Lisu Christian Hymnal
Hymn 2 ꓪꓴ-ꓢ ꓬꓲ ꓟꓬꓱꓽ ꓐꓰ ꓬꓲ ꓙꓵ ꓗ Lyrics
ꓟꓴ ꓗꓪ ꓠꓬ ꓪꓴ-ꓢ ꓟꓬꓱ ꓓꓳ ꓚꓺ ꓟꓸ ꓖꓶ ꓔꓬ ꓡꓳ꓿ ꓟꓵ ꓪꓴꓽ ꓠꓬ ꓬꓲ ꓡꓯ ꓟꓬꓱꓽ ꓟꓳꓸ ꓖꓶ ꓔꓬ ꓡꓳ꓿
ꓕꓲ ꓠꓬꓲ ꓠꓬ ꓕꓲ ꓠꓬꓲ ꓔꓯ ꓫ ꓕꓱ ꓔꓬ ꓡꓳ꓿ ꓕꓲ ꓦꓬ ꓟꓲ ꓕꓲ ꓦꓬ ꓔꓯ ꓢꓷꓸ ꓠꓲꓹ ꓟꓳꓸ ꓖꓶ ꓔꓬ ꓡꓳ꓿
ꓥꓳꓽˍ ꓐꓰ ꓐꓯ ꓘꓶ ꓬꓲ ꓪ ꓟꓽ ꓙꓳ꓿ ꓬꓲ ꓪ ꓢꓯꓼ ꓟꓲ ꓟꓽ ꓑ ꓙ꓿
ꓖꓳ ꓡꓱ ꓥ ꓟꓲ ꓬꓲ ꓪ ꓢꓯꓼ ꓠꓬ ꓟꓵ ꓗꓳꓹ ꓓꓵ ꓓꓵ ꓮ ꓙꓵ ꓟ ꓗꓪ ꓓꓳ ꓙꓰꓳ꓿ ꓬꓲꓸ ꓪ ꓐꓯ ꓘꓶˍ ꓟꓲ ꓟꓲ ꓠꓯ ꓑꓶ ꓗꓪ ꓛꓲ ꓬꓰꓳ꓿ ꓬꓲ ꓠꓬ ꓟꓵ ꓪꓴ ꓗꓪ ꓟꓲꓽ ꓟꓲ ꓐꓱ ꓶ ꓟꓶ ꓔꓶ ꓦꓲ ꓕꓲ ꓦꓲ ꓔꓶꓸ ꓔ ꓖꓶ ꓡꓳ꓿
ꓟꓲꓽ ꓟꓲ ꓠꓬ ꓟꓯ. ꓡꓯ. ꓒ ꓬꓲ ꓟꓯ. ꓡꓯ. ꓗꓳ, ꓗꓪ ꓐꓰ ꓓꓳ ꓡ ꓟ ꓡꓰ ꓐꓰ ꓗˍ ꓡꓳ꓿ ꓬꓲ ꓠꓽ ꓢꓯꓼ ꓙꓳ ꓒ ꓡꓰ ꓐꓰ ꓗ ꓛꓲ ꓛꓲˍ ꓡꓰ ꓔꓷ ꓠꓲ, ꓒꓴˍ ꓡꓳ꓿
ꓟꓴ ꓗꓪ ꓕꓱ ꓕꓲ ꓑꓶ. ꓗꓪ ꓐꓰ ꓓꓳ ꓡ ꓢꓲ ꓟꓴ ꓗꓪ ꓖꓳ ꓕꓲ ꓑꓶ. ꓗꓪ ꓛꓲ ꓬꓰˍ ꓡꓳ꓿ ꓖꓳ ꓡꓱ ꓢꓲ ꓬꓲ ꓞꓸꓹ ꓢꓯꓼ ꓔꓯ ꓐꓰ ꓮ ꓫꓵꓽˍ ꓟꓲ ꓛ ꓔ ꓟꓽ ꓐ ꓡ꓿
ꓬꓰ-ꓧꓳ-ꓧꓪ ꓬꓲ ꓙꓵꓽ ꓗ ꓠꓬ ꓙꓲ ꓓꓰ ꓟ ꓥ ꓢꓲ꓾ ꓶ ꓟꓬ ꓔꓯ ꓢꓰ ꓡꓰ ꓝꓲˍ ꓡꓳ꓿ ꓬꓰ-ꓧꓳ-ꓧꓪ ꓢꓷ ꓙ ꓟꓳ ꓙ ꓘꓶ ꓠꓬ ꓦ ꓡꓱ ꓐꓳ ꓟ ꓥ ꓢꓲ ꓟꓽ ꓙ ꓜꓲꓼ ꓢꓴ ꓔꓯ ꓙ ꓜꓲꓼ ꓝꓲˍ ꓡꓳ꓿
