Lisu Christian Hymnal
Hymn 37 ꓙꓲˍ ꓟ ꓡꓰ ꓟꓽ ꓙꓲ ꓟ ꓔꓯ ꓧꓪ. ꓡꓰ ꓠꓯˍ ꓟ Lyrics
ꓠꓴ ꓪ ꓠꓬ ꓟꓬ ꓢꓶ ꓔꓯ ꓟꓬ ꓢꓶ ꓚꓱꓹ ꓖꓶ꓾ ꓢꓶꓽ ꓛꓲꓻ ꓔꓯ ꓢꓶꓽ ꓛꓲꓻ ꓚꓱ, ꓖꓶ ꓐꓰ꓾ ꓐꓯˍ ꓟ ꓑ ꓙ ꓠꓬꓲˍ ꓡꓳ꓿
ꓥꓪ ꓠꓽ ꓠꓴ ꓪ ꓔꓯ ꓐꓯ ꓖꓶˍ ꓠꓬꓲ꓾ ꓞꓳ ꓥꓶ. ꓔꓯ ꓕꓽ ꓗꓽ ꓔ꓿ ꓮ ꓟ ꓥˍ ꓟꓲ ꓠꓴ ꓒꓬꓱꓽ ꓟꓬ ꓡꓯ ꓙ ꓔꓲ ꓛꓱ ꓗꓪ ꓓꓶꓽˍ ꓠꓬ ꓖꓳ ꓕꓲ ꓛꓱˍ ꓟꓲ ꓬꓲ ꓔꓯ ꓒꓳ, ꓟꓳ. ꓖꓶ꓿
ꓮ ꓟ ꓠꓴ ꓐꓵꓻ ꓞꓶꓽ ꓠꓯ. ꓘꓪ ꓕꓲ ꓘꓳ, ꓟ ꓣꓴ ꓔꓯ, ꓙꓰ ꓠꓲ, ꓫꓵˍ ꓠꓬꓲ꓾ ꓠꓴ ꓔꓯ ꓔꓳ, ꓢꓴ ꓙꓳˍ ꓠꓬ ꓕꓯꓼ ꓢꓲ ꓕꓲ ꓘꓳ, ꓟˍ ꓟꓲ ꓬꓲ ꓔꓯ ꓔꓯꓹ ꓙꓰ ꓝꓲ꓿
ꓮ ꓟ ꓥˍ ꓟꓲ ꓠꓴ ꓔꓯ ꓟꓽ ꓓ ꓟꓽ ꓞ ꓡꓳ ꓔꓻ ꓕꓲ ꓕꓷ, ꓫꓱꓽ ꓝꓲ ꓡˍ ꓠꓬ꓾ ꓠꓴ ꓬꓲ ꓔꓯ ꓡꓳ ꓔꓻ ꓠꓬꓲꓽ ꓕꓷ, ꓛꓳ ꓫꓱꓽ꓿
ꓠꓴ ꓔꓯ ꓓꓰꓽ ꓢꓴ ꓔꓯ ꓖꓶ꓿ ꓠꓴ ꓔꓯ ꓥꓪ. ꓠꓲ, ꓫꓵ ꓢꓴ ꓔꓯ ꓟꓽ ꓥꓪ. ꓖꓶꓽ ꓕꓽ ꓬꓰ꓿
ꓠꓴ ꓪ ꓠꓬ ꓠꓴ ꓠꓶꓽ ꓛꓳꓽ ꓕꓲ ꓛꓳꓽ ꓔꓯ ꓠꓲ, ꓠꓵ ꓢꓲ꓾ ꓠꓴ ꓐꓰ ꓛꓴ ꓙꓳ ꓢꓴ ꓔꓯ ꓠꓲ, ꓜꓳ ꓠ ꓗ ꓡꓳ ꓐꓰ ꓐꓯˍ ꓟ ꓑ ꓙ ꓠꓬꓲ ꓡꓳ꓿
ꓥꓪ ꓠꓽ ꓠꓴ ꓪ ꓔꓯ ꓐꓯ ꓖꓶˍ ꓠꓬꓲ꓾ ꓠꓴ ꓪ ꓠꓽ ꓟꓴ ꓗꓪ ꓕꓯꓽ ꓢꓲ ꓗꓪ ꓔꓬ ꓟ ꓠꓴ ꓪ ꓐ ꓐ ꓬꓲ ꓤ ꓠꓱ ꓬꓰ ꓪ ꓠ ꓟ ꓠꓴ ꓪ ꓔꓯ ꓛꓴ ꓙꓳ ꓢꓴ ꓔꓯ ꓠꓲ, ꓠꓵ ꓢꓲ꓾ ꓠꓴ ꓪ ꓔꓯ ꓗ. ꓧꓪꓺ ꓢꓴ ꓐꓱ ꓶ ꓪ ꓘꓴ꓿
ꓮ ꓡꓲꓳ ꓐꓯ ꓠꓬ ꓬꓲ ꓡꓰ ꓬꓲ ꓟꓲꓽ ꓟꓲ ꓔꓯ ꓠꓬ꓾ ꓞꓳ ꓙꓲˍ ꓐꓰ ꓞꓳ ꓥꓶ. ꓔꓯ ꓣꓳꓺ ꓖꓶ ꓝꓲˍ ꓡꓳ꓿ ꓟꓶꓽ ꓦˍ ꓟꓲ ꓙꓲ ꓫꓬ ꓢꓴˍ ꓐꓰ ꓟꓽ ꓙꓲ ꓫꓬ ꓢꓴ ꓔꓯ ꓦ ꓖꓶˍ ꓡꓳ꓿
ꓮ ꓡꓲꓳ ꓐꓯ ꓠꓬ ꓠꓴ ꓪ ꓠꓽ ꓠꓴ ꓪ ꓔꓯ ꓠꓲ, ꓠꓵ ꓢꓴ ꓔꓯˍ ꓡꓰꓽ ꓠꓲ, ꓠꓵˍ ꓠꓬ ꓮ ꓫꓵꓽ ꓡꓯꓼ ꓫꓴ ꓙꓳˍ ꓡꓳꓺꓽ꓿ ꓝꓲ. ꓫ ꓢꓴˍ ꓟꓲ ꓕꓱ ꓡꓱ ꓬꓰˍ ꓡꓳ ꓟꓽ ꓥ ꓡꓺꓽ꓿
ꓠꓴ ꓪ ꓠꓬ ꓠꓴ ꓬꓲꓼ ꓠꓴ ꓠꓬꓲ ꓔꓯ ꓡꓰꓽ ꓒꓵ ꓗ ꓬꓰˍ ꓠꓬ꓾ ꓢꓴ ꓬꓰˍ ꓟ ꓕꓯꓼ ꓢꓲ꓾ ꓠꓴ ꓪ ꓮ ꓫꓵꓽ ꓬꓰˍ ꓡꓳꓺꓽ꓿ ꓐꓶꓽ ꓞꓳˍ ꓟꓲ ꓕꓱ ꓡꓱ ꓬꓰˍ ꓡꓳ ꓟꓽ ꓥ ꓡꓺꓽ꓿
ꓖꓳ ꓡꓱ ꓠꓬꓲ ꓟꓴ ꓗꓪ ꓕꓯꓼ ꓢꓲ ꓗꓪ ꓔꓬˍ ꓟ ꓠꓴ ꓪ ꓐ, ꓐ ꓙꓲ ꓓꓰˍ ꓟ ꓡꓰˍ ꓐꓰ ꓠꓴ ꓪ ꓙꓲ ꓓꓰ ꓡꓰ ꓠ ꓗˍ ꓡꓳ꓿