Lisu Christian Hymnal
Hymn 55 ꓠꓺ ꓡꓳ. ꓠˍ ꓟ ꓞꓳ ꓡꓱ ꓐꓴ ꓔꓯ ꓘꓶ. ꓖꓶˍ ꓟ Lyrics
ꓥꓪ ꓤꓽꓳ꓾ ꓥꓪ ꓟ. ꓘꓶ ꓔꓯ ꓕꓽ ꓟꓲ ꓡꓰ꓿ ꓠꓴ ꓠꓲꓹ ꓟ ꓗꓪ ꓥꓪ ꓕꓵꓼ ꓪ ꓔꓯ ꓒꓵꓽ ꓛꓳ꓿
ꓮ ꓡꓲꓳ ꓐꓯ ꓠꓬ ꓥꓪ ꓟꓸ ꓘꓶ ꓠꓬ ꓠꓴ ꓤꓶꓻ ꓔꓯ ꓫꓵꓺ ꓡ ꓝꓲ ꓢꓲ꓾ ꓠꓴ ꓞꓲꓼ ꓔꓯ ꓡꓴꓽ ꓖꓶ ꓡˍ ꓥꓳ꓿ ꓠꓴ ꓠꓲꓹ ꓟ ꓒꓬꓸ ꓗꓪ ꓐꓳ ꓚꓲ ꓔ꓿
ꓖꓳ ꓕꓯ ꓠꓴ ꓠꓬ ꓪꓴ-ꓢ ꓐꓰ ꓞꓳ ꓤ ꓒꓬꓱꓽ ꓕꓯ ꓗꓪ ꓣꓱ ꓛꓰˍ ꓐꓰ ꓟꓬꓱ ꓓꓳꓽ ꓟꓶˍ ꓡꓳ꓿
ꓕꓲ ꓠꓲꓹ ꓟ ꓡꓱꓸꓼ ꓬꓰ-ꓧꓳ-ꓧꓪ ꓔꓯ ꓦ ꓡꓱ꓿ ꓠꓴ ꓚꓲ ꓛꓬ ꓢꓷ ꓠꓲ ꓔꓯ ꓪ ꓪꓴꓽ ꓘꓳ ꓟꓽ ꓓ꓿
ꓠꓴ ꓚꓱꓹ ꓥ ꓕ ꓑꓳ ꓗꓪ ꓬꓲ ꓔꓯ ꓣꓷꓠ꓿ ꓬꓲ ꓠꓬ ꓠꓴ ꓙ ꓖꓴ ꓔꓯ ꓖꓴ ꓟꓳꓸ ꓖꓶˍ ꓥꓳ꓿
ꓠꓴ ꓚꓲ ꓛꓬ ꓠꓬ ꓢꓷ ꓠꓲꓹ ꓙꓳ ꓢꓴ ꓥ ꓡꓳ꓾ ꓐꓰ꓾ ꓕꓽ ꓚꓬꓹ꓾ ꓬꓰ-ꓧꓳ-ꓧꓪ ꓔꓯ ꓙꓳ ꓒꓵꓽ ꓢꓲ꓾ ꓥꓶˍ ꓟ ꓔꓯ ꓐꓰ ꓧꓹ ꓙꓰ꓿
ꓕꓱ ꓡꓱ ꓬꓰˍ ꓟ ꓠꓬ ꓠꓴ ꓖꓳ ꓓꓱ ꓓꓻ ꓡꓰ ꓓꓴ ꓥ ꓢꓲ꓾ ꓠꓴ ꓪꓳꓽ ꓔꓳ ꓐꓱ ꓶ ꓠꓯꓺ ꓞꓲꓼ ꓥ ꓡꓳ꓿
ꓮ ꓟˍ ꓟꓲ ꓠꓴ ꓞꓲꓼ ꓣꓳˍ ꓟ ꓔꓯ ꓕꓽ ꓠꓬꓲꓺ ꓣꓳ ꓡꓰ ꓝꓲ꓿ ꓫꓸ ꓕꓱˍ ꓟ ꓗꓪ꓾ ꓞꓳ ꓙꓳꓻˍ ꓟ ꓗꓪ꓾ ꓠꓵꓻ ꓠꓲꓹ ꓗꓪ꓾ ꓙꓵꓻ ꓠꓲꓹ ꓗꓪ꓾ ꓢꓲꓼ ꓫꓬˍ ꓟ ꓗꓪ ꓠꓴ ꓠꓬ ꓙꓵꓻ ꓢꓴ ꓐꓴ ꓐꓱ ꓶ ꓔꓯꓺ ꓢꓳꓺ ꓓꓴ ꓬꓰ꓿