Lisu Christian Hymnal
Hymn 21 ꓬꓰ-ꓢꓴ ꓠꓬ ꓙꓱ-ꓣꓴ-ꓢ-ꓡꓱ ꓗꓪ ꓓꓵ ꓙꓰˍ ꓟ Lyrics
ꓬꓲ ꓠꓬ ꓐꓱ-ꓒ-ꓖꓶˍ ꓐꓰ ꓐꓱ-ꓕ-ꓠꓲ ꓗꓪ ꓠꓶ ꓡꓰ ꓢꓲ ꓮꓽ-ꓛꓬꓼ ꓟꓬꓱ ꓔ ꓟ ꓪ ꓚꓲ ꓗꓪ ꓛꓲ ꓡ ꓠꓬ꓾ ꓬꓲ ꓡꓰ ꓛꓳ ꓒꓯ ꓠꓬꓲ ꓣꓳ ꓔꓯ ꓕꓱ ꓡꓱ ꓐꓯ ꓖꓶ ꓢꓲ ꓝꓲ ꓩꓴ ꓗꓷˍ ꓡꓳ꓿
ꓠꓴ ꓪ ꓔꓯ ꓔꓱꓹ ꓞ ꓟ ꓘ ꓗꓪ ꓓꓵ ꓙꓰ꓿ ꓠꓴ ꓪ ꓖꓳ ꓗꓪ ꓓꓵ ꓡꓰ ꓕꓯ꓾ ꓞꓳ ꓤ ꓮ ꓟˍ ꓟꓲ ꓟꓽ ꓜꓶꓽ ꓠꓬꓲ ꓢꓰꓽ ꓟ꓾ ꓕꓳ ꓡ ꓟꓴ ꓤ ꓕꓲ ꓛꓲ ꓞꓳꓹ ꓔˍ ꓟ ꓠꓴ ꓪ ꓟꓳˍ ꓥꓳ꓿ ꓒꓶ ꓢꓲ꓾ ꓢꓲꓻ ꓔꓯꓹ ꓖꓶ ꓡꓯ꓿
ꓮ ꓟ ꓡꓰ ꓠꓴ ꓪ ꓔꓯ ꓮ ꓫꓵꓽ ꓪꓴ ꓠꓬꓲ ꓒꓶꓻˍ ꓡꓳ꓾ ꓐꓰ꓾ ꓠ ꓠꓬꓲ ꓡˍ ꓠꓬ꓾ ꓢꓲꓺ ꓒ ꓣꓱꓽ ꓬꓯˍ ꓡꓳ꓾ ꓐꓰ꓾ ꓐꓯ ꓖꓶ꓾ ꓐꓯ ꓡꓳ꓿
ꓝꓲ ꓘꓶ ꓟꓶ ꓢꓴ ꓙꓰ ꓗꓷ ꓠꓬ꓾ ꓬꓰ-ꓢꓴ ꓬꓲ ꓪ ꓔꓯ ꓐꓯˍ ꓟ ꓐꓰ ꓕꓲ ꓡꓰꓹꓼ ꓧꓪ ꓟꓶˍ ꓡꓳ꓿
ꓬꓲ ꓪ ꓠꓬ ꓕꓳ ꓡ ꓟꓴ ꓤ ꓔꓯ ꓒꓶ ꓔꓬˍ ꓕꓯ꓾ ꓬꓲ ꓢꓲ ꓒ ꓐꓴ ꓡꓰ ꓬꓲ ꓪ ꓔꓯ꓾ ꓠꓴ ꓪ ꓮ ꓫꓵ ꓪꓴ ꓠꓬꓲ ꓕꓳ ꓡ ꓟꓴ ꓤ ꓔꓯ ꓒꓶˍ ꓡꓳ꓾ ꓐꓯ ꓡꓳ꓿
ꓬꓲ ꓪ ꓡꓰ꓾ ꓢꓲ ꓒ ꓣꓱ ꓬꓯˍ ꓡꓳ꓾ ꓐꓯˍ ꓡꓳ꓿
ꓬꓰ-ꓢꓴ ꓔꓬ ꓗꓪ ꓢꓲꓺ ꓛꓲ ꓡ ꓠꓬ ꓬꓲ ꓪ ꓚꓲ ꓛꓬ ꓐꓵ ꓞꓶ ꓕꓳ ꓡ ꓟꓴ ꓤ ꓕꓯ ꓢꓲ ꓗꓪ ꓚꓰꓹ ꓗꓷ ꓢꓲ ꓠꓬꓲ꓾ ꓬꓰ-ꓢꓴ ꓔꓯ ꓜꓶ ꓝꓲˍ ꓡꓳ꓿
