ख्रिश्चन गाणी
गाणे 119 ईस्त्रैलेश्वराची गाहों स्तुतिगीतें गाण्याचे बोल
ईस्त्रैलेश्वराची गाहों स्तुतिगीतें,
त्यानें स्वजनातें मुक्त केलें
दास जो दाविद त्याच्या वंशद्वारा,
आमुच्या उध्दारा साधिलेंची
सर्व द्वेष्टे जन यांच्या ताब्यांतून,
रिपूंच्या हातून मुक्त व्हाल
विश्वादीपासून ॠषींच्या मुखानें,
वचन तयानें दिलें ऐसें
रिपूंच्या हातून होऊनिया मुक्त,
मम शुध्द भक्त होऊनिया
मजला भजला नित्य भयावीण,
असें मी करीन सत्य वाचा
ऐशा ज्या तयानें कृपावचनाला,
दिलें पितरांला आमुचीया
ऐसा जो करार आब्रामाशीं त्यानें,
केला शपथेनें स्मरीला तो
तुला रे संदेष्टा पर्मेश्वराचा,
देवदूत साचा म्हणतील
प्रभूचे तूं मार्ग सिद्ध करायाला,
तयापुढें बाळा, चालशील
त्याच्या तूं जनांस पापांची मुक्तता,
तारणाची वार्ता सांगशील
ईश्वरी दयेच्या प्रेमें या लोकांत,
दैवी सुप्रभात उगवली
मृत्युच्छायेमाजी होते ते वसत,
तेणें प्रकाशीत जहाले ते
पद हे जे होते भटकून गेले,
फिरुन ते आलें शांतीमार्गी