Lisu Christian Hymnal
Hymn 53 ꓞꓳ ꓙꓲˍ ꓐꓰ ꓞꓳ ꓥꓶ Lyrics
ꓞꓳ ꓥꓶ. ꓐꓴ ꓚꓴ ꓬꓲꓹ ꓖꓶˍ ꓟ ꓔꓯ ꓟꓽ ꓛꓳꓻ꓾ ꓝꓴꓲ ꓬꓰ ꓢꓴ ꓚꓱ, ꓗꓪ ꓟꓲ ꓟꓽ ꓦꓰꓼ ꓞ꓾ ꓤꓲ ꓢꓴ ꓠꓬꓲ. ꓠ. ꓖꓴ ꓗꓪ ꓟꓲ ꓟꓽ ꓠꓬꓲ. ꓠ ꓟ ꓞꓳ ꓤ ꓠꓬ ꓶꓼ ꓙꓳ ꓫꓱ, ꓙꓳˍ ꓡꓳ꓿
ꓬꓲ ꓠꓲ, ꓒꓴˍ ꓟ ꓠꓽ ꓬꓰ-ꓧꓳ-ꓧꓪ ꓙꓵꓽ ꓗ ꓗꓪ ꓐꓰ ꓥ ꓢꓲ꓾ ꓬꓲ ꓠꓬ ꓟꓳ ꓡꓳ ꓢ ꓘꓪ ꓬꓰ-ꓧꓳ-ꓧꓪ ꓙꓵ ꓗ ꓔꓯ ꓓꓵ ꓙ ꓠꓬꓲ ꓔꓬ ꓡꓳ꓿
ꓬꓲ ꓠꓬ ꓬꓲ ꓙꓬ ꓡꓳ ꓘꓶ ꓗꓪ ꓔꓶ ꓔˍ ꓟ ꓢꓲ, ꓜꓲ ꓡꓰ ꓐꓰ ꓗˍ ꓡꓳ꓿ ꓢꓲ, ꓜꓲ ꓖꓳ ꓟ ꓠꓬ ꓬꓲ ꓓꓱꓼ ꓝꓲ ꓗꓪ ꓬꓲ ꓢꓶ ꓓꓱ ꓢꓲ ꓬꓲ ꓒꓬꓽˍ ꓟꓲ ꓟꓽ ꓙꓴ ꓬꓰ꓿ ꓬꓲ ꓮ ꓫꓵꓽ ꓬꓰˍ ꓟꓲ ꓶꓼ ꓛꓳ ꓫꓱ, ꓛꓳˍ ꓡꓳ꓿
ꓞꓳ ꓥꓶ ꓐꓴ ꓠꓽ꓾ ꓖꓳ ꓡꓱ ꓟꓽ ꓥ꓾ ꓬꓲ ꓪ ꓠꓬ ꓟꓲꓽ ꓦꓲ ꓙꓱ ꓔꓯ, ꓙꓰˍ ꓟ ꓬꓲ ꓒꓲꓻˍ ꓡꓰ ꓐꓰ ꓗˍ ꓡꓳ꓿
ꓖꓳ ꓡꓱ ꓠꓬꓲ ꓞꓳ ꓥꓶ ꓐꓴ ꓠꓽ ꓐꓯ ꓟꓴ ꓘꓶˍ ꓟ ꓦꓬꓼ ꓠꓬꓲ ꓗꓪ ꓦꓰꓼ ꓞ ꓟꓽ ꓘꓴ꓿ ꓝꓴꓲ ꓬꓰ ꓢꓴˍ ꓟꓲ ꓙꓲ ꓫꓬ ꓢꓴ ꓜꓲ ꓓꓴ ꓗꓪ ꓦꓰꓼ ꓞ ꓟꓽ ꓘꓴ꓿
ꓮ ꓡꓲꓳ ꓐꓯ ꓠꓬ ꓙꓲ ꓫꓬ ꓢꓴ ꓚꓱ, ꓔꓯ ꓬꓰ-ꓧꓳ-ꓧꓪ ꓢꓷˍ ꓡꓳ꓿ ꓞꓳ ꓥꓶ ꓐꓴ ꓚꓱꓹ ꓠꓽ ꓟꓶ ꓬꓰˍ ꓥꓳ꓿