ꓬꓰ-ꓧꓳ-ꓧꓪ ꓬꓲ ꓟꓸ ꓘꓶ ꓠꓬ ꓔꓱˍ ꓟ ꓥ ꓢꓲ꓾ ꓠꓲ, ꓟ ꓔꓯ ꓗ ꓛꓲ ꓡꓰ ꓝꓲˍ ꓡꓳ꓿ ꓬꓰ-ꓧꓳ-ꓧꓪ ꓬꓲ ꓕꓵꓼ ꓪꓼ ꓠꓬ ꓢꓲꓽ ꓫꓬ, ꓟ ꓥ ꓢꓲ꓾ ꓟꓬꓺ ꓢꓶ ꓔꓯ ꓕꓯꓹ ꓡ ꓝꓲˍ ꓡꓳ꓿
ꓬꓰ-ꓧꓳ-ꓧꓪ ꓔꓯ ꓙꓳꓸꓸ ꓒꓵˍ ꓟ ꓠꓬ ꓢꓲꓽ ꓫꓬ, ꓟ ꓥ ꓢꓲ꓾ ꓕꓲ ꓞꓲ ꓕꓲ ꓑ ꓟꓽ ꓡꓳꓹ ꓬꓰ꓿ ꓬꓰ-ꓧꓳ-ꓧꓪ ꓬꓲ ꓐꓯ ꓞꓷ ꓔ ꓟ ꓠꓬ ꓔꓱꓹ ꓜꓳ ꓟ ꓥ ꓢꓲ ꓙꓲ ꓫꓬ ꓖꓴˍ ꓟ ꓥ ꓡꓳ꓿
ꓕꓱ ꓟꓬ ꓫꓵꓽ ꓠꓬ ꓫꓵꓸꓸ ꓕꓯ ꓢꓲ ꓟꓬ ꓠꓬꓲ ꓠꓵˍ ꓡꓳ ꓫꓵꓽ ꓥ ꓡꓳ꓿ ꓫꓵꓸꓸ ꓫꓬꓻ ꓮ ꓟꓬ ꓟ ꓕꓯꓼ ꓢꓲ ꓟꓬ ꓠꓬꓲ ꓠꓲ, ꓥꓳ ꓓˍ ꓡꓳ ꓫꓵꓽ ꓥ ꓡꓳ꓿ ꓐꓬ ꓬꓲꓻˍ ꓐꓰ ꓐꓬ ꓛꓱ ꓗꓪ ꓐꓰ ꓜꓯ ꓩꓴ ꓡ ꓟ ꓢꓶꓸ ꓟ ꓞꓲ ꓛꓵˍ ꓟ ꓥ ꓡꓳ꓿
ꓖꓳ ꓟ ꓡꓰ ꓟꓽ ꓞꓲ ꓕꓱ ꓟꓬ ꓫꓵꓽ ꓗꓪ ꓐꓰ ꓠꓴ ꓚꓳ ꓑ ꓔꓯ ꓙꓳꓸꓸ ꓗ ꓖꓶˍ ꓡꓳ꓿ ꓒꓵ ꓛꓳˍ ꓟ ꓗꓪ ꓐꓰ ꓡꓯ ꓫꓴ ꓓꓽ ꓟˍ ꓟꓲ ꓙꓳˍ ꓡꓳ꓿
ꓖꓳ ꓡꓱ ꓥ ꓟꓲ ꓚꓲ ꓛꓬ ꓛꓬꓻ ꓖꓴ ꓔꓯ ꓮ ꓟ ꓡꓰ ꓡꓳ. ꓓꓳ ꓡˍ ꓡꓺꓽ꓿ ꓚꓵꓺ ꓞˍ ꓟ ꓛꓬ ꓖꓴꓸꓸ ꓔꓯˍ ꓟꓲ ꓠꓴ ꓫꓬ ꓡꓰ ꓝꓲ ꓡꓯ꓿
ꓠꓲ, ꓪꓴꓽˍ ꓟ ꓝꓴꓲ ꓟꓽ ꓬꓰ ꓠ ꓟ ꓠꓴ ꓚꓳ ꓑꓸ ꓥꓪ ꓔꓯ ꓗ ꓔ ꓙ ꓡꓯ꓿ ꓖꓳ ꓡꓱ ꓫꓵ ꓔꓯ ꓠꓬ꓾ ꓥꓪ ꓔꓯ ꓕ ꓙꓵ ꓪ ꓝꓲ꓿ ꓖꓳ ꓡꓱ ꓗ ꓕꓯ꓾ ꓥꓪ ꓠꓬ ꓛꓬ ꓖꓴ ꓟꓽ ꓙꓳ ꓢꓲ ꓝꓴꓲ ꓓꓽ ꓟ ꓟꓽ ꓬꓰ꓿
ꓥꓪ ꓡꓳ ꓓꓰˍ ꓐꓰ ꓥꓪ ꓫꓴ, ꓢꓲ ꓒ ꓬꓰ-ꓧꓳ-ꓧꓪꓳ꓾ ꓥꓪ ꓟꓷ ꓠꓷ ꓗꓪ ꓟ ꓐꓯ ꓘꓶˍ ꓐꓰ ꓥꓪ ꓠꓲꓹ ꓟ ꓗꓪ ꓓꓵ ꓙ ꓔˍ ꓟ ꓔꓯ ꓠꓬ꓾ ꓠꓴ ꓒꓬꓱꓽ ꓕꓯ ꓗꓪ ꓘꓳ ꓣꓴ ꓓˍ ꓟ ꓒꓬꓱꓼ ꓡ ꓝꓲ꓿