Lisu Christian Hymnal
Hymn 48 ꓞꓳ ꓡꓱ ꓐꓴ ꓔꓯ ꓬꓲꓼ ꓠꓬꓲ. ꓖꓶˍ ꓟ Lyrics
ꓤ ꓖꓴ ꓡꓯꓸ ꓦꓬꓼ ꓠꓬꓲ ꓗꓪ ꓠꓴ ꓔꓯ ꓚꓰꓼ ꓢꓴ ꓢꓲꓺ ꓒ ꓔꓯ ꓚꓲ. ꓟꓶ ꓔ꓿ ꓟꓽ ꓥ ꓠꓬ ꓟꓶ ꓤ ꓟꓽ ꓥ꓾ ꓥꓶˍ ꓟ ꓦꓬ ꓠꓬꓲ ꓛꓲ ꓡ ꓢꓲ꓾ ꓠꓴ ꓡꓰ꓾ ꓦꓬꓼ ꓠꓬꓲ ꓕꓱ ꓟ ꓗꓪ ꓥꓪ ꓗ ꓛꓲ ꓓꓴ ꓟꓽ ꓙꓳ꓾ ꓐꓰ꓾ ꓐꓯ ꓠꓹ ꓟ ꓘꓳꓼ ꓛꓲ ꓡˍ ꓥꓳ꓿
ꓟꓲꓽ ꓟꓲˍ ꓐꓰ ꓠꓬꓲ ꓟꓳ ꓓꓴˍ ꓐꓰ ꓦ ꓐˍ ꓐꓰ ꓗꓴ ꓤ ꓟꓽ ꓠꓯ ꓡꓰ ꓕꓯˍ ꓡꓰ꓾ ꓟꓶ ꓦ ꓦ ꓗ ꓠꓯ. ꓟꓴ ꓗꓴ ꓝꓮꓲ ꓟ ꓢꓴ. ꓡ ꓕꓯˍ ꓡꓰ ꓠꓴ ꓔꓯ ꓚꓰꓼ ꓢꓴ ꓔꓯ ꓓꓵ ꓙ ꓔ꓿
ꓦꓲ ꓦꓴ ꓠꓬ ꓢꓴ ꓛꓱꓽ ꓛꓱꓽ ꓢꓲ꓾ ꓢꓯꓼ ꓙꓳ ꓢꓴ ꓠꓬ ꓗꓴ ꓡꓰ ꓢꓲ ꓠꓬꓲ꓾ ꓪꓳ ꓗꓳꓸ ꓟꓽ ꓠꓲꓸ ꓡꓰ ꓕꓯ ꓡꓰ꓾ ꓠꓬꓲ ꓟꓳ ꓓꓴ ꓗ ꓘꓶ ꓗꓪ ꓐꓰ ꓡꓳꓸ ꓢꓴ ꓟꓽ ꓠꓯ ꓡꓰ ꓕꓯˍ ꓡꓰ꓾
ꓙꓵꓺ ꓗꓪ ꓟ ꓗ ꓘꓶ ꓚꓵ ꓗꓷ ꓢꓲ꓾ ꓡꓳ ꓙꓱ ꓢꓯꓼ ꓮ ꓘꓶ ꓟꓽ ꓟꓶ ꓢꓲ ꓠꓬꓲ꓾ ꓠꓬꓹ ꓤ ꓟꓶˍ ꓟꓲ ꓧꓪꓸ ꓛꓲ ꓡ ꓢꓲ꓾ ꓟꓴ ꓖꓪ ꓖꓪ ꓢꓴ ꓮ ꓟꓲ ꓐꓴˍ ꓟꓲ ꓖꓪ ꓢꓯꓼ ꓟꓽ ꓢꓲꓽ ꓟꓽ ꓗꓷ ꓡꓰ ꓕꓯˍ ꓡꓰ꓾
