Lisu Christian Hymnal
Hymn 45 ꓢꓯ ꓬꓲꓼ ꓡˍ ꓟ ꓟꓸ ꓟꓲ Lyrics
ꓖꓳ ꓡꓱ ꓥ ꓟꓲ ꓮ ꓟꓶ ꓠꓬ ꓙꓲ-ꓢꓴ ꓔꓯ ꓫꓵꓻ ꓗꓪ ꓐꓰ ꓚꓵ ꓚꓵ ꓢꓯ ꓬꓲꓼ ꓡ ꓝꓲꓳ꓿ ꓬꓲ ꓠꓬ ꓬꓲꓼ ꓟꓶ ꓡꓰ ꓢꓴ ꓗꓪˍ ꓟ ꓜꓻ ꓪꓴ. ꓥ ꓡꓳ꓿
ꓮ ꓡꓲꓳ ꓐꓯ ꓠꓬ ꓫꓵꓻˍ ꓟ ꓠꓬ ꓡ ꓞꓳ ꓕꓲ ꓣꓳ ꓗꓪ ꓐꓰ ꓡˍ ꓟ ꓥ ꓠꓬꓲ꓾ ꓢꓯ. ꓬꓲꓼ ꓡˍ ꓟˍ ꓟꓲ꓾ ꓡ ꓞꓳ ꓕꓲ ꓣꓳ ꓗꓪ ꓐꓰ ꓡˍ ꓟ ꓥ ꓡꓳ꓿
ꓮ ꓡꓲꓳ ꓐꓯ ꓠꓬ ꓮ-ꓓꓯ ꓠꓯꓸꓼ ꓗꓪ ꓮ ꓙꓵ ꓢꓴ ꓫꓵꓻˍ ꓟˍ ꓡꓰ ꓐꓰ ꓙꓲ-ꓢꓴ ꓠꓯꓸꓼ ꓗꓪˍ ꓟꓲ ꓮ ꓙꓵ ꓢꓴ ꓔꓯ ꓢꓯ ꓬꓲꓼ ꓡ ꓝꓲˍ ꓥꓳ꓿
ꓖꓳ ꓡꓱ ꓥˍ ꓟꓲ ꓫꓵꓻ ꓢꓴ ꓔꓯ ꓮ ꓡꓲ ꓐꓰ ꓢꓯ. ꓬꓲꓼ ꓡ ꓝꓲˍ ꓡꓳ꓾ ꓬꓲ ꓪ ꓮ ꓡꓲ ꓫꓵꓽ ꓖꓳ ꓓꓱ ꓙꓳˍ ꓥ꓾ ꓐꓰ ꓐꓯ ꓢꓴ ꓙꓳˍ ꓥꓳ꓿
ꓧꓪꓽ ꓥ ꓕ ꓑꓳ ꓠꓬ꓾ ꓕꓲ ꓫꓵꓽ ꓡꓰꓽ ꓟꓽ ꓥ꓿ ꓞꓳ ꓤ ꓧꓪꓽ ꓠꓬ ꓕꓲ ꓫꓵꓽ꓾ ꓙꓱꓽ ꓤ ꓧꓪꓽ ꓕꓲ ꓫꓵ꓾ ꓠꓬꓹ ꓧꓪꓽ ꓕꓲ ꓫꓵꓽ꓾ ꓥꓪꓸ ꓧꓪ ꓕꓲ ꓫꓵꓽ ꓥ ꓡꓳ꓿
ꓟꓵ ꓪꓴ ꓗꓪ ꓟ ꓖꓳ ꓓꓱꓽˍ ꓟꓲ ꓙꓳˍ ꓡꓳ꓿ ꓟꓲ ꓠꓯ ꓗꓪ ꓟ ꓖꓳ ꓓꓱˍ ꓟꓲ ꓙꓳˍ ꓡꓳ꓿ ꓟꓵ ꓪꓴ ꓗꓪ ꓟ ꓖꓳ ꓓꓱꓽ ꓬꓲ ꓐꓬꓱꓼ ꓡꓱꓼ ꓡꓱꓼˍ ꓟ ꓕꓲ ꓫꓵꓽ꓾ ꓟꓲ ꓠꓯ ꓗꓪ ꓟ ꓖꓳ ꓓꓱ ꓬꓲ ꓐꓬꓱꓼ ꓡꓱꓼ ꓡꓱꓼˍ ꓟ ꓕꓲ ꓫꓵꓽ ꓥ ꓡꓳ꓿
