Lisu Christian Hymnal

Hymn 17 ꓐꓯ ꓘꓶ ꓠꓬ ꓪꓴ-ꓢ ꓥ ꓡꓳ Lyrics

ꓬꓲ ꓚꓰ ꓬꓲ ꓪꓴꓸ ꓕꓯˍ ꓡꓰ ꓐꓯ ꓘꓶ ꓙꓳˍ ꓡꓳ꓿ ꓐꓯ ꓘꓶ ꓠꓬ ꓪꓴ-ꓢ ꓐꓰ ꓕꓲ ꓪꓺꓼ ꓙꓳ ꓔꓬˍ ꓡꓳ꓿ ꓐꓯ ꓘꓶ ꓠꓬ ꓪꓴ-ꓢ ꓥ ꓡꓳ꓿
ꓐꓯ ꓘꓶ ꓕꓱ ꓟ ꓠꓬ ꓬꓲ ꓚꓰ ꓬꓲ ꓪꓴꓸ ꓗꓪ ꓪꓴ-ꓢ ꓐꓰ ꓕꓲ ꓪ ꓙꓳ ꓔꓬˍ ꓡꓳ꓿
ꓙꓳˍ ꓟ ꓥ ꓕ ꓑꓳ ꓬꓲ ꓡꓰ ꓚꓰꓼ ꓔ ꓟ ꓥ ꓡꓳ꓿ ꓚꓰꓼ ꓗꓷ ꓟ ꓥ ꓕ ꓑꓳ ꓗꓪ ꓬꓲ ꓟꓽ ꓚꓰꓼ ꓔ ꓟ ꓕꓲ ꓫꓵˍ ꓟꓲ ꓟꓽ ꓙꓳ꓿
ꓢꓯꓼ ꓟꓬ ꓬꓲ ꓔꓯ ꓙꓳ ꓡꓳ꓿ ꓢꓯꓼ ꓟꓬ ꓕꓱ ꓟ ꓠꓬ ꓞꓳ ꓤ ꓠꓬꓲ ꓟꓳ ꓓꓴ ꓥ ꓡꓳ꓿
ꓠꓬꓲ ꓟꓳ ꓓꓴ ꓠꓬ ꓠꓯ ꓞꓲ ꓟ ꓗꓪ ꓣꓳꓺ ꓡ ꓡꓳ꓿ ꓠꓯ ꓞꓲ ꓟ ꓠꓬ ꓠꓬꓲ ꓟꓳ ꓓꓴ ꓔꓯ ꓟꓽ ꓧꓪꓸ ꓡꓰ꓿
ꓪꓴ-ꓢ ꓡꓰ ꓝꓲ ꓩꓴ ꓡˍ ꓟ ꓡ ꓞꓳ ꓕꓲ ꓣꓳ ꓛꓲ ꓡˍ ꓡꓳ ꓬꓲ ꓟꓬꓱꓺ ꓠꓬ ꓬꓳ-ꓦ ꓥ ꓡꓳ꓿
ꓮ ꓙꓵ ꓢꓴ ꓠꓬ ꓬꓲ ꓐꓯ ꓘꓶ ꓐꓰ ꓙꓵꓻ ꓠ ꓟ꓾ ꓬꓲ ꓠꓬ ꓗ ꓚꓵ ꓬꓰ ꓢꓲ꓾ ꓠꓬꓲ ꓟꓳ ꓓꓴ ꓐꓱ ꓶ ꓢꓷꓸ ꓙ ꓟꓳ ꓙˍ ꓐꓰ ꓡˍ ꓡꓳ꓿
ꓬꓲ ꓠꓽ ꓠꓬꓲ ꓟꓳ ꓓꓴ ꓖꓳ ꓟ ꓟꓽ ꓥ꓿ ꓖꓳ ꓡꓱ ꓥ ꓟꓲ ꓠꓬꓲ ꓟꓳ ꓓꓴ ꓖꓳ ꓟ ꓐꓱ ꓶ ꓢꓷꓸ ꓙ ꓟꓳ ꓙ ꓠˍ ꓟ ꓡˍ ꓡꓳ꓿
