Lisu Christian Hymnal
Hymn 30 ꓙꓲ-ꓢꓴ ꓠꓯꓸꓼ ꓗꓪ ꓟ ꓞꓳ ꓤ ꓬꓲ ꓫꓵꓼ꓿ Lyrics
ꓢꓲ-ꓒ ꓔꓯ ꓙꓳ ꓠꓯˍ ꓟ ꓥꓪ ꓠꓴꓽ ꓢꓷˍ ꓠꓬꓲ ꓞꓳ ꓤ ꓔꓯ ꓘꓶ. ꓖꓶ ꓡꓳ꓿ ꓖꓳ ꓡꓱ ꓥˍ ꓟꓲ ꓥꓪ ꓠꓴ ꓠꓬ ꓮ ꓡꓲ ꓫꓵꓽ ꓞꓳ ꓤ ꓥ ꓟ ꓪꓴ-ꓢ ꓢꓷꓸ ꓡꓳ꓿ ꓝꓮꓲ ꓠꓴ ꓪ ꓦꓰꓽ ꓠꓲ, ꓗꓪˍ ꓟꓲ ꓥꓪ ꓠꓴ ꓔꓯ ꓦꓰ ꓓꓳ ꓡꓻꓳ ꓐꓰ ꓥꓪ ꓥꓳ ꓡꓳ ꓔꓬ ꓡꓳ꓿
ꓥꓪ ꓠꓴꓽ ꓠꓬ ꓠꓴ ꓪ ꓔꓯ ꓟꓳꓸ ꓚꓲ ꓛꓬ ꓔꓯ ꓝꓮꓲ ꓕꓲ ꓧꓪꓹ ꓓꓳꓹ ꓟꓴ ꓟ ꓟꓽ ꓥ꓿ ꓠꓲ, ꓟ ꓔꓯ ꓡꓳꓸ ꓟ ꓟꓽ ꓥ ꓥ ꓬꓲ ꓒꓬꓱꓽ ꓔꓯ ꓡꓳꓸ ꓢꓲ ꓘꓶꓽ ꓘ ꓢꓴ ꓔꓯ ꓠꓴ ꓪ ꓒꓳꓹ ꓖꓶ ꓓꓴ ꓙꓳ ꓠ ꓟ ꓥꓪ ꓠꓴꓽ ꓑꓶꓸ ꓓꓴ ꓠꓴ ꓪ ꓘꓶꓽ ꓘ ꓓꓴ ꓬꓲ ꓚꓱꓹ ꓙꓳ ꓠ ꓟ ꓡꓰ ꓐꓰ ꓥ ꓡꓳ꓿
ꓥꓪ ꓠꓴ ꓪꓴꓸˍ ꓐꓭ ꓠꓬ ꓪꓴ-ꓢ ꓐꓱ ꓶ ꓥ ꓡꓳ꓿ ꓠꓲ, ꓟ ꓢꓲꓽˍ ꓐꓭ ꓠꓬ ꓠꓴ ꓪ ꓔꓯ ꓟꓳ. ꓥ ꓡꓳ꓿
ꓮ ꓡꓲꓳ ꓐꓯ ꓠꓬ ꓙꓲ-ꓢꓴ ꓠꓵ ꓠꓲ ꓠꓬ꓾ ꓥꓪ ꓠꓴ ꓔꓯ ꓠꓬꓲ. ꓞ ꓡꓳ꓿ ꓡ ꓞꓳ ꓕꓲ ꓣꓳ ꓡꓰ ꓮ ꓙꓵ ꓢꓴ ꓐꓱ ꓶ ꓫꓵˍ ꓡꓳ꓿ ꓖꓳ ꓡꓱ ꓠꓬꓲ ꓮ ꓙꓵ ꓢꓴ ꓫꓵꓻˍ ꓡꓳ꓾ ꓐꓰ꓾ ꓥꓪ ꓠꓴꓽ ꓚꓬˍ ꓡꓳ꓿
ꓢꓯ. ꓔꓬ ꓢꓴ ꓠꓬ ꓕꓱ ꓡꓱ ꓖꓳ ꓑꓳ. ꓚꓲ ꓛꓬ ꓐꓱ ꓶ ꓟꓽ ꓥ ꓥ꓾ ꓬꓲ ꓪ ꓐꓱ ꓶ ꓫꓵꓻ ꓢꓲ. ꓢꓯ. ꓬꓲꓼ ꓡ ꓢꓴ ꓖꓳ ꓕꓲ ꓣꓳ ꓐꓱ ꓶ ꓢꓯ. ꓔꓬ ꓠ ꓟ꓾ ꓬꓲ. ꓠꓬ ꓮ ꓙꓵ ꓢꓴ ꓐꓱ ꓶ ꓫꓵꓻˍ ꓡꓳ꓿
