Lisu Christian Hymnal
Hymn 14 ꓟ-ꓡꓲ ꓠꓬ ꓪꓴ-ꓢ ꓔꓯ ꓫꓱ ꓖꓶ ꓟ Lyrics
ꓥꓪ ꓠꓲ ꓟ ꓠꓬ ꓢꓲ ꓒ ꓔꓯ ꓫꓱ ꓖꓶ ꓔꓬ ꓡꓳ꓿ ꓥꓪ ꓦ ꓠꓬ ꓪꓴ-ꓢ ꓥꓪ ꓚꓬꓴ ꓢꓲ ꓒ ꓠꓯꓸꓼ ꓗꓪ ꓗ ꓛꓲ ꓔꓬ ꓡꓳ꓿
ꓮ ꓡꓲꓳ ꓐꓯ ꓠꓬ ꓬꓲ ꓚꓳ ꓟ ꓥꓪ ꓔꓯ ꓟꓽ ꓒꓵˍ ꓟꓲ ꓬꓲ ꓠꓬꓲ ꓙˍ ꓡꓳ꓿ ꓠꓬꓲ ꓠ꓾ ꓕꓱ ꓡꓱ ꓖꓳ ꓑꓳ ꓕꓲ ꓤꓶˍ ꓡꓰ ꓕꓲ ꓤꓶ ꓢꓴ ꓥꓪ ꓔꓯ ꓶ ꓙꓳ ꓫꓱ ꓙꓳ ꓢꓴ꓾ ꓐꓰ꓾ ꓘꓴˍ ꓥꓳ꓿
ꓮ ꓡꓲꓳ ꓐꓯ ꓠꓬ ꓪ ꓠꓬꓲˍ ꓟ ꓖꓳ ꓕꓲ ꓣꓳ ꓥꓪ ꓐꓱ ꓶ ꓟꓬꓱꓽ ꓓ ꓟ ꓬꓰ ꓖꓶ ꓡꓻꓳ꓿ꓬꓲꓸ ꓟꓬꓱꓺ ꓠꓬ ꓢꓲ ꓫꓬ ꓡꓳ꓿ ꓬꓲ ꓔꓯ ꓙꓳꓺ ꓒꓵ ꓢꓴ ꓠꓬ ꓕꓲ ꓤꓶˍ ꓡꓰ ꓕꓲ ꓤꓶ ꓬꓲ ꓫꓱ. ꓤˍ ꓟ ꓟꓶ ꓥꓳ꓿
ꓬꓲ ꓡꓯ ꓪꓵꓼ ꓡꓰ ꓬꓲ ꓢꓯꓼ ꓙꓳˍ ꓟ ꓟꓳꓸ ꓖꓶ ꓡꓻꓳ꓿ ꓙꓽ ꓠꓲ ꓗꓪ ꓠꓲꓹ ꓘꓹ ꓢꓴ ꓔꓯ ꓬꓲꓸ ꓡꓰ ꓖꓼ ꓦ ꓗꓷˍ ꓡꓳ꓿
ꓬꓲ ꓠꓬ ꓙꓵꓽ ꓪ ꓙꓳ ꓢꓴ ꓔꓯ ꓙꓵꓽ ꓠꓬꓲꓸ ꓕꓲ ꓗꓪ ꓐꓰ ꓣꓴ ꓬꓯꓼ ꓡꓰ ꓢꓲ꓾ ꓟꓽ ꓒꓵꓽ ꓟ ꓡ ꓞꓳ ꓔꓯ ꓓꓳ ꓟꓴˍ ꓡꓳ꓿
ꓦꓰꓼ ꓟꓷ ꓢꓴ ꓔꓯ ꓟꓲꓻˍ ꓟ ꓜꓽ ꓓꓴ ꓡꓰ ꓐꓳ ꓡꓰ ꓝꓲˍ ꓡꓳ꓿ ꓞꓳ ꓐꓳ ꓔꓯ ꓠꓬ ꓬꓲ ꓖꓳ ꓬꓲꓼ ꓙꓰ ꓝꓲˍ ꓡꓳ꓿
ꓣꓳ ꓒꓵ ꓒ ꓐꓴ ꓔꓯ ꓖꓶ ꓙ ꓟꓳˍ ꓟˍ ꓡꓰ ꓐꓰ꓾ ꓬꓲ ꓠꓬ ꓕꓲ ꓞꓲ ꓕꓲ ꓑ ꓗꓪ ꓛꓲ ꓮ-ꓐ-ꓡ-ꓦ ꓐꓰ ꓬꓲ ꓞꓲꓼ ꓤ ꓡꓯꓹ ꓤ ꓔꓯ ꓫꓱ ꓤ ꓟ ꓔꓯ ꓓꓵ ꓙ ꓔ ꓢꓲ꓾ ꓬꓲ ꓠꓬ ꓬꓲꓸ ꓚꓳ ꓑ ꓬꓲ-ꓢꓷ-ꓡꓰ ꓔꓯ ꓬꓰ ꓙˍ ꓡꓳ꓾ ꓐꓯˍ ꓡꓳ꓿