Lisu Christian Hymnal
Hymn 52 ꓕꓲ ꓞꓲꓼ ꓕꓲ ꓑ ꓟ ꓢꓯꓼ ꓟꓬ Lyrics
ꓖꓳ ꓡꓱ ꓠꓬ ꓬꓰ-ꓢꓴ ꓡꓰ ꓬꓲ ꓪ ꓔꓯ꓾ ꓥꓪ ꓔꓱ ꓔꓱ ꓐꓰ ꓠꓴ ꓪ ꓔꓯ ꓐꓯ ꓖꓶ ꓠꓬꓲ꓾ ꓠꓴ ꓪ ꓔꓯ ꓟꓴ ꓗꓪ ꓗꓪ ꓐꓰ ꓟ-ꓠ ꓒꓵꓼ ꓖꓶ ꓜꓽ ꓢꓴ ꓠꓬ ꓟꓳ-ꓫꓲ ꓟꓽ ꓥ꓿ ꓟꓴ ꓗꓪ ꓗꓪ ꓐꓰ ꓡˍ ꓟ ꓒꓵꓼ ꓚꓵꓺ ꓠꓴ ꓪ ꓔꓯ ꓖꓶ ꓢꓴ ꓠꓽ ꓥꓪ ꓐꓹ ꓐ ꓥ ꓡꓳ꓿
ꓮ ꓡꓲꓳ ꓐꓯ ꓠꓬ ꓪꓴ-ꓢ ꓒꓵꓼ ꓠꓽ꓾ ꓟꓴ ꓗꓪ ꓗꓪ ꓐꓰ ꓬꓯꓼ ꓡꓰ ꓢꓲ꓾ ꓟꓲ ꓠꓯ ꓞꓳ ꓤ ꓔꓯ ꓢꓯꓼ ꓟꓬ ꓖꓶˍ ꓟ ꓥ ꓡꓳ꓾ ꓐꓯˍ ꓡꓳ꓿
ꓖꓳ ꓡꓱ ꓠꓬ ꓬꓲ ꓪ ꓡꓰ꓾ ꓢꓲ ꓒꓽꓳ꓾ ꓒꓵꓼ ꓕꓱ ꓟ ꓥꓪ ꓠꓴꓽ ꓔꓯ ꓕꓲꓽ ꓞꓲ ꓖꓶ ꓜꓽ ꓡꓯ꓾ ꓐꓯˍ ꓡꓳ꓿
ꓬꓰ-ꓢꓴ ꓡꓰ ꓬꓲ ꓪ ꓔꓯ꓾ ꓥꓪ ꓠ ꓢꓯꓼ ꓟꓬ ꓒꓵꓼ ꓥ ꓡꓳ꓿ ꓥꓪ ꓔꓯ ꓡ ꓢꓴ ꓟ ꓦꓰꓼ ꓟꓷ ꓡ꓿ ꓥꓪ ꓔꓯ ꓙꓵꓻ ꓢꓴˍ ꓟꓲ ꓕꓲ ꓞꓲ ꓟ ꓢꓲꓼ ꓡ꓿
ꓥꓪ ꓔꓯ ꓝꓲ ꓩꓴ ꓡ ꓢꓴ ꓬꓲ ꓠꓲ, ꓡꓶꓽ ꓠꓬ ꓕꓱ ꓡꓱ ꓥ ꓡꓳ꓿ ꓬꓲ ꓡꓰ ꓥꓪ ꓔꓯ ꓖꓶ ꓔ ꓟ ꓮ ꓙꓵ ꓔꓯ ꓥꓪ ꓕꓲ ꓣꓳˍ ꓟꓲ ꓟ ꓒꓲ ꓬꓰ ꓢꓲ꓾ ꓡꓳ ꓬꓰˍ ꓟ ꓦꓬ ꓠꓬꓲ ꓗꓪ ꓢꓯ ꓬꓲ ꓡ ꓝꓲ ꓠ ꓟ ꓥ ꓡꓳ꓿