ꓠꓬꓲ ꓟꓳ ꓓꓴ ꓚꓵꓺ ꓠꓬ ꓙꓳ ꓔꓬ ꓢꓲ꓾ ꓠꓬꓲ ꓟꓳ ꓓꓴ ꓕꓱ ꓟ ꓠꓬ ꓟꓲ ꓠꓯ ꓗꓪ ꓔꓬ ꓡ ꓟ ꓞꓳ ꓤ ꓥ ꓕ ꓑꓳ ꓔꓯ ꓡꓬ ꓖꓶ ꓔꓬˍ ꓡꓳ꓿
ꓬꓲ ꓠꓬ ꓟꓲ ꓠꓯ ꓗꓪ ꓔꓬ ꓢꓲ꓾ ꓟꓲ ꓠꓯ ꓠꓬ ꓬꓲ ꓡꓰ ꓚꓰꓼ ꓔˍ ꓟ ꓥ ꓟꓲ꓾ ꓟꓲ ꓠꓯ ꓠꓬ ꓬꓲꓸ ꓔꓯ ꓟꓽ ꓢꓷ꓿
ꓬꓲ ꓠ ꓚꓲ ꓛꓬ ꓟꓵ ꓗꓪ ꓡˍ ꓟꓲ ꓬꓲ ꓚꓲ ꓛꓬ ꓡ ꓞꓳ ꓠꓬ ꓬꓲ ꓔꓯ ꓟꓽ ꓘꓳ ꓣꓴ꓿
ꓖꓳ ꓡꓱ ꓥ ꓟꓲ ꓬꓲ ꓟꓬꓱꓺ ꓔꓯ ꓙꓵꓻ ꓢꓲ꓾ ꓬꓲ ꓔꓯ ꓘꓳ ꓣꓴ ꓢꓴ ꓥ ꓕ ꓑꓳ ꓪꓴ-ꓢ ꓤ ꓠꓱ ꓒꓬꓱꓼ ꓡ ꓠˍ ꓟ ꓬꓲ ꓡꓰ ꓬꓲ ꓪ ꓔꓯ ꓙꓵꓽ ꓪ ꓖꓶˍ ꓡꓳ꓿
ꓕꓱ ꓕꓲ ꓧꓳ ꓟ ꓠꓬ ꓫꓵꓽ ꓗꓪ ꓐꓰ꓾ ꓥ ꓠꓬ꓾ ꓧꓪꓽ ꓠꓲꓹ ꓡꓶ ꓗꓪ ꓐꓰ꓾ ꓥ ꓠꓬ꓾ ꓞꓳ ꓤ ꓠꓲ ꓡꓶ ꓡꓰ ꓦꓵ ꓔ ꓟ ꓟꓽ ꓥ꓿ ꓪꓴ-ꓢ ꓡꓰ ꓦꓵ ꓔˍ ꓟ ꓥ ꓡꓳ꓿
ꓐꓯ ꓘꓶ ꓠꓬ ꓧꓪ ꓖꓳ ꓓꓱ ꓒꓬꓱꓼ ꓡ ꓢꓲ꓾ ꓖꓳ ꓕꓯ ꓥꓪ ꓠꓴꓽˍ ꓐꓰ ꓕꓲ ꓪ ꓔꓬˍ ꓡꓳ꓿ ꓬꓲ ꓟꓬꓱꓺ ꓓꓳ ꓠꓬ ꓥꓪ ꓠꓴ ꓟꓳ ꓠꓬꓲꓳ꓿ ꓟꓬꓱꓺ ꓓꓳ ꓕꓱ ꓟ ꓠꓬ ꓐꓹ ꓐ ꓪꓴ-ꓢ ꓬꓲ ꓤ ꓔꓲ ꓟꓬꓱꓺ ꓓꓳꓽ ꓡꓰ ꓐꓰ ꓗ ꓢꓲ ꓣꓱ ꓛꓰ ꓐꓰ ꓔꓱꓹˍ ꓟ ꓐꓲꓺ ꓞˍ ꓡꓳ꓿