Lisu Christian Hymnal
Hymn 59 ꓙꓲ-ꓢꓴ ꓢꓲꓺ ꓤ ꓦꓲ ꓘꓴ Lyrics
ꓤ ꓠꓱ ꓐꓴꓳ꓾ ꓢꓲꓺ ꓒ ꓠꓯꓸꓼ ꓗꓪ ꓠꓴ ꓪ ꓐꓹ ꓐ ꓟꓹ ꓟ ꓔꓯ ꓠꓺ ꓡꓳ꓿ ꓮ ꓡꓲꓳ ꓐꓯ ꓠꓬ ꓕꓱ ꓟ ꓠꓽ ꓬꓰ ꓙꓲꓽ ꓙꓳˍ ꓡꓳ ꓫꓵꓽ ꓥ ꓡꓳ꓿
ꓙ ꓟꓳ ꓘꓶ ꓕꓱꓹ ꓞˍ ꓟ ꓕꓵꓼ ꓪ ꓬꓲ ꓪꓴꓸ ꓕꓲ ꓚꓱꓹ ꓠꓬ ꓕꓱ ꓟ ꓥ ꓡꓳ꓾
ꓠꓴ ꓪ ꓶꓼ ꓙꓳ ꓫꓱ, ꓙꓳ ꓠ, ꓟ ꓐꓰ ꓟꓲ ꓠꓯ ꓗꓪ ꓟꓶ ꓤ ꓢꓯ. ꓔꓬ ꓪ ꓠ, ꓟ ꓠꓴ ꓮ ꓐꓽ ꓐꓰ ꓮ ꓟ ꓔꓯ ꓒꓵꓽ꓿
ꓮ ꓐ ꓣꓱ ꓢꓴ ꓐꓴꓳ꓾ ꓠꓴ ꓪ ꓤ ꓠꓱ ꓐꓴ ꓔꓯ ꓕꓽ ꓛꓲꓼ꓿ ꓬꓲ ꓪ ꓔꓯ ꓠꓽ ꓢꓲꓺ ꓒ ꓟꓸ ꓙˍ ꓟˍ ꓐꓰ ꓘꓶꓸ ꓖꓶˍ ꓟ ꓠꓯꓸꓼ ꓗꓪ ꓦꓵꓻ ꓙꓽ꓿
ꓒꓴ ꓤ ꓫꓵ ꓤ ꓮ ꓟꓬ ꓟꓽ ꓙꓳ ꓢꓲ꓾ ꓬꓰ-ꓧꓳ-ꓧꓪ ꓔꓯ ꓙꓳ ꓒꓵˍ ꓟ ꓠꓬ꓾ ꓐꓳ ꓶ ꓮ ꓟꓬ ꓙꓳ ꓢꓲ ꓫ ꓙꓵ ꓔꓬ ꓟ ꓢꓶ. ꓟ ꓞꓲ ꓙꓲˍ ꓡꓳ꓿
ꓠꓲ, ꓠꓵ ꓡꓯ ꓘꓳ ꓢꓲ꓾ ꓪꓳꓽ ꓒꓬꓽˍ ꓡꓰꓽ ꓜˍ ꓟ ꓠꓬ ꓠꓲ, ꓜꓳ ꓡꓯ ꓘꓳ ꓢꓲ ꓣꓼ ꓔ ꓟ ꓮ ꓠꓬꓲꓽ ꓧꓪꓽ ꓜˍ ꓟ ꓢꓶꓸ ꓟꓽ ꓞꓲ ꓙꓲˍ ꓡꓳ꓿
ꓠꓲ, ꓟ ꓛꓱꓹ ꓢꓴ ꓠꓬ ꓢꓯꓼ ꓡꓯ ꓘꓳˍ ꓟ ꓔꓯ ꓢꓴ ꓔꓴ ꓡ ꓝꓲˍ ꓡꓳ꓿ ꓢ ꓢˍ ꓐꓰ ꓠꓲꓹ ꓟ ꓦꓶ ꓢꓴ ꓠꓽ꓾ ꓧꓳ, ꓡꓯ ꓘꓳˍ ꓟ ꓔꓯ ꓠꓽ ꓡꓰ ꓝꓲˍ ꓡꓳ꓿
ꓠꓴ ꓪ ꓢꓲ ꓫꓬˍ ꓟ ꓐꓰ ꓠꓲ, ꓠꓵ ꓔˍ ꓟ ꓐꓰ ꓪꓴ-ꓢ ꓡꓰ ꓢꓲꓺ ꓔ ꓢꓴ ꓥ ꓠꓬꓲ ꓫꓱ. ꓤ ꓠꓲ,ˍ ꓐꓰ ꓙ ꓗꓳ ꓠꓲ,ˍ ꓐꓰ ꓙ ꓣꓳ ꓠꓲ,ˍ ꓐꓰ ꓠꓴꓽ ꓠꓲ,ˍ ꓐꓰ ꓠꓲ, ꓟ ꓫꓵꓺˍ ꓟ ꓖꓪ ꓔ ꓢꓲ꓾
ꓮ ꓡꓲ ꓕꓲ ꓣꓳ ꓠꓬ ꓢꓴ ꓔꓯ ꓠꓲꓹ ꓟ ꓫ ꓓꓴ ꓕꓲ ꓫꓵꓽ ꓙꓳˍ ꓐꓭ ꓠꓬ꓾ ꓕꓲ ꓣꓳ ꓛꓳ ꓕꓲ ꓣꓳ ꓜꓲꓽ ꓡꓯ ꓘꓳ ꓢꓲ꓾ ꓢꓲꓺ ꓒ ꓡꓰ ꓠꓴ ꓪ ꓔꓯ ꓖꓽ ꓖꓶˍ ꓟˍ ꓡꓰ ꓐꓰ ꓠꓴ ꓪˍ ꓟꓲ ꓖꓽ ꓖꓶ ꓡꓯ ꓘꓳ꓿
ꓕꓱ ꓟꓬ ꓫꓵꓽ ꓕꓯ ꓢꓲ ꓗꓪ ꓠꓬ꓾ ꓠꓵ ꓠꓲ, ꓖꓪꓽ ꓔ꓿ ꓠꓵꓻ ꓠꓲ, ꓠꓬ꓾ ꓧꓳꓹ ꓡꓰ ꓝꓲˍ ꓟ ꓗꓪ ꓜꓳꓽ ꓓꓰˍ ꓟ ꓧꓷ, ꓚ ꓥ ꓡꓳ꓿
ꓝꓮꓲ ꓠꓬ ꓙꓲ-ꓢꓴ ꓬꓲ ꓢꓲ ꓡꓲˍ ꓟ꓾ ꓠꓴ ꓪ ꓠꓲꓹ ꓟ ꓗꓪ ꓙꓵꓽ ꓝꓲ꓿ ꓕꓱ ꓡꓱ ꓙꓵꓽ ꓝꓲ ꓠ ꓟ ꓠꓴ ꓪ ꓔꓯ ꓕꓲ ꓖꓳ ꓓꓱ ꓠꓯꓸꓼ ꓗꓪ ꓘꓴꓻ ꓔˍ ꓡꓳ꓿ ꓖꓳ ꓡꓱ ꓠꓬꓲ ꓫꓸ ꓟꓳ ꓠꓯˍ ꓡꓳ꓿