ꓬꓲ ꓜꓶ ꓔꓬˍ ꓕꓯ꓾ ꓙ ꓖꓴ ꓗꓪ ꓑ ꓫꓬ ꓐꓴ ꓠꓬ ꓐꓵ ꓞꓶ ꓘꓳꓽ ꓖꓶˍ ꓡꓳ꓿
ꓬꓲ ꓠꓬ ꓮꓽ-ꓛꓬꓼ ꓪ ꓚꓲ ꓔꓯꓹ ꓗꓪ ꓬꓯꓼ ꓙꓰ ꓔꓬˍ ꓕꓯ꓾ ꓛꓳ ꓒꓯ ꓕꓲ ꓜꓴ ꓡꓱꓸꓼ ꓠꓬ꓾ ꓬꓲ ꓪ ꓟꓳ ꓗꓷ ꓟ ꓪ ꓠꓬꓲˍ ꓟ ꓟꓬꓱꓽ ꓑꓶ ꓓꓴ ꓗꓹ ꓛꓲ ꓪꓴꓸ ꓔꓴ ꓢꓲ꓾ ꓢꓯꓼ ꓓꓽ ꓟ ꓡꓰ ꓪꓴ-ꓢ ꓔꓯ ꓫꓱꓸ ꓖꓶ ꓢꓲ ꓠꓬꓲ꓾ ꓕꓱ ꓡꓱ ꓐꓯ ꓡꓳ꓿
ꓢꓲꓺ ꓒ ꓟꓬꓱꓺ ꓗꓪ ꓐꓰ ꓙꓵ ꓪ ꓙꓳ ꓢꓴ ꓪ ꓔꓲ ꓔꓯ ꓶꓼ ꓙꓳ ꓫꓱꓹ ꓙꓳ ꓝꓲ꓿ ꓟꓴ ꓗꓪ ꓗꓪ ꓢꓲ ꓡꓲˍ ꓟ ꓙꓳ ꓢꓲ꓾ ꓟꓴ ꓡꓳꓹ ꓗꓪ ꓟꓬꓱꓺ ꓓꓳꓽ ꓙꓳ ꓝꓲ꓾ ꓐꓯˍ ꓡꓳ꓿
ꓡ ꓞꓳ ꓬꓲ ꓜꓴ ꓗꓪ ꓟ ꓒ-ꓡꓲ-ꓢꓷ ꓐꓴ ꓕꓲ ꓐꓱ ꓠꓬ ꓬꓲ ꓔꓯ꓾ ꓟꓸ ꓒꓽꓳ꓾ ꓠꓴ ꓛꓳ ꓒꓯ ꓐꓴ ꓔꓯ ꓕꓼ ꓟꓴ꓾ ꓐꓯˍ ꓡꓳ꓿
ꓬꓲ ꓬꓲ ꓪ ꓔꓯ꓾ ꓥꓪ ꓠꓴ ꓪ ꓔꓯ ꓐꓯ ꓖꓶˍ ꓠꓬꓲ꓾ ꓬꓲ ꓪ ꓟꓽ ꓪꓳꓹ ꓐꓰ ꓔꓬ ꓕꓯ ꓠ꓾ ꓭ ꓛꓲ ꓕꓱ ꓟꓬ ꓟ ꓘꓴ ꓔꓴ ꓡˍ ꓥꓳ꓾ꓐꓯˍ ꓡꓳ꓿
ꓬꓰ-ꓢꓴ ꓠꓬ ꓙꓱ-ꓣꓴ-ꓢ-ꓡꓱ ꓗꓪ ꓛꓲ ꓡ ꓐꓰ ꓬꓰˍ ꓕꓯ꓾ ꓡꓳ ꓒꓱ ꓔꓯ ꓟꓳ ꓗꓷ ꓠꓬ꓾ ꓡꓳ ꓒꓱ ꓐꓱ ꓶ ꓥꓴ ꓢꓲ꓾ ꓕꓱ ꓡꓱ ꓐꓯˍ ꓡꓳ꓿
ꓠꓬꓲ ꓠꓬꓲ ꓥˍ ꓟꓲ ꓠꓴ ꓔꓯ ꓢꓲꓺ ꓡꓲ ꓡꓰ ꓝꓲˍ ꓟ ꓔꓯ ꓠꓴ ꓢꓷˍ ꓕꓯ ꓠꓽ꓾ ꓙꓲˍ ꓡꓳ ꓫꓵꓽ ꓥ ꓡꓳ꓿ ꓮ ꓟꓶ ꓠ ꓠꓴ ꓟꓬ ꓢꓶ ꓔꓯ ꓐꓰ ꓚꓵ ꓔˍ ꓟ ꓥ ꓡꓳ꓿