ख्रिश्चन गाणी
गाणे 126 ऊठ, ऊठ, माझ्या जिवा गाण्याचे बोल
ऊठ, ऊठ, माझ्या जिवा,
वंदुनि दिनरजनीच्या धवा,
आयुर्मार्गी आक्रम नवा,
कर गौरावा देवाच्या
रजनी रमली प्रभुचिंतनीं,
रमला दिन हा प्रभुसेवनीं,
रमलीं उभयें त्याच्या चरणीं,
तुज घेउनी संगातें !
जें जें येइल पुढतीं अतां
ख्रिस्तार्पण ते हो बोलतां,
भाव ठेवुनी, जीवा पुरता,
चरणांवरतीं येशूच्या
येशू ऐसा मित्र न कुणी,
पाही अवघे जग धुंडुनी
नेईल तुज सांभाळुनी,
जा मागुनी तूं त्याच्या
करील तारण, संगोपन,
शिक्षण तव श्रमनोदन,
ग्लानी येतां संजीवन,
संबोधन भ्रमतांना !
साधक येशू, तूं साधन,
तयास अवघें साध्यज्ञान
करुनी आपलें समर्पण,
क्रम हा दिन तत्संगें