Lisu Christian Hymnal
Hymn 23 ꓬꓰ-ꓢꓴ ꓢꓯꓸ ꓬꓲꓼ ꓡˍ ꓟ Lyrics
ꓠ ꓦꓬꓼ ꓠꓬꓲ ꓗꓳ. ꓗꓷ ꓠꓬ꓾ ꓫꓵꓽ ꓠꓬꓲ ꓟ ꓬꓲ ꓪꓴꓸ ꓕꓲ ꓠꓬꓲ꓾ ꓟꓲꓽ ꓕꓯ ꓙꓲ ꓡˍ ꓐꓰ ꓬꓰˍ ꓕꓯ꓾ ꓟ-ꓖ-ꓓ-ꓡꓲ ꓢꓴ ꓟ-ꓡꓲˍ ꓐꓰ ꓟ-ꓡꓲ ꓖꓳ ꓕꓲ ꓣꓳ ꓠꓬ ꓡꓱ ꓜꓴ ꓗꓪ ꓔꓱ, ꓠꓬꓲ ꓡˍ ꓡꓳ꓿
ꓠꓬꓲ ꓠ꓾ ꓟꓵꓽ ꓮ ꓘꓶ. ꓓꓵ ꓡˍ ꓡꓳ꓿ ꓮ ꓡꓲꓳ ꓐꓯ ꓠꓬ ꓢꓲ ꓒ ꓬꓲ ꓝꓲ ꓓꓴ ꓠꓬ ꓟꓴ ꓗꓪ ꓗꓪ ꓐꓰ ꓬꓯꓼ ꓡ ꓢꓲ꓾ ꓭꓸ ꓛꓲ ꓡꓱꓸ ꓩꓴ ꓗꓷ ꓢꓲ ꓠꓬꓲ꓾ ꓕꓯ ꓢꓲ ꓗꓪ ꓠꓬꓲꓸ ꓠꓸˍ ꓡꓳ꓿
ꓬꓲ ꓒꓬꓱꓽ ꓠꓬ ꓟꓲꓽ ꓐꓬꓱꓼˍ ꓡꓰ ꓐꓰ ꓗˍ ꓡꓳ꓿ ꓬꓲ ꓐꓵ ꓞꓶꓽ ꓠꓬ ꓪꓽˍ ꓡꓰ ꓐꓰ ꓒꓴ ꓛ ꓛ ꓗˍ ꓡꓳ꓿
ꓡꓳ. ꓠꓬꓹ ꓢꓴ ꓠꓬ ꓬꓲ ꓔꓯ ꓙꓳ ꓠꓬꓲ ꓛꓱꓽ ꓛꓱꓽ ꓢꓲ ꓞꓳ ꓫꓵꓻˍ ꓡꓰ ꓐꓰ ꓗꓷ ꓡꓰˍ ꓡꓳ꓿
ꓟꓴ ꓗꓪ ꓝꓲ ꓓꓴ ꓠꓬ ꓤ ꓟꓶ ꓤ ꓐꓴ ꓔꓯ ꓕꓱ ꓡꓱ ꓐꓯ ꓖꓶˍ ꓡꓳ꓾ ꓠꓴ ꓪ ꓕꓽ ꓙꓳꓺ꓿ ꓮ ꓡꓲꓳ ꓐꓯ ꓠꓬ ꓠꓴ ꓪ ꓠꓬ ꓕꓯꓼ ꓔꓶ. ꓗꓷ ꓟ ꓬꓰ-ꓢꓴ ꓔꓯ ꓧꓪˍ ꓡꓳ꓾ ꓐꓰ ꓥꓪ ꓢꓷˍ ꓡꓳ꓿
