Lisu Christian Hymnal
Hymn 49 ꓙꓲ ꓒꓶ ꓓꓳ ꓟꓽ ꓓ ꓟ Lyrics
ꓙꓲ ꓒꓶ ꓠꓬ ꓡ ꓞꓳ ꓔꓯ ꓤꓲꓺ ꓔꓴ ꓡ ꓝꓲˍ ꓡꓳ꓿ ꓙꓵꓻ ꓪꓴ ꓠꓬ ꓞꓳ ꓤ ꓔꓯ ꓢꓯꓼ ꓡꓯ ꓘꓳ ꓝꓲˍ ꓡꓳ꓿ ꓮ ꓟ ꓬꓲꓼˍ ꓟꓲ ꓙ ꓜꓲꓼ ꓠꓲ ꓟꓽ ꓙꓳ꓿
ꓙꓲ ꓒꓶ ꓓꓳ ꓢꓴˍ ꓐꓰ ꓕꓽ ꓙ ꓡꓯ ꓘꓳ꓿ ꓧꓪꓽ ꓠꓬꓹ ꓧꓪꓽ ꓕꓳ ꓢꓴ ꓛꓳ ꓒꓯ ꓕꓽ ꓬꓰ꓿
ꓮ ꓡꓲꓳ ꓐꓯ ꓠꓬ ꓙꓲ ꓒꓶ ꓬꓲꓼ ꓢꓴˍ ꓐꓰ ꓜ ꓠꓬꓹ ꓜ ꓕꓳ ꓢꓴ ꓠꓬ ꓞꓳ ꓫ ꓒꓬꓱꓼ ꓡ ꓥꓳ꓿ ꓬꓲꓼ ꓟꓶ ꓟꓬꓽ ꓢꓴ ꓠ ꓐꓵ ꓞꓶ ꓚꓲ ꓡꓲ ꓧ ꓡꓯꓼ ꓖꓪ ꓥꓳ꓿
ꓮ ꓟ ꓫꓸ ꓙꓵ ꓔꓬˍ ꓡꓺꓽ꓿ ꓮ ꓟ ꓠꓲꓹ ꓫ ꓟꓬ ꓫ ꓔꓬˍ ꓡꓺꓽ꓿ ꓮ ꓟ ꓢꓯꓼ ꓡꓯ ꓘꓳ ꓟ ꓙꓳ ꓡꓺꓽ꓿ ꓮ ꓟ ꓙꓵ ꓟꓴ ꓔꓬ ꓡꓺꓽ꓿ ꓬꓲ ꓚꓱꓹ ꓟꓽ ꓙꓳ ꓙꓳ ꓮ ꓟ ꓡꓰ ꓠ ꓓꓴ ꓓꓴˍ ꓡꓳ꓿ ꓮ ꓟ ꓟꓬ ꓢꓶ ꓠꓲꓺ ꓡꓰˍ ꓡꓺ꓿
ꓙꓲ ꓒꓶ ꓟꓶ ꓤ ꓓꓳ ꓔꓬ ꓢꓲ꓾ ꓦꓱꓹ ꓔˍ ꓟ ꓙꓵꓻ ꓪꓴꓸ ꓔꓯ ꓓꓳ ꓠꓬꓲ ꓢꓴ ꓥ ꓡꓳ꓿
ꓙꓵꓻ ꓪꓴꓸ ꓠꓲꓺ ꓝꓶ ꓝꓶ ꓗˍ ꓕꓯ꓾ ꓡꓴ ꓗꓶ ꓗꓪ ꓐꓬꓱꓼ ꓡꓱꓼ ꓡꓱꓼ ꓟ ꓓꓯˍ ꓕꓯ꓾ ꓠꓴ ꓕꓽ ꓡꓳ.꓿ ꓬꓲꓹ ꓡꓵꓼ ꓡꓵꓼ ꓖꓴ ꓓꓵ ꓡꓰˍ ꓥˍ ꓟꓲ꓾
ꓡꓳ, ꓬꓰˍ ꓕꓯ ꓩꓴˍ ꓡꓰ ꓐꓰ ꓘꓳꓼ ꓡ ꓢꓲ꓾ ꓩꓴ ꓐꓬꓱˍ ꓡꓰ ꓐꓰ ꓕꓳꓹ ꓡˍ ꓥꓳ꓿
ꓠꓴ ꓟꓬ ꓢꓶ ꓠꓬ ꓟꓽ ꓫꓬ ꓟꓽ ꓖꓼ ꓡꓳ ꓫꓵ ꓟꓳ ꓪˍ ꓥꓳ꓿ ꓠꓴ ꓠꓲꓹ ꓟ ꓠꓬ ꓪꓴ ꓔꓲ ꓑˍ ꓡꓳ ꓫꓵ ꓓꓵ ꓙ ꓪˍ ꓥꓳ꓿
ꓠꓴ ꓠꓬ ꓬꓲ ꓡꓴ ꓐꓱ ꓗꓳ ꓡꓳ ꓗꓪ ꓗꓳꓺ ꓔꓬ ꓢꓴˍ ꓡꓰ ꓐꓰ ꓗꓷ ꓡꓰˍ ꓥꓳ꓿ ꓡꓲ ꓟꓶ ꓔꓶ ꓬꓲꓻ ꓘꓴꓻ ꓑꓶ ꓗꓪ ꓬꓲꓼ ꓔ ꓔꓬ ꓢꓴˍ ꓡꓰˍ ꓐꓰ ꓪꓴꓸ ꓟꓶ ꓥꓳ꓿
ꓠꓴ ꓠꓬ ꓕꓱ ꓡꓱ ꓐꓯ ꓥꓳ꓾ ꓬꓲ ꓪ ꓡꓰ ꓥꓪ ꓧꓶꓹ ꓗꓷ ꓥ ꓟꓲ꓾ ꓥꓪ ꓟꓽ ꓠꓻ ꓡꓰ꓿ ꓬꓲ ꓪ ꓥꓪ ꓔꓯ ꓓꓶꓽ ꓗꓷˍ ꓥˍ ꓟꓲ꓾ ꓥꓪ ꓮ ꓫꓵꓽ ꓟꓽ ꓢꓷ꓿ ꓥꓪ ꓮ ꓕꓯ ꓧꓪ. ꓛꓲꓽ ꓡ ꓥꓳ ꓪꓽ꓿ ꓥꓪ ꓠꓬ ꓙꓲ ꓒꓶ ꓓꓳ ꓠꓲꓹ ꓫꓵˍ ꓢꓰꓽ ꓡꓳ꓾ ꓐꓯˍ ꓥꓳ꓿