Lisu Christian Hymnal
Hymn 27 ꓙꓲ-ꓢꓴ ꓬꓲ ꓙ ꓠꓲ꓿ Lyrics
ꓙꓲ-ꓢꓴ ꓬꓰ-ꓢꓴ ꓙ ꓠꓲ ꓕꓱ ꓟ ꓠꓬ ꓠꓴ ꓪ ꓠꓯꓸꓼ ꓗꓪˍ ꓟꓲ ꓓꓯꓹ ꓝꓲ꓿
ꓬꓲ ꓠꓬ ꓪꓴ-ꓢ ꓒꓬꓱꓽ ꓙꓳ ꓞ ꓥ ꓟꓲ꓾ ꓪꓴ-ꓢˍ ꓐꓰ ꓔꓱ ꓪꓴꓹꓽ ꓥ ꓟ ꓟꓬꓱ ꓓꓳꓽ ꓔꓯ ꓩꓴ ꓗꓷ ꓟꓽ ꓬꓯꓼ ꓐꓰ ꓬꓲ ꓟꓽ ꓓꓵ ꓙ꓿
ꓚꓲ ꓛꓬ ꓔꓯ ꓱꓺ ꓡꓰ ꓝꓲ ꓢꓲ꓾ ꓚꓳ ꓑ ꓒꓬꓱꓽ ꓣꓴꓻ ꓢꓲ ꓠꓬꓲ꓾ ꓞꓳ ꓤ ꓒꓬꓱꓽ ꓶ ꓡꓰˍ ꓡꓳ꓿
ꓬꓲ ꓠꓬ ꓞꓳ ꓤ ꓶ ꓒꓬꓱꓽ ꓙꓳ ꓞ ꓢꓲ꓾ ꓚꓲ ꓛꓬ ꓙ ꓣꓳ ꓢꓲ ꓠꓬꓲ꓾ ꓫꓵꓻ ꓗꓪ ꓛꓲ ꓠ ꓡꓳˍ ꓡꓳ꓿ ꓫꓵꓻˍ ꓟ ꓕꓱ ꓟ ꓠꓬ ꓡꓯꓼ ꓐꓳ ꓔꓶ ꓓꓴ ꓗꓪ ꓫꓵꓻ ꓟ ꓥ ꓡꓳ꓿
ꓖꓳ ꓟ ꓑꓶ. ꓓꓴ ꓪꓴ-ꓢ ꓡꓰ ꓬꓲ ꓔꓯ ꓮ ꓟꓴ ꓟꓴ ꓓꓳ ꓟꓴ ꓢꓲ꓾ ꓟꓴ ꓗꓪ ꓗꓪ ꓔꓬ ꓟ ꓐꓰ꓾ ꓟꓲ ꓠꓯ ꓗꓪ ꓔꓬ ꓟˍ ꓐꓰ ꓟꓲ ꓠꓯ ꓠꓯꓸ ꓘꓪ ꓔꓬ ꓟ ꓮ ꓙꓵ ꓡꓱꓹꓽ ꓬꓰ-ꓢꓴ ꓟꓬꓱꓺ ꓗꓪ ꓐꓰ ꓛꓲ ꓝꓲꓹ ꓖꓶꓽ ꓢꓲ꓾
ꓐ ꓐ ꓪꓴ-ꓢ ꓔꓯ ꓟꓬꓱ ꓓꓳ ꓟꓶ ꓝꓲ ꓠ ꓟ ꓬꓰ-ꓢꓴ ꓙꓲ-ꓢꓴ ꓠꓬꓺ ꓢꓲ ꓒ ꓥ ꓡꓳ꓾ ꓐꓰ꓾ ꓡ ꓛꓱ ꓥ ꓕ ꓑꓳ ꓣꓷꓠꓸ ꓠꓹ ꓟ ꓬꓰ-ꓢꓴ ꓔꓯ ꓠꓬ ꓮ ꓙꓵ ꓟ ꓕꓯ ꓢꓲ ꓒꓵˍ ꓟ ꓟꓬꓱꓺ ꓖꓶˍ ꓡꓳ꓿
ꓖꓳ ꓡꓱ ꓠꓬꓲ ꓥꓪ ꓠꓲ, ꓠꓵˍ ꓟ ꓐꓴꓳꓻ ꓠꓴ ꓪ ꓮ ꓕꓯˍ ꓟꓲ ꓠ ꓡꓳ.ˍ ꓟˍ ꓡꓰ ꓐꓰ꓾ ꓠꓴ ꓪ ꓥꓪ ꓒꓬꓱꓽ ꓕꓯ ꓗꓪ ꓔꓬ ꓕꓯˍ ꓡꓰ ꓟꓽ ꓞꓲ꓾ ꓮ ꓟꓶ ꓥꓪ ꓟꓽ ꓔꓬ ꓕꓯ ꓥˍ ꓟꓲ ꓪ ꓜꓲ ꓮ ꓘꓶ. ꓠ ꓡꓳ. ꓢꓲ꓾ ꓠꓴ ꓪ ꓚꓲ ꓛꓬ ꓢꓯꓼ ꓟꓬ ꓝˍ ꓟ ꓟꓬꓱꓽ ꓠꓬ ꓙꓳꓺ ꓠꓬꓲ ꓛꓱꓽ ꓠꓬꓲ ꓬꓰ ꓓꓳ ꓡꓯ꓿
ꓮ ꓡꓲꓳ ꓐꓯ ꓠꓬ ꓪꓴ-ꓢ ꓠꓲ ꓒꓴˍ ꓟ ꓔꓯ ꓛꓳꓻ ꓠ ꓟ꓾ ꓠꓴ ꓪ ꓠꓲˍ ꓟꓲ ꓠꓲ ꓫꓵ ꓢꓲꓻ ꓬꓰˍ ꓟꓲ ꓬꓰ ꓐ ꓡ ꓝꓲ ꓠ ꓟ꓾ ꓠꓴ ꓪ ꓠꓯꓹꓼ ꓗꓪ ꓢꓯ ꓕꓵ ꓢꓴ ꓠꓬ ꓪꓴ-ꓢ ꓥ ꓡꓳ꓿
ꓥꓪ ꓪꓴ-ꓢ ꓠꓽ ꓙꓲ-ꓢꓴ ꓬꓰ-ꓢꓴ ꓠꓯꓸꓼ ꓗꓪ ꓬꓲ ꓐꓬꓱꓼ ꓡꓱ ꓡꓱˍ ꓟ ꓒꓵꓽ ꓶ ꓐꓳ ꓞˍ ꓟ ꓔꓯ ꓛꓳ ꓢꓲ꓾ ꓠꓴ ꓪ ꓣꓱ ꓬꓯˍ ꓟ ꓥ ꓕ ꓑꓳ. ꓖꓶ ꓐꓲꓺ ꓡˍ ꓥꓳ꓿