ꓬꓲ ꓕꓻ ꓟꓽ ꓔꓬꓳ꓿ ꓮ ꓡꓲꓳ ꓐꓯ ꓠꓬ ꓬꓲꓸ ꓠꓽ ꓬꓲ ꓐꓯˍ ꓟˍ ꓡꓰ ꓐꓰ ꓢꓯꓸ ꓬꓲꓼ ꓡꓻꓳ꓿ ꓢꓲ ꓒ ꓓˍ ꓖꓴ ꓗꓪ ꓡꓳꓸ ꓠꓬꓲ ꓡꓯ꓿
ꓮꓸ ꓟꓲ. ꓙꓰ ꓢꓲ ꓬꓲ ꓛꓳꓽ ꓒꓯ, ꓐꓴ ꓔꓯ ꓕꓱ ꓡꓱ ꓐꓯ ꓖꓶ꓾ ꓬꓲ ꓠꓬ ꓫꓵꓻ ꓗꓪ ꓐꓰ ꓢꓯꓸ ꓬꓲꓼ ꓡꓻꓳ꓾ ꓠꓬꓲ ꓠ꓾ ꓬꓲ ꓠꓬ ꓖ-ꓡꓲ-ꓡꓲ ꓟꓵꓽ ꓗꓪ ꓠꓴ ꓪ ꓟꓲꓽ ꓕꓯ ꓢꓲ ꓙꓰˍ ꓥꓳ꓿ ꓖꓳ ꓗꓪ ꓠꓴ ꓪ ꓬꓲ ꓔꓯ ꓟꓳˍ ꓥꓳ꓾ ꓐꓯ ꓖꓶ꓿ ꓠ ꓠ ꓔ꓾ ꓥꓪ ꓠꓬ ꓠꓴ ꓪ ꓔꓯ ꓐꓯ ꓖꓶ ꓗꓷꓳ꓾ ꓐꓯ ꓡꓳ꓿
ꓬꓲ ꓪ ꓠꓬ ꓮꓸ ꓟꓲꓸ ꓟꓲ. ꓡꓱ ꓜꓴ ꓗꓪ ꓐꓰ ꓙꓰ ꓗꓷ ꓢꓲ꓾ ꓙꓳꓺ ꓟꓲ ꓙꓳ꓾ ꓗˍ ꓟꓲ ꓗꓹ ꓛꓲ ꓢꓲ꓾ ꓬꓲ ꓛꓳ ꓒꓯ ꓐꓴ ꓔꓯ ꓐꓯ ꓖꓶˍ ꓐꓰ ꓔꓷꓹ ꓙꓰˍ ꓡꓳ꓿
ꓠꓬꓲ ꓠ꓾ ꓬꓰ-ꓢꓴ ꓬꓲ ꓪ ꓔꓯ ꓞꓵꓺ ꓡ ꓢꓲ꓾ ꓠꓴ ꓪ ꓧꓪꓸ ꓧꓪꓸꓼ ꓔꓬ꓾ ꓐꓯ ꓡꓳ꓿ ꓬꓲ ꓠꓬ ꓡ ꓢꓲ ꓬꓲ ꓛꓲ ꓒꓯ ꓗꓪ ꓢꓳ. ꓔ ꓢꓲ ꓠꓬꓲ꓾ ꓬꓲ ꓔꓯ ꓪꓴ. ꓓꓵ ꓕꓱꓼˍ ꓡꓳ꓿
ꓬꓰ-ꓢꓴ ꓡꓰ ꓬꓲ ꓪ ꓔꓯ꓾ ꓕ ꓙꓳꓺ꓾ ꓥꓪ ꓬꓲꓼ ꓥꓪ ꓠꓬꓲꓺ ꓔꓯ ꓖ-ꓡꓲ-ꓡꓲ ꓗꓪ ꓙꓰ꓾ ꓖꓳ ꓗꓪ ꓬꓲ ꓪ ꓥꓪ ꓔꓯ ꓟꓳˍ ꓥꓳ꓾ ꓐꓯ ꓖꓶ꓾ ꓐꓯˍ ꓡꓳ꓿