Lisu Christian Hymnal
Hymn 3 ꓣꓳ ꓠꓬꓲ ꓟꓳ ꓓꓴ ꓐꓰ ꓢꓯ ꓟꓬ ꓝꓸ ꓖꓶ ꓢꓴ ꓠꓬ ꓬꓰ-ꓧꓳ-ꓧꓪ ꓥ ꓟ Lyrics
ꓬꓰ-ꓧꓳ-ꓧꓪ ꓠꓬ ꓥꓪ ꓠꓬꓲ ꓟꓳ ꓓꓴˍ ꓐꓰ ꓥꓪ ꓢꓯꓼ ꓟꓬ ꓝˍ ꓟ ꓥ ꓡꓳ꓿ ꓥꓪ ꓮ ꓟ ꓔꓯ ꓙꓳ ꓢꓰ꓿ ꓬꓰ-ꓧꓳ-ꓧꓪ ꓠꓬ ꓥꓪ ꓢꓯꓼ ꓟꓬ ꓬꓲ ꓢꓯꓼ ꓪꓼ ꓥ ꓡꓳ꓿ ꓥꓪ ꓮ ꓟ ꓔꓯ ꓙꓳ ꓛꓱꓽ ꓢꓰ꓿
ꓥꓶˍ ꓟ ꓬꓰ ꓢꓴ ꓠꓬ ꓥꓪ ꓧꓪꓽ ꓜ ꓠ ꓟ꓾ ꓥꓪ ꓔꓯ ꓔꓳꓹ ꓡ ꓕꓯ ꓬꓲ ꓪ ꓛꓲ ꓕꓲꓽ ꓗꓷ ꓢꓲ ꓓꓳꓽ ꓡꓰˍ ꓡꓳ꓿ ꓬꓲ ꓪ ꓠꓬ ꓥꓪ ꓔꓯ ꓔꓳ, ꓢꓴ ꓐꓰ ꓥꓪ ꓔꓯ ꓛꓴꓽ ꓙꓳ ꓢꓴ ꓥ ꓡꓳ꓿
ꓟꓯ ꓕꓲ ꓜꓴ ꓠꓬ ꓥꓪ ꓔꓯ ꓔꓳ, ꓠ ꓟ ꓟꓯꓼ ꓒꓱ ꓫꓬˍ ꓥˍ ꓟꓲ꓾ ꓥꓪ ꓠꓲ ꓟ ꓗꓪ ꓟꓽ ꓙꓳ꓿ ꓟꓯ ꓬꓰꓻ ꓢꓲ ꓥꓪ ꓔꓯ ꓔꓳ, ꓔꓴ ꓡˍ ꓥˍ ꓟꓲ ꓥꓪ ꓠꓬ ꓦ ꓡꓱ ꓐꓳ ꓔꓬ ꓢꓰ ꓡꓳ꓿
ꓥꓪ ꓠꓬ ꓬꓰ-ꓧꓳ-ꓧꓪ ꓔꓯ ꓕꓲ ꓫꓵꓽ ꓓꓰꓽ ꓗꓷꓳ꓿ ꓥꓪ ꓠꓬ ꓖꓳ ꓟ ꓔꓯ ꓧꓪˍ ꓥꓳ꓿ ꓥꓪ ꓓꓰꓽˍ ꓟ ꓠꓬ ꓥꓪ ꓢꓯꓸ ꓔꓬ ꓟ ꓦꓬ ꓠꓬꓲ ꓥ ꓕ ꓑꓳ ꓗꓪ꓾ ꓬꓰ-ꓧꓳ-ꓧꓪ ꓦꓲ ꓗꓪ ꓥꓪ ꓔꓬ ꓪ ꓢꓲ꓾ ꓬꓰ-ꓧꓳ-ꓧꓪ ꓬꓲ ꓐꓲꓻˍ ꓟ ꓟꓳꓻ ꓪ ꓢꓲ ꓠꓬꓲ꓾ ꓬꓲ ꓢꓲ ꓫꓬ ꓦꓲ ꓗꓪ ꓠ ꓠꓬꓲ ꓪ ꓠ ꓟ ꓥ ꓡꓳ꓿
ꓮ ꓡꓲꓳ ꓐꓯ ꓠꓬ ꓫ ꓙꓵ ꓟ ꓦꓬ ꓠꓬꓲ ꓗꓪ꓾ ꓬꓲ ꓡꓰ ꓬꓲ ꓦꓲ ꓐꓱ ꓗꓪ ꓥꓪ ꓔꓯ ꓑꓬ ꓠꓬ ꓝꓲˍ ꓥꓳ꓿ ꓬꓲ ꓟꓶ ꓔꓶ. ꓦꓲ ꓑꓲ. ꓛ ꓠꓯꓸꓼ ꓗꓪ ꓥꓪ ꓔꓯ ꓚꓵ ꓗꓷˍ ꓥꓳ꓿ ꓡꓳ ꓓꓰ ꓗꓪ ꓬꓲ ꓥꓪ ꓔꓯ ꓦꓰꓼ ꓔ ꓝꓲˍ ꓥꓳ꓿
