Lisu Christian Hymnal
Hymn 62 ꓝꓴꓲ ꓣꓷꓠˍ ꓟ Lyrics
ꓪꓴ‐ꓢꓻꓳ꓾ ꓠꓴ ꓠꓲ, ꓙ ꓟꓬ ꓗꓳˍ ꓟ ꓔꓯ ꓛꓳ ꓢꓲ꓾ ꓥꓪ ꓔꓯ. ꓫꓱ. ꓤ ꓙ ꓡꓯ꓿ ꓠꓴ ꓠꓲ, ꓠꓴꓽˍ ꓟ ꓫꓱ ꓤ ꓠꓲ, ꓐꓲ ꓞˍ ꓟ ꓔꓯ ꓛꓳ ꓢꓲ꓾ ꓥꓪ ꓛꓬ ꓖꓴ ꓥꓳꓽ ꓖꓴ ꓫꓵ, ꓦ ꓖꓶ ꓡꓯ꓿
ꓥꓪ ꓟꓽ ꓙꓲ ꓟꓽ ꓜꓳꓽ ꓟ ꓫꓬꓽ ꓫꓬˍ ꓡꓰ ꓞꓲꓽ ꓦ ꓖꓶ ꓡꓯ꓿ ꓥꓪ ꓝꓴꓲ ꓙꓳ ꓥˍ ꓟꓲ꓾ ꓥꓪ ꓔꓯ ꓢꓲꓽ ꓫꓬ ꓡꓰ ꓝꓲ ꓡꓯ꓿
ꓮ ꓡꓲꓳ ꓐꓯ ꓠꓬ ꓥꓪ ꓛꓬ ꓖꓴ ꓥꓳꓽ ꓖꓴ ꓔꓯ ꓥꓪ ꓢꓷˍ ꓡꓳ꓿ ꓥꓪ ꓝꓴꓲ ꓠꓬ ꓮ ꓕꓯˍ ꓟꓲ ꓥꓪ ꓟꓲꓽ ꓙꓬ ꓗꓪ ꓓˍ ꓡꓳ꓿
ꓥꓪ ꓠꓴꓽ ꓠꓴ ꓔꓯ ꓛꓬ ꓗꓷˍ ꓟ ꓝꓴꓲ ꓬꓰ ꓗꓷꓳ꓿ ꓠꓴ ꓔꓯˍ ꓡꓰꓽ ꓛꓬ ꓗꓷˍ ꓟ ꓥ ꓢꓲ꓾ ꓠꓴ ꓒꓬꓱꓽ ꓕꓯ ꓗꓪ ꓥꓶˍ ꓟ ꓬꓰ ꓗꓷꓳ꓿ ꓖꓳ ꓡꓱ ꓠꓬꓲ ꓠꓴ ꓡꓰ ꓐꓯ ꓟꓴ ꓘꓶˍ ꓟ ꓠꓬ ꓙꓲ ꓫꓬˍ ꓡꓳ꓿ ꓠꓴ ꓡꓰ ꓐꓯ ꓟꓴ ꓞꓷ,ˍ ꓟ ꓟꓲ ꓢꓲꓽ ꓫꓬˍ ꓡꓳ꓿
ꓠꓬꓲ ꓠ,꓾ ꓠꓲ, ꓟ ꓠꓯꓸꓼ ꓗꓪ ꓔꓱˍ ꓟ ꓔꓯ ꓠꓴ ꓠꓲ, ꓒꓴˍ ꓡꓳ꓿
ꓖꓳ ꓡꓱ ꓠꓬꓲ ꓥꓪˍ ꓡꓰꓽ ꓢꓷˍ ꓟ ꓥꓪ ꓠꓲ, ꓟ ꓠꓯꓸꓼ ꓗꓪ꓾ ꓠꓴ ꓡꓰ ꓥꓪ ꓔꓯ ꓙ ꓗꓴ ꓠꓲ, ꓟ. ꓖꓶ ꓡꓯ꓿
ꓮ ꓠꓬꓲꓽ ꓛꓲ ꓝꓲ. ꓟꓳꓼ ꓡꓰ ꓥꓪ ꓔꓯ ꓢꓲꓽ ꓫꓬ ꓡꓰ ꓝꓲ ꓡꓯ꓾ ꓖꓳ ꓡꓱ ꓢꓲ ꓥꓪ ꓠꓬ ꓢꓲꓽ ꓫꓬ ꓡꓰˍ ꓥꓳ꓿ ꓥꓪ ꓔꓯ ꓞꓲꓽ ꓖꓶ ꓡꓯ꓿ ꓖꓳ ꓡꓱ ꓢꓲ ꓥꓪ ꓠꓬ ꓪꓽ ꓕꓯ ꓢꓲ ꓒꓴꓻ ꓡꓰˍ ꓥꓳ꓿
ꓠꓴ ꓡꓰ ꓘꓳ, ꓗꓷˍ ꓟ ꓪꓳꓽ ꓔꓳ ꓗ ꓛꓲꓽ ꓡꓰ ꓠ, ꓟ꓾ ꓗ, ꓛꓲꓽ ꓠꓲ,ˍ ꓐꓰ ꓠꓲ, ꓒꓴ ꓘꓶꓽ ꓥꓪ ꓔꓯ ꓑ ꓙ ꓝꓲ ꓡꓯ꓿
ꓥꓪ ꓝꓴꓲ ꓔꓯ ꓟꓽ ꓡꓳ. ꓠ, ꓟ ꓠꓴ ꓒꓬꓱꓽ ꓟꓬ ꓛꓺ ꓗꓷ ꓖꓶ ꓡꓯ꓾ ꓥꓪ ꓟꓽ ꓙꓲ ꓟꓽ ꓜꓳꓽ ꓟ ꓮ ꓙꓵ ꓡꓱꓸꓼ ꓫꓵ, ꓦ ꓖꓶ ꓡꓯ꓿
ꓪꓴ‐ꓢꓻꓳ꓾ ꓥꓪ ꓠꓯꓸꓼ ꓗꓪ ꓢꓲ ꓫꓬˍ ꓟ ꓠꓲ, ꓟ ꓚꓰꓼ ꓖꓶꓽ ꓡꓯ꓿ ꓥꓪ ꓠꓯꓸꓼ ꓗꓪ ꓕꓶꓻˍ ꓟ ꓦꓻ ꓬꓲ. ꓫꓵꓼ ꓫꓬ ꓖꓶ ꓡꓯ꓿
ꓠꓴ ꓟꓲ ꓙꓬ ꓗꓪ ꓐꓰ ꓥꓪ ꓔꓯ ꓕꓽ ꓡꓳ ꓗꓷ ꓡꓯ꓿ ꓠꓴ ꓢꓲ‐ꓫꓬ‐ꓟ‐ꓦˍ ꓟꓲ ꓥꓪ ꓔꓯ ꓐꓰ ꓕꓽ ꓣꓴ ꓔꓯ, ꓙꓰ꓿
ꓠꓴ ꓢꓯꓼ ꓟꓬ ꓝ.ˍ ꓟ ꓣꓱ ꓛꓰ ꓬꓲ ꓗ, ꓛꓲꓽ ꓓꓴ꓾ ꓥꓪ ꓔꓯ ꓙꓳꓻ ꓡꓰꓼ ꓡ ꓝꓲ ꓢꓰꓽ꓿ ꓠꓲ, ꓡꓳˍ ꓟ ꓦꓻ ꓡꓰ ꓥꓪ ꓔꓯ ꓔꓳ, ꓔ ꓖꓶ ꓡꓯ꓿