ख्रिश्चन गाणी
गाणे 243 बंधूचें मिळणें, मधुर हें बंधूचें गाण्याचे बोल
बंधूचें मिळणें,
मधुर हें बंधूचें मिळणें,
जरि देव पाहिजे इथेंच
तरि तो भक्तां सांपडणें- ध्रु
प्रेमळ हीं वदनें,
मधुरतर प्रेमळ हीं वदनें,
हीं प्रेमळ वचनें सुधेचाच
जणुं पाउस कोसळणें
हें शास्त्र सांगतें
प्रेमच ईश्वर पहा,
हा अन्य न कोणी
परि अपुलाबाप हा,
ह्यासन्निध रमणें
हीच आपुली स्पृहा,
काय दुजें वदणें,
आणखी काय दुजें वदणें,
ह्या बंधूसंगमें केलें
भूवर स्वर्गाचें येणें !
चरितें हीं भिन्नें, आपुलीं
चरितें हीं भिन्नें,
परि सर्व एकतेमध्यें
गोविलीं सुंदरशीं रत्नें
हें केलें ज्यानें अद्भुत,
त्याला स्तवूं
श्रीख्रिस्ता हृदयीं
पूर्णपणें सांठवूं,
त्याविश्वबंधुचें यश
हर्षे गाजवूं,
इहलोकीं जगणें,
यापुढें इहलोकीं जगणें
हें अपुलें म्हणजे सर्व
जगाचा बंधुवर्ग करणें