली बारब्बाची
तशी करी मी न योग्य त्याची
डोळे उघडे ठेवुनि साची
असे मला कल्पना
तरी, प्रभो, मज आहे अनुभव
प्रेमलतेचा, करुणेचा तव
क्षमा याचना ही माझ्यास्तव
असे भरंवसा मना