Lisu Christian Hymnal
Hymn 63 ꓟꓬꓱꓽ ꓬꓰ ꓡꓳ. ꓬꓰˍ ꓟ Lyrics
ꓠꓴ ꓠꓬ ꓟꓲ ꓠꓯ ꓔꓯ ꓔꓱ, ꓠꓬꓲ ꓡ ꓢꓲ꓾ ꓬꓲ ꓙꓬ ꓧꓳꓽ ꓖꓶˍ ꓡꓳ꓿ ꓠꓴ ꓠꓬ ꓟꓲ ꓠꓯ ꓔꓯ ꓮ ꓘꓶ. ꓙꓲꓻ ꓡ ꓝꓲˍ ꓡꓳ꓿ ꓪꓴ‐ꓢ ꓬꓲ ꓠꓯ ꓬꓲꓻ ꓗꓪ ꓬꓲ ꓙꓬ ꓐꓲꓻ ꓞˍ ꓡꓳ꓿ ꓟꓲ ꓠꓯ ꓔꓯ ꓠꓴ ꓖꓳ ꓡꓱ ꓙꓽ ꓖꓶ ꓖꓴꓻ ꓡꓰ ꓠꓬꓲ꓾ ꓠꓴ ꓬꓲ ꓪ ꓐꓱ ꓶ ꓜꓽ ꓪꓳꓽ ꓡꓳ ꓪꓳꓽ ꓙ ꓖꓶ ꓗꓷˍ ꓡꓳ꓿
ꓟꓲ ꓟꓽ ꓚꓱ, ꓗꓪ ꓠꓴ ꓡꓰ ꓬꓲ ꓙꓬ ꓒ ꓐꓲ ꓐꓲˍ ꓡꓰ ꓧꓳꓽ ꓖꓶˍ ꓡꓳ꓿ ꓟꓽ ꓐꓵ ꓔˍ ꓟ ꓔꓯ ꓠꓴ ꓡꓰ ꓓꓰ ꓡꓰ ꓝꓲˍ ꓡꓳ꓿
ꓟꓶ ꓦ ꓗꓪ ꓐꓰ ꓟꓲ ꓠꓯ ꓔꓯ ꓠꓴꓽ ꓡꓰ ꓝꓲˍ ꓡꓳ꓿ ꓣꓱꓻ ꓡˍ ꓟ ꓔꓯ ꓠꓴ ꓶꓼ ꓥꓳ ꓙꓱ ꓖꓶˍ ꓡꓳ꓿ ꓘꓳꓼ ꓡꓳ, ꓬꓰˍ ꓕꓯ꓾ ꓠꓴ ꓠꓲ, ꓟ ꓙꓲˍ ꓟ ꓡꓰ ꓶꓼ ꓤ ꓫꓱ ꓤ ꓐꓲ ꓞ, ꓝꓲˍ ꓡꓳ꓿ ꓖꓳ ꓡꓱ ꓢꓲ꓾ ꓠꓴ ꓙ ꓖꓴ ꓗꓪ ꓠꓬ ꓐꓳ ꓡ ꓓꓴ ꓜꓯꓺ ꓩꓴ ꓡˍ ꓡꓳ꓿
ꓡꓲ ꓛꓲ ꓗꓪ ꓟ ꓫꓵ. ꓟꓲ ꓗꓪˍ ꓟꓲ ꓜꓯꓺ ꓩꓴ ꓡˍ ꓡꓳ꓿ ꓪ ꓚꓲ ꓤ ꓠꓬ ꓗ, ꓛꓲꓽ ꓠꓲ, ꓡꓰ ꓧꓷ, ꓔˍ ꓡꓳ꓿
ꓫꓵ. ꓟꓲ ꓗꓪ ꓙꓱꓽ ꓤ ꓜꓴꓻ ꓡꓰ ꓒꓬꓱꓺ ꓐꓲ ꓞ,ˍ ꓡꓳ꓿ ꓡꓳ ꓘꓴꓽ ꓗꓪ ꓥˍ ꓟꓲ ꓜꓽ ꓪꓳꓽ ꓡꓳ ꓪꓳꓽ ꓡꓰ ꓑꓲ. ꓞˍ ꓡꓳ꓿ ꓬꓲ ꓪ ꓗ, ꓛꓲꓽˍ ꓟ ꓗꓪ ꓐꓰ ꓘꓴ ꓔꓴ ꓡ ꓢꓲ꓾ ꓖꓪˍ ꓟꓲ ꓖꓪꓺ ꓔꓴ ꓡˍ ꓡꓳ꓿
ꓥ ꓡꓳ꓾ ꓬꓰ‐ꓧꓳ‐ꓧꓪ ꓡꓰ ꓙꓲˍ ꓡꓳ ꓫꓵ ꓖꓶ ꓡˍ ꓥꓳ꓿ ꓥꓪ ꓠꓴꓽ ꓟꓵˍ ꓟꓲ ꓜꓽ ꓪꓳꓽ ꓡꓳ ꓪꓳꓽ ꓮ ꓟꓬ, ꓓꓱꓼ ꓓꓳ ꓡˍ ꓥꓳ꓿