ꓮ ꓟꓴ ꓟꓴ ꓦꓰꓼ ꓔˍ ꓕꓯ ꓦꓺ ꓓꓳ ꓢꓲ꓾ ꓙ ꓖꓴ ꓗꓪ ꓙꓲꓻ ꓣꓴ ꓓꓴ ꓔꓯ ꓙꓳꓺ ꓢꓲ ꓠꓬꓲ꓾ ꓪꓵ ꓡꓲ ꓜꓲꓻ ꓪꓰ ꓡ ꓢꓲ꓾ ꓚ ꓑꓴ ꓠꓬ ꓙꓰ ꓟꓽ ꓘꓴ ꓘꓴ꓾ ꓞꓳ ꓤ ꓠꓲꓹ ꓥꓳˍ ꓟ ꓟꓽ ꓙꓳ ꓟꓽ ꓗꓷ ꓡꓰ ꓕꓯˍ ꓡꓰ꓾ ( ꓮ ꓡꓲꓳ ꓐꓯ ꓠꓬ ꓞꓳ ꓤ ꓠꓽ ꓬꓲ ꓕꓲ ꓞꓲꓼ ꓕꓲ ꓑ ꓟ ꓦꓲ ꓗꓪ ꓬꓲꓼ ꓙꓰˍ ꓥꓳ꓿ ꓫ ꓙ ꓐꓵ ꓞꓶꓽ ꓖꓪ ꓢꓴˍ ꓟꓲ ꓙꓵꓺ ꓗꓪ ꓚꓳ ꓙꓰ ꓚꓳ ꓡ ꓬꓰˍ ꓥꓳ)꓿
ꓒꓴꓻ ꓚ ꓞꓷ ꓗꓷ ꓢꓲ ꓫꓵꓻ ꓑꓳꓹ ꓓꓴꓽ ꓟꓽ ꓐꓬꓻ ꓡꓰ ꓕꓯ꓾ ꓠꓱ. ꓡꓴꓻ ꓠꓬ ꓬꓲ ꓝꓳ, ꓟꓶ ꓘꓶ ꓗꓪ ꓟꓽ ꓛꓱꓼ ꓡꓰ ꓕꓯ꓾ ꓬꓲ ꓚꓴ ꓘꓴ ꓗꓪˍ ꓟ ꓬꓲ ꓛꓬ ꓡꓯꓼ ꓟꓽ ꓐꓬꓺ ꓡꓰ ꓕꓯˍ ꓡꓰ ꓠꓴ ꓔꓯ ꓚꓰꓼ ꓢꓴ ꓢꓲꓺ ꓒ ꓔꓯ ꓚꓲ. ꓟꓶ ꓔ꓿
ꓮ ꓡꓲꓳ ꓐꓯ ꓠꓬ ꓖꓳ ꓕꓯ ꓠꓱ. ꓦꓱ ꓠꓬ ꓠꓱ. ꓦꓱ ꓗꓪ ꓚꓱ, ꓬꓲꓼ ꓙꓰˍ ꓥꓳ꓿ ꓦꓻ ꓠꓬ ꓖꓶ ꓡ ꓢꓴ ꓪꓴ-ꓢ ꓔꓯ ꓡꓰꓼ ꓙꓰˍ ꓥꓳ꓿
ꓡꓳꓹ ꓬꓰˍ ꓕꓲ ꓘꓶ ꓠꓬ ꓕꓱ ꓡꓱ ꓥꓳ꓿ ꓕꓱ ꓟ ꓮ ꓙꓵˍ ꓟꓲ ꓧꓶ ꓕꓯ ꓡꓰ ꓑ ꓙ ꓗꓷꓳ꓿ ꓪꓴ-ꓢ ꓔꓯ ꓙꓳ ꓒꓵ꓾ ꓬꓲ ꓕꓵꓼ ꓘꓶ ꓔꓯ ꓒꓵ ꓛꓳ꓿ ꓮ ꓡꓲꓳ ꓐꓯ ꓠꓬ ꓕꓱ ꓟ ꓠꓽ ꓞꓳ ꓤ ꓥ ꓕ ꓑꓳ ꓬꓰ ꓙꓲꓽ ꓙꓳˍ ꓟ ꓥ ꓡꓳ꓿
ꓮ ꓡꓲꓳ ꓐꓯ ꓠꓬ ꓡ ꓞꓳ ꓬꓰˍ ꓟ ꓥ ꓕ ꓑꓳ ꓐꓰ꓾ ꓚꓵ ꓔ ꓟ ꓫꓵꓽ ꓪꓴ꓾ ꓙꓲˍ ꓟ ꓐꓰ ꓥꓶˍ ꓟ ꓮ ꓙꓵ꓾ ꓪꓴ-ꓢ ꓡꓰ ꓐꓯ ꓟꓴ ꓘꓶˍ ꓥꓳ꓿