ꓖꓳ ꓡꓱ ꓠꓬꓲ ꓥꓪ ꓚꓳ ꓡꓳ ꓡꓳ ꓗꓪ ꓟ ꓥꓪ ꓔꓯ ꓛꓴ ꓙꓳ ꓢꓴ ꓕꓯ ꓢꓲ ꓗꓪ ꓥꓪ ꓔꓯ ꓓꓳꓹ ꓟꓴ ꓗꓷˍ ꓥꓳ꓿ ꓬꓲ ꓟꓶ ꓔꓶ. ꓦꓲ ꓗꓪ ꓗ ꓛꓲˍ ꓟ ꓔꓲ ꓓꓴ ꓥꓪ ꓔꓲ ꓖꓶˍ ꓥꓳ꓿ ꓥꓪ ꓠꓬ ꓟꓴ ꓖꓪ ꓖꓪ ꓢꓲ ꓬꓰ-ꓧꓳ-ꓧꓪ ꓔꓯ ꓫꓱ. ꓖꓶ ꓓꓴ ꓥꓪ ꓖꓪˍ ꓥꓳ꓿
ꓬꓰ-ꓧꓳ-ꓧꓪꓳ꓾ ꓥꓪ ꓘꓴˍ ꓕꓯ ꓠꓺ ꓠ, ꓡꓯ꓿ ꓥꓪ ꓔꓯ ꓫꓱ. ꓤ ꓢꓲ ꓥꓪ ꓔꓯ ꓓꓽ ꓔꓳ ꓖꓶ ꓡꓯ꓿
ꓥꓪ ꓒꓬꓱ ꓔꓯ ꓧꓪꓺ ꓡꓯ ꓐꓰ꓾ ꓠꓴ ꓐꓯˍ ꓕꓯ ꓥꓪ ꓠꓲ, ꓟ ꓡꓰ ꓬꓰ-ꓧꓳ-ꓧꓪꓳ꓾
ꓠꓴ ꓒꓬꓱ ꓔꓯ ꓥꓪ ꓧꓪ ꓥꓳ꓾ ꓐꓰ꓾ ꓐꓯˍ ꓡꓳ꓿ ꓠꓴ ꓒꓬꓱ ꓥꓪ ꓔꓯ ꓐꓰ ꓕ ꓚꓵ ꓗꓷ꓾ꓦꓶ ꓠꓲ, ꓡꓰ ꓠꓴ ꓚꓳ ꓑ ꓥꓪ ꓔꓯ ꓕ ꓡꓳꓸꓸ ꓗꓷ꓿ ꓥꓪ ꓔꓯ ꓬꓰ ꓙ ꓠꓬꓲ ꓢꓴꓳ꓾ ꓥꓪ ꓔꓯ ꓢꓯꓼ ꓟꓬ ꓝ. ꓖꓶ ꓢꓴ ꓪꓴ-ꓢꓻꓳ꓾ ꓥꓪ ꓔꓯ ꓕ ꓒꓰ ꓗꓷ꓾ ꓡꓳˍ ꓟꓲ ꓕꓽ ꓡꓳ ꓗꓷ꓿
ꓥꓪ ꓐꓹ ꓐ ꓟ, ꓟ ꓡꓰ ꓥꓪ ꓔꓯ ꓡꓳ ꓒꓰˍ ꓕꓯ ꓬꓰ-ꓧꓳ-ꓧꓪ ꓠꓬ ꓥꓪ ꓔꓯ ꓦꓵ ꓙˍ ꓥꓳ꓿
ꓬꓰ-ꓧꓳ-ꓧꓪꓳ꓾ ꓠꓴ ꓚꓱ, ꓥꓪ ꓔꓯ ꓟꓸ ꓖꓶ ꓡꓯ꓿ ꓥꓪ ꓔꓯ ꓛꓴ ꓙꓳ ꓢꓴ ꓐꓴ ꓑꓶ. ꓓꓴ ꓓꓰꓺˍ ꓟ ꓙ ꓖꓴ ꓗꓪ ꓥꓪ ꓔꓯ ꓧꓳꓽ ꓙꓰ ꓖꓶ ꓡꓯ꓿
ꓥꓪ ꓔꓯ ꓔꓳꓹ ꓢꓴ ꓠꓲ ꓡꓶ ꓔꓯ ꓛꓳ ꓠ ꓟ ꓬꓲ ꓪ ꓡꓯ ꓒꓯ ꓗꓪ ꓥꓪ ꓔꓯ ꓕ ꓡꓯ ꓙꓱ ꓗꓷ꓿ ꓮ ꓡꓲꓳ ꓐꓯ ꓠꓬ ꓟꓽ ꓔꓱ ꓟ ꓢꓷ ꓙ ꓟꓳ ꓙ ꓢꓴˍ ꓐꓰ ꓜꓲꓽ ꓜꓲꓽ ꓑꓰ, ꓑꓰ, ꓬꓰ ꓢꓴ ꓠꓬ ꓥꓪ ꓔꓯ ꓔꓳꓹ ꓔꓴ ꓡˍ ꓡꓳ꓿
ꓞꓳ ꓢꓯ ꓟꓵ ꓗꓪ ꓬꓰ-ꓧꓳ-ꓧꓪ ꓠꓲ, ꓟ ꓙꓲˍ ꓟ ꓟꓳ ꓪ ꓠ ꓟ ꓥꓪ ꓟꓽ ꓙꓵ ꓕꓯ ꓠ꓾ ꓧꓶ. ꓕꓯˍ ꓡꓰ ꓠꓲ ꓟ ꓙꓬ ꓡꓰꓳ ꓫꓵꓽ ꓥ ꓡꓳ꓿ ꓬꓰ-ꓧꓳ-ꓧꓪ ꓔꓯ ꓡꓳ. ꓠꓬ, ꓡꓯ꓾ ꓢꓯꓼ ꓙꓳ ꓔꓬ ꓢꓲ ꓠꓲꓹ ꓪꓴꓽ ꓠꓲꓹ ꓕꓶ ꓡꓰ ꓝꓲ꓿ ꓥ ꓡꓳ꓾ ꓬꓰ-ꓧꓳ-ꓧꓪ ꓔꓯ ꓡꓳ ꓠꓬ, ꓡꓯ꓿