ꓖꓳ ꓡꓱ ꓠꓬꓲ ꓕꓱ ꓡꓱ ꓖꓳ ꓑꓳ. ꓥꓪ ꓠꓴꓽ ꓠꓬ ꓧꓪ ꓖꓳ ꓓꓱ ꓔꓯ ꓟꓳ. ꓮ ꓫꓵꓽ ꓡ ꓞꓳ ꓔꓯˍ ꓟꓲ ꓟꓽ ꓢꓷ꓿ ꓧꓪ ꓖꓳ ꓓꓱ ꓔꓯ ꓟꓳ. ꓙꓲ-ꓢꓴ ꓔꓯ ꓥꓪ ꓠꓴ ꓢꓷ ꓠꓬꓲˍ ꓥ ꓟꓲ ꓕꓱ ꓡꓱ ꓖꓳ ꓑꓳ ꓠꓽ ꓖꓳ ꓡꓱ ꓟꓽ ꓢꓷ꓿
ꓖꓳ ꓡꓱ ꓠꓬꓲ ꓮ ꓟ ꓥ ꓟꓲ ꓙꓲ-ꓢꓴ ꓠꓯꓸꓼ ꓗꓪ ꓔꓬ ꓐꓭ ꓠꓬ ꓬꓲ ꓫꓵꓼ ꓚꓰꓼ ꓔ ꓟ ꓥ ꓡꓳ꓿ ꓬꓲ ꓐꓰꓽ ꓠꓬ ꓗꓳꓸ ꓗꓷ ꓢꓲ ꓠꓬꓲ ꓠꓹ ꓬꓲ ꓫꓵꓼ ꓒꓬꓱꓼ ꓡˍ ꓟ ꓥ ꓡꓳ꓿
ꓖꓳ ꓡꓱ ꓥ ꓟꓲ ꓙꓳ ꓟ ꓥ ꓕ ꓑꓳ. ꓠꓬ ꓪꓴ-ꓢ ꓔꓯ ꓐꓰ ꓥ ꓢꓲ ꓬꓲ ꓠꓬ ꓙꓲ-ꓢꓴ ꓗꓪ ꓐꓰ ꓣꓳ ꓔꓯ ꓬꓲ ꓐꓰ ꓧꓳꓹ ꓡꓰ ꓝꓲ ꓢꓲ ꓠꓬꓲ ꓧꓳꓹ ꓡꓰ ꓝꓲˍ ꓟ ꓟꓬꓱꓽ ꓣꓳ ꓔꓯ ꓖꓶ ꓡꓳ꓿
ꓕꓱ ꓟ ꓠꓬ ꓪꓴ-ꓢ ꓡꓰ ꓙꓲ-ꓢꓴ ꓠꓯꓸꓼ ꓗꓪ ꓟꓲ ꓠꓯ ꓔꓯ ꓬꓲˍ ꓐꓰ ꓧꓳ, ꓡꓰ ꓝꓲ ꓢꓲ ꓬꓲ ꓪ ꓛꓬ ꓖꓴ ꓥꓳꓽ ꓖꓴ ꓟꓽ ꓚꓬ, ꓖꓶ ꓢꓲ ꓠꓬꓲ꓾ ꓧꓳꓹ ꓡꓰˍ ꓟ ꓐꓯ ꓘꓶ ꓥꓪ ꓠꓴꓽ ꓔꓯ ꓡꓯꓼ ꓙꓱ ꓔ ꓡꓳ꓿
ꓖꓳ ꓡꓱ ꓠꓬꓲ ꓪꓴ-ꓢ ꓠꓬ ꓥꓪ ꓠꓴꓽ ꓗꓪ ꓐꓰ ꓠꓴ ꓪ ꓔꓯ ꓘꓶ. ꓟˍ ꓡꓰˍ ꓐꓰ ꓥꓪ ꓠꓴꓽ ꓠꓬ ꓙꓲ-ꓢꓴ ꓐꓱ ꓶ ꓝꓲ ꓓꓴ ꓥ ꓡꓳ꓿ ꓠꓴ ꓪ ꓠꓬ ꓪꓴ-ꓢ ꓐꓰ ꓧꓳ, ꓡꓰ ꓠ ꓟ ꓙꓲ-ꓢꓴ ꓐꓱ ꓶ ꓥꓪ ꓠꓴ ꓓꓰꓽˍ ꓡꓳ꓿
ꓣꓳ ꓠꓬ ꓙꓲ-ꓢꓴ ꓠꓯꓸꓼ ꓗꓪ ꓪꓴ-ꓢ ꓙꓲ ꓫꓬ ꓟ ꓒꓬꓱꓼ ꓡ ꓠ ꓟ ꓪꓴ-ꓢ ꓡꓰ ꓝꓴꓲ ꓟꓽ ꓢꓷ ꓢꓴ ꓖꓳ ꓕꓲ ꓣꓳ ꓔꓯ ꓠꓬ꓾ ꓣꓳ ꓐꓱ ꓶ ꓝꓴꓲ ꓒꓬꓱꓼ ꓡ ꓝꓲˍ ꓡꓳ꓿