ꓟꓲꓽ ꓟꓲ ꓐꓬꓱꓼ ꓡꓱꓼ ꓡꓱꓼˍ ꓟ ꓕꓲ ꓫꓵꓽ꓾ ꓦ ꓐ ꓐꓬꓱꓼ ꓡꓱꓼ ꓡꓱꓼˍ ꓟ ꓕꓲꓽ ꓫꓵꓽ꓾ ꓗꓴ ꓤ ꓐꓬꓱꓼ ꓡꓱꓼ ꓡꓱꓼˍ ꓟ ꓕꓲ ꓫꓵꓽ ꓥ ꓡꓳ꓿ ꓮ ꓡꓲꓳ ꓐꓯ ꓠꓬ ꓗꓴ ꓤ ꓐꓬꓱꓼ ꓡꓱꓼ ꓡꓱꓼˍ ꓟ ꓕꓲ ꓢꓶꓽ ꓐꓰ ꓕꓲ ꓢꓶꓽ ꓟꓽ ꓫꓱ. ꓡꓯ ꓘꓳ꓿
ꓫꓵꓻ ꓢꓴ ꓢꓯ. ꓬꓲꓼ ꓡˍ ꓟˍ ꓟꓲ ꓖꓳ ꓡꓱ ꓥ ꓡꓳ꓿ ꓬꓲ ꓠꓬ ꓛꓵ ꓡꓰˍ ꓟ ꓗꓪ ꓫꓵꓸ ꓔ ꓟ ꓥ ꓡꓳ꓿ ꓟꓽ ꓛꓵ ꓡꓰ ꓟ ꓗꓪ ꓢꓯꓸ ꓡ ꓝꓲ ꓟ ꓥ ꓡꓳ꓿
ꓟꓬꓱꓺ ꓓꓳ ꓟꓽ ꓙꓳ ꓟ ꓗꓪ ꓫꓵ. ꓔ ꓟ ꓥ ꓡꓳ꓿ ꓟꓬꓱ ꓓꓳ ꓙꓳˍ ꓟ ꓗꓪ ꓢꓯ. ꓡ ꓝꓲˍ ꓟ ꓥ ꓡꓳ꓿ ꓢꓯꓼ ꓐꓽˍ ꓟ ꓗꓪ ꓫꓵꓸ ꓔˍ ꓟ ꓥ ꓡꓳ꓿ ꓪ ꓠꓬꓲˍ ꓟ ꓗꓪ ꓢꓯꓸ ꓡ ꓝꓲ ꓟ ꓥ ꓡꓳ꓿
ꓫꓵꓸ ꓔˍ ꓟ ꓠꓬ ꓧꓪꓽ ꓖꓳ ꓓꓱꓽ ꓥ ꓡꓳ꓿ ꓢꓯꓸ ꓡ ꓝꓲ ꓟ ꓠꓬ ꓦ ꓖꓳ ꓓꓱꓽ ꓥ ꓡꓳ꓿ ꓧꓪꓽ ꓖꓳ ꓓꓱ ꓙꓳˍ ꓕꓯ ꓠꓽ ꓦ ꓖꓳ ꓓꓱˍ ꓟꓲ ꓙꓳˍ ꓥꓳ꓿
ꓖꓳ ꓟ ꓡꓰ ꓐꓰ ꓕꓳ ꓶ ꓗꓪ ꓟꓲ ꓬꓲ ꓪꓴ. ꓟ ꓡ ꓞꓳ ꓮ-ꓓꓯ ꓠꓬ ꓞꓳ ꓢꓯꓸ ꓒꓬꓱꓽ ꓡˍ ꓡꓳ ꓐꓰ ꓐꓳ ꓔˍ ꓡꓳ꓿ ꓡꓳ, ꓬꓰˍ ꓟ ꓮ-ꓓꓯ ꓠꓬ꓾ ꓢꓯ ꓟꓬ ꓖꓶ ꓢꓴ ꓦ ꓒꓬꓱꓼ ꓡˍ ꓡꓳ꓿