ꓮ ꓡꓲꓳ ꓐꓯ ꓠꓬ ꓮ ꓐꓲ ꓔꓯ ꓡꓳ ꓟꓳ ꓢꓲ ꓬꓲ ꓔꓯ ꓙꓵꓻ ꓢꓴ ꓥ ꓕ ꓑꓳ ꓕꓲ ꓞꓲꓼ ꓕꓲ ꓑ ꓟ ꓢꓯꓼ ꓟꓬ ꓟꓶ ꓠꓹ ꓟ ꓕꓱ ꓟ ꓠꓬ ꓥꓪ ꓐꓹ ꓐ ꓠꓲꓹ ꓡꓶꓽ ꓥ ꓡꓳ꓾ ꓐꓯ ꓡꓳ꓿
ꓥꓪ ꓠꓽ ꓟꓴ ꓗꓪ ꓗꓪ ꓐꓰ ꓬꓯꓼ ꓡꓰˍ ꓟ ꓒꓵꓼ ꓢꓯ ꓥ ꓡꓳ꓿ꓮ ꓟˍ ꓟꓲ ꓒꓵꓼ ꓕꓱ ꓟ ꓜꓽ ꓠꓬ꓾ ꓬꓲ ꓠ ꓕꓲ ꓞꓲ ꓔꓲ ꓑ ꓢꓯꓸ ꓔꓬˍ ꓥꓳ꓿ꓝꓮꓲ ꓠꓬ ꓟꓲ ꓠꓯ ꓡ ꓞꓳ ꓢꓯꓼ ꓟꓬ ꓐꓱ ꓶ ꓥꓪ ꓖꓶ ꓠ ꓟ ꓒꓵꓼ ꓠꓬ ꓥꓪ ꓧꓪꓽ ꓥ ꓡꓳ꓾ ꓐꓯ ꓡꓳ꓿
ꓥꓪ ꓡꓰ ꓖꓶ ꓓꓳ ꓟ ꓬꓲ ꓙꓬ ꓓꓳ ꓢꓴ ꓮ ꓟ ꓟꓲ꓾ ꓕꓲ ꓞꓲ ꓟ ꓢꓲꓼ ꓡ꓿ ꓥꓪ ꓬꓲꓸ ꓔꓯ ꓖꓶ ꓓꓳ ꓟ ꓬꓲ ꓙꓬ ꓠꓽ ꓬꓲ ꓠꓯꓼ ꓗꓪ ꓕꓲ ꓞꓲ ꓕꓲ ꓑ ꓢꓯꓼ ꓟꓬ ꓗꓪ ꓛꓲ ꓚꓴꓺ ꓔꓴ ꓡ ꓟ ꓬꓲ ꓝꓳꓹ ꓟꓶ ꓒꓬꓱꓼ ꓡˍ ꓥꓳ꓾ ꓐꓯ ꓡꓳ꓿
ꓤ ꓟꓶꓽ ꓤ ꓡꓰ ꓬꓲ ꓔꓯ꓾ ꓞꓳꓻ ꓔꓲꓳ꓾ ꓥꓪ꓾ ꓬꓲ ꓙꓬ ꓟꓽ ꓢꓲ ꓡ ꓠ ꓟ ꓐꓰ ꓕꓱ ꓶ ꓛꓲ ꓗꓪ ꓬꓲ ꓙꓬ ꓚꓵ ꓡ ꓟ ꓛꓵ ꓠ ꓟ ꓬꓲ ꓙꓬ ꓕꓱ ꓟ ꓥꓪ ꓔꓯ ꓖꓶ ꓓꓳ ꓡꓯ꓾ ꓐꓯ ꓡꓳ꓿
ꓬꓰ-ꓢꓴ ꓡꓰ ꓬꓲ ꓔꓯ ꓐꓯ ꓡꓳ꓿ ꓤ ꓟꓶ ꓤꓽꓳ꓾ ꓪ ꓚꓲ ꓕꓱ ꓟ ꓗꓪ ꓟꓲ ꓟꓽ ꓥ꓾ ꓙꓱ-ꓣꓴ-ꓢ-ꓡꓱ ꓗꓪ ꓟꓲ ꓟꓽ ꓥ꓾ ꓐꓹ ꓐ ꓔꓯ ꓪꓴ ꓓꓵ ꓕꓱ ꓟ ꓬꓲ ꓙꓵ ꓛꓲ ꓡ ꓥꓳ꓿