Lisu Christian Hymnal

Hymn 54 ꓡꓳꓸ ꓙ ꓢꓴ ꓬꓰ-ꓧꓳ-ꓧꓪ Lyrics

ꓬꓰ-ꓧꓳ-ꓧꓪ ꓠꓬ ꓮ ꓣꓳ ꓡꓳ ꓒˍ ꓡꓰ ꓐꓰ ꓥꓪ ꓔꓯ ꓡꓳꓸ ꓙ ꓢꓴ ꓥ ꓡꓳ꓿ ꓥꓪ ꓠꓬ ꓮ ꓫꓵꓽ ꓟꓽ ꓛ ꓡꓰ꓿
ꓫꓵꓸ ꓠꓲ, ꓛꓵ ꓟꓲ ꓗꓪ ꓬꓲ ꓥꓪ ꓔꓯ ꓬꓲꓼ ꓔ ꓝꓲˍ ꓡꓳ꓿ ꓢꓲ ꓡꓲˍ ꓟ ꓬꓲ ꓐꓱ ꓘꓶ ꓗꓪ ꓬꓲ ꓥꓪ ꓔꓯ ꓧꓳ ꓙꓰˍ ꓡꓳ꓿
ꓥꓪ ꓶ ꓟꓬ ꓔꓯ ꓬꓲ ꓢꓰ ꓡꓰ ꓝꓲˍ ꓡꓳ꓿ ꓬꓲ ꓟꓬꓱꓺ ꓐꓱ ꓶ ꓬꓲ ꓥꓪ ꓔꓯ ꓙꓲꓻ ꓫꓬ ꓟ ꓙ ꓖꓴ ꓗꓪ ꓧꓳ ꓟꓸ ꓖꓶˍ ꓡꓳ꓿
ꓥꓪ ꓠꓬ ꓫꓵꓻ ꓶ ꓥꓳ ꓡꓴ ꓘꓴ ꓗꓪ ꓫꓱ ꓗꓳ. ꓙꓰˍ ꓥˍ ꓟꓲ꓾ ꓥꓪ ꓠꓬ ꓮ ꓫꓵꓽ ꓥꓶˍ ꓟ ꓔꓯ ꓟꓽ ꓙꓳꓺꓳ꓿
ꓮ ꓡꓲꓳ ꓐꓯ ꓠꓬ ꓠꓴ ꓥꓪˍ ꓐꓰ ꓔꓬˍ ꓡꓳ꓿ ꓠꓴ ꓙ ꓥꓳˍ ꓐꓰ ꓠꓴ ꓔꓳꓹ ꓓꓻ ꓡꓰ ꓥꓪ ꓔꓯ ꓠꓲꓹ ꓟ ꓗꓴ ꓖꓶˍ ꓡꓳ꓿
ꓥꓪ ꓔꓯ ꓔꓳꓹ ꓢꓴ ꓒꓬꓱꓽ ꓕꓯ ꓠꓴ ꓠꓬ ꓥꓪ ꓟꓲ ꓙꓬ ꓗꓪ ꓜꓲ ꓖꓴ ꓢ ꓡ ꓙ ꓖꓶˍ ꓡꓳ꓿ ꓥꓪ ꓪꓴ ꓓꓵ ꓗꓪ ꓠꓬ ꓠꓴ ꓡꓰ ꓮ ꓛꓬ ꓞꓶ ꓟꓰ ꓗꓷꓳ꓿ ꓥꓪ ꓡꓴ ꓗꓶ. ꓐꓲ ꓡꓶꓽ ꓡꓰꓳ꓿
ꓙꓲˍ ꓟ ꓐꓰ ꓫꓱ ꓤ ꓠꓲꓹ ꓠꓬ ꓥꓪ ꓢꓯꓸ ꓔꓬˍ ꓟ ꓦꓬꓼ ꓠꓬꓲ ꓥ ꓕ ꓑꓳ ꓗꓪ ꓚꓵ ꓚꓵ ꓥꓪ ꓔꓯ ꓛꓳ ꓞ ꓥꓳ꓿ ꓖꓳ ꓡꓱ ꓢꓲ ꓥꓪ ꓠꓬ ꓬꓰ-ꓧꓳ-ꓧꓪ ꓬꓲ ꓦꓲ ꓗꓪ ꓕꓲ ꓞꓲꓼ ꓕꓲ ꓑ ꓔꓬˍ ꓥꓳ꓿