ख्रिश्चन गाणी
गाणे 107 आमुचा येशू ख्रिस्त भगवान गाण्याचे बोल
आमुचा येशू ख्रिस्त भगवान
पाप जगाचें घेऊनि शिरीं
अर्पुनी प्राणा जगतां तारी
धन्य प्रभु येशू ! तनुधारी
देवाचा गुणवान
जगतासाठीं स्तंभी चढला
पाप जगाचें घेऊनी गेला
मरणावरतीं विजयी झाला
कोण असा बलवान
पाषाणाच्या ठिकर्या झाल्या
चहुंबाजूंनी विजा चमकल्या
भूमि हादरुनी थंडीं उघडलीं
कडकडलें अस्मान
दु:खाची ही कथा संपली
तिसर्या दिवशीं पहांट झाली
सृष्टी आनंदानें फुलली
झालें पुनरुत्थान