ꓮ ꓡꓲꓳ ꓐꓯ ꓠꓬ ꓛꓵ ꓡꓰ ꓓ ꓟ ꓕꓱ ꓟ ꓠꓬ ꓛꓵ ꓡꓰ ꓟꓽ ꓓ ꓟ ꓖꓪ ꓠ ꓗ ꓢꓲ꓾ ꓫꓵꓻ ꓗꓴˍ ꓟ ꓕꓱ ꓠꓬ ꓫꓵꓻ ꓟꓽ ꓗꓴ ꓟ ꓖꓪ ꓠ ꓗ ꓥꓳ꓿
ꓖꓳ ꓡꓱ ꓥ ꓟꓲ ꓛꓵ ꓡꓰ ꓓˍ ꓟ ꓕꓱ ꓟ ꓠꓬ ꓛꓵꓽ ꓡꓰ ꓟꓽ ꓓ ꓟ ꓖꓪ ꓗꓷ ꓢꓲ ꓫꓵꓻ ꓗꓴ ꓟ ꓕꓱ ꓟ ꓠꓬ ꓫꓵꓻ ꓟꓽ ꓗꓴ ꓖꓪ ꓗꓷ ꓠꓬ꓾ ꓖꓳ ꓕꓯ ꓕꓳ ꓶ ꓗꓪ ꓧꓪ. ꓡꓰˍ ꓟ ꓡꓰ ꓫꓵꓻ ꓟ ꓔꓯ ꓖꓴ ꓓꓵ ꓡꓰꓳ꓿
ꓫꓵꓻ ꓟꓳ꓾ ꓠꓴ ꓧꓪꓸ ꓡꓰˍ ꓟ ꓮ ꓡꓲ ꓗꓪ ꓓˍ ꓡꓳ꓿ ꓫꓵꓻ ꓟꓳ꓾ ꓠꓴ ꓔꓶ. ꓓꓴ ꓤꓲꓽ ꓮ ꓡꓲ ꓗꓪ ꓓˍ ꓡꓳ꓾ ꓐꓰ ꓐꓳ ꓔ ꓟ ꓐꓯ ꓘꓶ ꓒꓬꓱꓼ ꓡˍ ꓥꓳ꓿
ꓫꓵꓻˍ ꓟ ꓬꓲ ꓤꓲꓽ ꓠꓬ ꓝꓴꓲ ꓥ ꓢꓲ꓾ ꓝꓴꓲ ꓪꓽ ꓠꓬꓲˍ ꓟ ꓠꓬ ꓙꓵꓽ ꓗ ꓥ ꓡꓳ꓿
ꓖꓳ ꓡꓱ ꓥ ꓟꓲ ꓣꓳ ꓢꓲ-ꓒ ꓬꓰ-ꓢꓴ ꓙꓲ-ꓢꓴ ꓗꓪ ꓐꓰ ꓣꓳ ꓔꓯ ꓧꓪ. ꓡꓰ ꓝꓲ ꓢꓴ ꓪꓴ-ꓢ ꓔꓯ ꓫꓸ ꓟꓳ꓿
ꓖꓳ ꓡꓱ ꓠꓬꓲ ꓥꓪ ꓠꓲ ꓠꓵ ꓟ ꓬꓲ ꓤ ꓠꓬꓲ ꓤ ꓐꓴꓳ꓾ ꓠꓴ ꓪ ꓠꓬ ꓟꓽ ꓷ, ꓡꓵ ꓡꓰ ꓝꓲ ꓝꓲ ꓕꓶ ꓞ ꓢꓲ꓾ ꓮ ꓕꓯˍ ꓟꓲ ꓢꓲꓺ ꓒ ꓟꓬꓱꓽ ꓮ ꓟꓬꓹ ꓬꓰ꓿ ꓮ ꓡꓲꓳ ꓐꓯ ꓠꓬ ꓢꓲꓺ ꓒ ꓠꓯꓸꓼ ꓗꓪ ꓠꓴ ꓪ ꓢꓯꓼ ꓕꓵꓼ ꓪꓴꓽ ꓧꓶꓻˍ ꓟ ꓠꓬ꓾ ꓮ ꓔꓳˍ ꓡꓰꓽ ꓟꓽ ꓥ ꓟ ꓠꓴ ꓪ ꓢꓷ.ˍ ꓡꓳ꓿