Lisu Christian Hymnal
Hymn 47 ꓙ ꓗꓴꓸ ꓠꓲ ꓬꓲ ꓙꓲꓻ ꓖꓴ Lyrics
ꓙ ꓗꓴ ꓠꓲ, ꓧꓪ ꓟꓶ ꓢꓴˍ ꓐꓰ ꓙ ꓜꓲꓼ ꓠꓲ, ꓟꓶ ꓡꓰ ꓢꓴ ꓠꓬ ꓶꓼ ꓙꓳ ꓫꓱ, ꓙꓳˍ ꓡꓳ꓿
ꓮ ꓡꓲꓳ ꓐꓯ ꓠꓬ꓾ ꓙ ꓗꓴ ꓠꓲꓹ ꓗꓪ ꓐꓰ ꓟꓶ ꓡꓰˍ ꓟ ꓠꓬ ꓒꓴꓺ ꓗꓪ ꓐꓰ ꓐꓶ, ꓟꓶˍ ꓟ ꓢꓶ. ꓟꓽ ꓞꓲ ꓙꓲˍ ꓡꓳ꓿ ꓬꓲ ꓐꓶ, ꓖꓳ ꓟ ꓠꓬ ꓫꓵꓺ ꓢꓶ ꓟꓽ ꓞꓲ ꓒꓵꓽˍ ꓡꓳ꓿
ꓙ ꓗꓴ ꓠꓲꓹ ꓠꓬ ꓒꓵꓽ ꓡꓳ ꓕꓯ ꓢꓲ ꓒꓵꓽˍ ꓡꓳ꓿ ꓠꓴ ꓠꓲꓹ ꓥꓳˍ ꓟ ꓥ ꓕ ꓑꓳ ꓠꓬ꓾ ꓙ ꓗꓴ ꓠꓲ, ꓔꓯ ꓔꓯꓺ ꓟꓽ ꓐ ꓡ꓿
ꓙ ꓗꓴ ꓠꓲꓹ ꓬꓲ ꓡꓯ ꓙ ꓗꓪ ꓠꓬ ꓤꓶꓻ ꓫꓵ ꓟꓯ ꓫꓵˍ ꓟ ꓙꓳˍ ꓡꓳ꓿ ꓬꓲ ꓡꓯ ꓶ. ꓗꓪ ꓠꓬ ꓒꓴ ꓤ ꓫꓵ ꓤ ꓐꓰ ꓞꓳ ꓒꓵꓽ ꓡˍ ꓟ ꓓꓯˍ ꓡꓳ꓿
ꓬꓲ ꓙ ꓖꓴ ꓠꓬ ꓠꓲꓹ ꓟ ꓢ ꓡꓰ ꓓꓴ ꓥ ꓢꓲ꓾ ꓬꓲ ꓚꓱ, ꓮ ꓙꓵ ꓠꓬ ꓢꓲ ꓡꓲ ꓟ ꓥ ꓡꓳ꓿
ꓙ ꓗꓴ ꓠꓲ, ꓠꓬ ꓬꓲ ꓔꓯ ꓢꓳ. ꓔ ꓢꓴ ꓐꓱ ꓶ ꓢꓯꓼ ꓟꓬ ꓢꓲ, ꓜꓲ ꓥ ꓡꓳ꓾ ꓬꓲ ꓔꓯ ꓣꓴ ꓕꓶ ꓡꓰ ꓢꓴ ꓠꓬ ꓶꓼ ꓙꓳ ꓫꓱ, ꓙꓳ ꓢꓴ ꓥ ꓡꓳ꓿
ꓬꓰ-ꓧꓳ-ꓧꓪ ꓠꓬ ꓙ ꓗꓴ ꓠꓲ, ꓗꓪ ꓐꓰ ꓟꓲ ꓠꓯ ꓔꓯ ꓔꓶˍ ꓡꓳ꓿ ꓬꓲ ꓠꓬ ꓙ ꓜꓲꓼ ꓠꓲ ꓗꓪ ꓐꓰ ꓟꓴ ꓗꓪ ꓔꓯ ꓕꓶ ꓡꓰ ꓝꓲˍ ꓡꓳ꓿ ꓬꓲ ꓢꓷ ꓠꓲ, ꓗꓪ ꓐꓰ ꓠꓯ.ˍ ꓟ ꓬꓲ ꓙꓬ ꓠꓬ ꓑꓳ ꓓꓳ ꓡ ꓢꓲ꓾ ꓟꓴ ꓗꓴ ꓡꓰ ꓬ, ꓚꓵ. ꓜꓯꓺ ꓩꓴ ꓡˍ ꓡꓳ꓿
ꓥꓪ ꓤꓽꓳ꓾ ꓔꓱ ꓟ ꓙ ꓗꓴ ꓠꓲ,ˍ ꓐꓰ ꓢꓲ ꓦꓰꓽ ꓗꓴ ꓠꓲ, ꓔꓯ ꓫ ꓔ ꓢꓲ꓾ ꓠꓴ ꓒꓬꓱꓽ ꓕꓯ ꓗꓪ ꓐꓰ ꓕꓽ ꓧꓹ ꓗꓷ ꓝꓲ꓿
ꓖꓳ ꓕꓯ ꓠꓴ ꓠꓬ ꓮ ꓫꓵꓽ ꓟꓽ ꓘꓳ ꓟꓽ ꓟꓳ ꓙ ꓖꓴ ꓫꓱ ꓢꓲ꓾ ꓠꓴ ꓛꓲ ꓒꓯ,ˍ ꓟꓲ ꓟꓽ ꓡꓱ. ꓗꓷ꓿
ꓮ ꓡꓲꓳ ꓐꓯ ꓠꓬ ꓬꓰ-ꓧꓳ-ꓧꓪ ꓠꓽ ꓠꓴ ꓦ ꓡꓱ ꓖꓴ ꓬꓰˍ ꓥꓳ꓿ ꓠꓴ ꓛꓲ ꓒꓯ ꓟꓽ ꓪꓴꓻ ꓡꓰ ꓠ, ꓟ ꓠꓴ ꓔꓯ ꓔ ꓙˍ ꓥꓳ꓿