Lisu Christian Hymnal
Hymn 65 ꓶ ꓥꓳ ꓫꓱ ꓥꓳ Lyrics
ꓮ ꓟꓻ ꓥˍ ꓟꓲ ꓬꓲ ꓔꓯ ꓙꓵꓻˍ ꓠꓬ ꓟꓽ ꓟꓶ ꓬꓰ ꓢꓲ꓾ ꓕꓲ ꓞꓲꓼ ꓕꓲ ꓑ ꓟ ꓢꓯꓼ ꓟꓬ ꓟꓶ ꓠ, ꓟ꓾ ꓪꓴ‐ꓢ ꓠꓬ ꓬꓲ ꓤꓽ ꓔꓲ ꓖꓶ ꓗꓷ ꓗꓪ ꓛꓲ ꓟꓲ ꓠꓯ ꓞꓳ ꓤ ꓔꓯ ꓠꓲ, ꓠꓵˍ ꓡꓳ꓿
ꓮ ꓡꓲꓳ ꓐꓯ ꓠꓬ ꓪꓴ‐ꓢ ꓡꓰ ꓮ ꓐꓲ ꓔꓯ ꓟꓲ ꓠꓯ ꓗꓪ ꓝꓲ ꓩꓴ ꓡꓰˍ ꓟ ꓠꓬ꓾ ꓟꓲ ꓠꓯ ꓡ ꓞꓳ ꓔꓯ ꓐꓯ ꓟꓴ ꓘꓶꓽ ꓠ, ꓟ ꓟꓽ ꓥ꓿ ꓟꓲ ꓠꓯ ꓞꓳ ꓤ ꓬꓲ ꓔꓯˍ ꓐꓰ ꓢꓯꓼ ꓟꓬ ꓝ. ꓟꓶ ꓠ, ꓟ ꓥ ꓡꓳ꓿
ꓬꓲ ꓔꓯ ꓙꓵꓻ ꓢꓴ ꓔꓯ ꓠꓬ ꓐꓯ ꓟꓴ ꓟꓽ ꓘꓶꓽ꓿ ꓟꓽ ꓙꓵꓻ ꓢꓴ ꓔꓯ ꓠꓽ꓾ ꓪꓴ‐ꓢ ꓬꓲ ꓤ ꓔꓲ. ꓬꓲ ꓟꓬꓱꓺ ꓔꓯ ꓟꓽ ꓙꓵꓻ ꓠꓬꓲ꓾ ꓮꓻ ꓟꓶˍ ꓡꓰ ꓐꓯ ꓟꓴ ꓘꓶꓽ ꓗꓷˍ ꓟ ꓥ ꓡꓳ꓿
ꓖꓳ ꓡꓱ ꓥ ꓟꓲ ꓢꓲ‐ꓫꓬ‐ꓟ‐ꓦ ꓠꓴ ꓪ ꓔꓯ ꓬꓯꓼ ꓡꓰˍ ꓕꓯ꓾ ꓠꓴ ꓪ ꓠꓽ ꓪꓽ ꓠꓬꓲˍ ꓟ ꓟꓶˍ ꓥꓳ꓿ ꓖꓳ ꓡꓱ ꓢꓲ ꓠꓴ ꓪ ꓠꓬ ꓙꓱ‐ꓣꓴ‐ꓢ‐ꓡꓱ ꓗꓪˍ ꓟꓲ꓾ ꓬꓴ‐ꓔ ꓟꓵ ꓮ ꓙꓵ ꓗꓪˍ ꓟꓲ꓾ ꓢ‐ꓟ‐ꓡꓲ ꓗꓪˍ ꓟꓲ꓾ ꓟꓲ ꓠꓯ ꓑꓶ. ꓗꓪ ꓛꓲ ꓥˍ ꓟꓲ꓾ ꓥꓪ ꓐꓱ ꓶ ꓢꓷ. ꓙ ꓟꓳ ꓙ ꓢꓴ ꓬꓰˍ ꓥꓳ꓾ ꓐꓰ꓾ ꓐꓯˍ ꓡꓳ꓿
ꓖꓳ ꓡꓱ ꓠꓬꓲ ꓠꓴ ꓪ ꓙꓰ ꓢꓲ꓾ ꓞꓳ ꓫꓵꓽ ꓥ ꓕ ꓑꓳ ꓔꓯ ꓢꓲ ꓤ ꓬꓰ ꓝꓲ ꓢꓲ꓾ ꓐ, ꓐꓽ꓾ ꓮ ꓐꓲ꓾ ꓢꓲ‐ꓫꓬ‐ꓟ‐ꓦ ꓟꓬꓱꓺ ꓗꓪ ꓐꓰ ꓬꓲ ꓪ ꓔꓯ ꓖꓳ ꓓꓱ ꓔꓲ, ꓖꓶ ꓢꓲ꓾
ꓥꓪ ꓠꓴ ꓪ ꓔꓯ ꓕꓵꓼ ꓪ ꓖꓶˍ ꓟ ꓮ ꓙꓵ꓾ ꓬꓲ ꓪ ꓛꓳꓻ ꓠ, ꓟ ꓬꓲ ꓪ ꓔꓯ ꓟ. ꓖꓶ꓿ ꓠꓬꓲ ꓠ, ꓕꓱ ꓕꓲ ꓡꓶ. ꓡꓳ, ꓬꓰˍ ꓗꓪ ꓛꓲ ꓥꓪ ꓮ ꓕꓯˍ ꓟꓲ ꓠꓴ ꓪˍ ꓐꓰ ꓕꓲ ꓪꓺꓼ ꓔꓬˍ ꓥꓳ꓾ ꓐꓰ꓾ ꓐꓯˍ ꓡꓳ꓿