Lisu Christian Hymnal
Hymn 5 ꓣꓳ ꓫ ꓑꓬ ꓖꓴ ꓐꓰ ꓪ ꓠꓬꓲ ꓟ ꓠꓬ ꓪꓴ-ꓢ ꓥ ꓟ Lyrics
ꓪꓴ-ꓢ ꓠꓬ ꓣꓳ ꓫ ꓑꓬ ꓖꓴˍ ꓐꓰ ꓪ ꓠꓬꓲˍ ꓟ ꓥ ꓡꓳ꓿ ꓬꓲ ꓠꓬ ꓫ ꓟ ꓝꓲꓸ ꓗꓪ ꓢ ꓢˍ ꓧꓪ ꓟꓶ ꓓˍ ꓟ ꓬꓰ ꓙ ꓢꓴ ꓥ ꓡꓳ꓿
ꓖꓳ ꓡꓱ ꓠꓬꓲ ꓟꓲ ꓠꓯ ꓑꓶꓸ ꓡꓰ ꓥ ꓟꓲ꓾ ꓪ ꓚꓲ ꓠꓬ ꓬꓲ ꓡꓴ ꓐꓱ ꓠꓯꓸꓼ ꓗꓪ ꓷꓹ ꓓꓵꓽ ꓡꓰ ꓥˍ ꓟꓲ ꓣꓳꓽ ꓟꓽ ꓙꓳ ꓡꓰ꓿
ꓖꓳ ꓗꓪˍ ꓟ ꓬꓲ ꓙꓬ ꓟꓶꓻ ꓢꓲ ꓚꓴꓸꓸ ꓔꓴ ꓡˍ ꓥ ꓟꓲ꓾ ꓬꓲ ꓙꓬ ꓙꓵꓽ ꓡˍ ꓟ ꓗꓪ ꓐꓰ ꓪ ꓚꓲ ꓓꓵꓸꓸ ꓡꓰ ꓥˍ ꓟꓲ꓾ ꓣꓳꓽ ꓟꓽ ꓙꓳˍ ꓡꓰ꓿
ꓪꓴ-ꓢ ꓬꓲ ꓡꓳ ꓒꓱ ꓔꓯ ꓠꓲ, ꓒꓴ ꓡꓰ ꓝꓲˍ ꓟ ꓠꓯꓸꓸ ꓬꓲꓻ ꓕꓲ ꓓꓴꓽ ꓙꓳˍ ꓡꓳ꓿ ꓡꓳ ꓒꓱ ꓖꓳ ꓟ ꓠꓬ ꓟꓴˍ ꓡꓳꓹ ꓬꓰ ꓢꓴ ꓬꓲ ꓢꓲ ꓫꓬˍ ꓟ ꓔꓬ ꓖꓴ ꓥ ꓡꓳ꓿
ꓪꓴ-ꓢ ꓠꓬ ꓡꓳ ꓒꓱ ꓖꓳ ꓟ ꓗꓳ ꓡꓳ ꓗꓪ ꓔꓬˍ ꓠꓬꓲ ꓟꓽ ꓙꓵꓸꓸ ꓡꓰ꓿ ꓟꓲꓽ ꓕꓯ ꓙꓲꓻ ꓡ ꓟꓶꓽ ꓕꓯ ꓪꓴ-ꓢ ꓬꓲ ꓔꓯ ꓬꓰ ꓙˍ ꓥꓳ꓿
ꓞꓳ ꓫꓵꓽ ꓐꓴ ꓪꓳꓹ ꓔꓴ ꓡꓻꓳ꓾ ꓗꓴꓷ ꓐꓴ ꓠꓬ ꓙꓵꓸꓸ ꓡꓰˍ ꓡꓳ꓿ ꓪꓴ-ꓢ ꓬꓲ ꓫ ꓕꓱ ꓗꓷ ꓠꓬ ꓟꓲ ꓠꓯ ꓙꓲꓻ ꓡꓰꓳ꓿
ꓟꓯꓼ ꓜꓴ ꓐꓴ ꓬꓰ ꓧꓳ-ꓧꓪ ꓠꓬ ꓣꓳˍ ꓐꓰ ꓔꓬ ꓡꓳ꓾ ꓬ-ꓗꓴ ꓐꓴ ꓥꓪ ꓠꓴ ꓪꓴ-ꓢ ꓠꓬ ꓣꓳ ꓫ ꓑꓬ ꓖꓴ ꓥ ꓡꓳ꓿
ꓡꓯ꓾ ꓬꓰ-ꓧꓳ-ꓧꓪ ꓬꓲ ꓟꓬꓱꓽ ꓔꓯ ꓡꓳꓸ ꓠꓬꓲ꓿ ꓬꓲ ꓡꓰ ꓟꓲ ꓠꓯ ꓗꓪ ꓐꓬꓸꓸ ꓡꓰ ꓓꓴ ꓮ ꓘꓶ ꓛꓲ ꓬꓰ ꓗꓷˍ ꓟ ꓔꓯ ꓡꓳꓸ ꓠꓬꓲ꓿
ꓟꓯꓼ ꓬꓰ ꓡꓯ ꓘꓳˍ ꓟ ꓔꓯ ꓬꓲ ꓡꓰ ꓟꓲ ꓠꓯ ꓑꓶꓸ ꓗꓪ ꓛꓲ ꓠꓽ ꓡꓰ ꓝꓲˍ ꓥꓳ꓿ ꓬꓲ ꓠꓬ ꓛꓬꓹ ꓔꓯˍ ꓟꓲ ꓘꓳꓹ ꓗꓷ ꓢꓲˍ ꓐ ꓥꓷꓸ ꓔꓯ ꓠꓬꓲꓽ ꓕꓱ ꓐꓰ ꓓꓶꓽ ꓩꓴ ꓗꓷˍ ꓡꓳ꓿ ꓬꓲ ꓠꓬ ꓟꓯꓼ ꓖꓼ ꓡꓲꓽ ꓔꓯ ꓮꓸ ꓔꓳ. ꓗꓪ ꓛꓴꓻ ꓗꓷˍ ꓡꓳ꓿
ꓟꓽ ꓪꓳꓹ ꓐꓰ ꓔꓬ ꓢꓲ꓾ ꓥꓪ ꓠꓬ ꓪꓴ-ꓢ ꓥ ꓡꓳ꓾ ꓐꓰ ꓢꓷ ꓔ ꓠꓯ ˍ ꓡꓳ꓿
ꓞꓳ ꓫꓵꓽ ꓐꓴ ꓗꓳ ꓡꓳ ꓗꓪ ꓥꓪ ꓔꓯ ꓓꓳꓹ ꓟꓴˍ ꓥꓳ꓿ ꓟꓲ ꓠꓯ ꓗꓪ ꓥꓪ ꓔꓯ ꓓꓳꓹ ꓟꓴˍ ꓥꓳ꓿
ꓟꓯꓼ ꓜꓴꓻ ꓐꓴ ꓬꓰ-ꓧꓳ-ꓧꓪ ꓠꓬ ꓣꓳˍ ꓐꓰ ꓔꓬˍ ꓡꓳ- ꓬ-ꓗꓴ ꓐꓴ ꓥꓪ ꓠꓴ ꓪꓴ-ꓢ ꓠꓬ ꓣꓳ ꓫꓸ ꓑꓬ ꓖꓴ ꓥ ꓡꓳ꓿