Lisu Christian Hymnal
Hymn 38 ꓦ ꓗꓪ ꓟ ꓡꓯꓼ ꓫꓴ ꓠꓬ ꓘꓴ ꓜꓲ ꓞꓳ ꓔꓯ ꓪꓴꓽ ꓡ ꓝꓲˍ ꓡꓳ꓿ Lyrics
ꓖꓳ ꓡꓱ ꓠꓬꓲ ꓢꓲꓺ ꓒ ꓠꓯꓸꓼ ꓗꓪ ꓡꓴꓸ ꓞ ꓢꓴ ꓥꓪ ꓡꓰ ꓠꓴ ꓪ ꓔꓯ ꓘꓶꓸ ꓖꓶˍ ꓠꓬꓲ꓾ ꓠꓴ ꓪ ꓔꓯ ꓘꓴ ꓔ ꓟ ꓗꓪ ꓘꓴ ꓒꓵꓽ ꓒꓵꓽ ꓡꓰ ꓚ ꓙꓰ꓿
ꓮ ꓫꓵꓽ ꓗꓪ ꓥˍ ꓟꓲ ꓙ ꓣꓳˍ ꓟ ꓐꓰ ꓠꓴ ꓠꓲˍ ꓐꓰ ꓠꓲ, ꓟ ꓫꓵˍ ꓟ ꓣꓱꓽ ꓢꓲ꓾ ꓠꓵ ꓠꓲ ꓡꓰ ꓕꓲ ꓣꓳ ꓛꓳ ꓕꓲ ꓣꓳ ꓜꓲꓽ ꓡꓯ ꓘꓳ ꓢꓲ ꓠꓬꓲ
ꓧꓳꓹ ꓡꓯ ꓘꓳˍ ꓟ ꓠꓲ, ꓟ ꓡꓰ ꓞꓳ, ꓞ ꓢꓲ꓾ ꓢꓲ ꓫꓬ ꓟ ꓦ ꓡꓰ ꓖꓶ ꓡ ꓟ ꓕꓲ ꓠꓲ, ꓕꓲ ꓪ ꓟ ꓠꓲ, ꓟ ꓟꓽ ꓒꓲꓼ ꓬꓰ ꓠ ꓟ ꓢꓯꓼ ꓕꓵ꓿
ꓠꓴ ꓪ ꓔꓯ ꓘꓴꓻˍ ꓟ ꓠꓬ꓾ ꓥꓳ ꓡꓳꓸ ꓓꓴ ꓕꓲ ꓟꓻꓼ ꓗꓪ ꓘꓴꓻ ꓔˍ ꓟˍ ꓡꓰ ꓐꓰ꓾ ꓖꓳ ꓓꓱꓽˍ ꓟꓲ ꓕꓲ ꓟꓻꓼ ꓥ ꓡꓳ꓿ ꓢꓲ-ꓫꓬ-ꓟ-ꓦˍ ꓟꓲ ꓕꓲ ꓟꓻꓼ ꓥ ꓡꓳ꓿
ꓢꓲꓺ ꓒˍ ꓟꓲ ꓕꓲꓽ ꓟ ꓥ ꓡꓳ꓿ ꓙꓵꓻ ꓠꓲ,ˍ ꓟꓲ ꓕꓲ ꓟ ꓥ ꓡꓳ꓿ ꓖꓳ ꓓꓱ ꓔꓲꓻ ꓟˍ ꓟꓲ ꓕꓲ ꓟ ꓥ ꓡꓳ꓿
ꓮ ꓙꓵ ꓟ ꓕꓯꓼ ꓢꓲ ꓗꓪ ꓐꓰ ꓮ ꓙꓵ ꓟ ꓗꓳ ꓡꓳ ꓗꓪ ꓐꓰ ꓮ ꓙꓵ ꓟ ꓠꓯꓸꓼ ꓗꓪ ꓔꓬ ꓟ ꓮ ꓙꓵ ꓟ ꓬꓲ ꓐ, ꓐ ꓐꓰ ꓪꓴ-ꓢˍ ꓟꓲ ꓕꓲ ꓟ ꓥ ꓡꓳ꓿
ꓖꓳ ꓡꓱ ꓥ ꓟꓲ ꓬꓰ-ꓢꓴ ꓬꓲ ꓡꓯꓼ ꓫꓴ ꓮ ꓡꓲ ꓙꓳˍ ꓠꓬ꓾ ꓣꓳ ꓮ ꓡꓲ ꓕꓲ ꓣꓳ ꓔꓯˍ ꓟꓲ ꓣꓱ ꓛꓰ ꓬꓲ ꓖꓳ ꓡꓱ ꓐꓱ ꓖꓶ ꓡ ꓟ ꓥ ꓡꓳ꓿
ꓖꓳ ꓡꓱ ꓠꓬꓲ꓾ ꓕꓳ ꓶ ꓗꓪ ꓬꓲ ꓠꓬ ꓕꓯ ꓢꓲ ꓗꓪ ꓓꓯ ꓙꓰˍ ꓕꓯ ꓡꓴꓸ ꓞ ꓟ ꓔꓯ ꓬꓲ ꓡꓴꓽ ꓔꓯꓹ ꓙꓰ ꓢꓲ꓾ ꓞꓳ ꓤ ꓔꓯ ꓡꓯ ꓫꓴ ꓖꓶˍ ꓡꓳ ꓐꓰ꓾ ꓐꓳ ꓔ ꓡꓳ꓿
ꓣꓱ ꓙˍ ꓟ ꓟꓬꓱꓽ ꓬꓰ ꓠ ꓟ ꓐꓰ ꓙꓲ-ꓢꓴ ꓖꓳ ꓓꓱ ꓔꓯ ꓜꓶ ꓟꓴ ꓡ ꓠ ꓟ ꓐꓰ ꓢꓲ ꓫꓬ ꓢꓴ ꓐꓴ ꓔꓯ ꓙ ꓖꓶ ꓖꓴ ꓡꓰ ꓠ ꓟ ꓥ ꓢꓲ ꓠꓬꓲ꓾
ꓣꓳ ꓮ ꓙꓵ ꓠꓬ ꓙꓵꓻˍ ꓟ ꓐꓰ ꓪꓴ-ꓢ ꓬꓲ ꓮ ꓐꓲ ꓔꓯ ꓢꓷˍ ꓟ ꓗꓪ ꓕꓲ ꓠꓲ ꓟ ꓡꓰ ꓒꓬꓱꓼ ꓡ ꓢꓲ꓾ ꓙꓲ-ꓢꓴ ꓬꓲ ꓪꓴꓽˍ ꓟ ꓟꓴˍ ꓟ ꓔꓯꓺ ꓐꓲ ꓡꓰ ꓗꓪ ꓛꓲ꓾ ꓦ ꓗꓪ ꓪꓴꓽ ꓓꓰ ꓡꓰˍ ꓟ ꓡ ꓞꓳ ꓒꓬꓱꓼ ꓡ ꓠ ꓟ ꓥ ꓡꓳ꓿