Lisu Christian Hymnal

Hymn 10 ꓣꓳ ꓔꓯ ꓔ ꓙ ꓢꓴ ꓠꓬ ꓪꓴ-ꓢ ꓥ ꓟ Lyrics

ꓥꓪ ꓠꓬ ꓪ ꓚꓲ ꓔꓯ ꓟꓳ. ꓔ ꓥ ꓐꓰ ꓡꓳꓸ ꓠꓬꓲ ꓥꓳ꓿ ꓥꓪ ꓔꓯ ꓬꓰ ꓙ ꓓꓴ ꓮ ꓡꓲ ꓗꓪ ꓐꓰ ꓡˍ ꓥꓳ ꓪꓽ꓿
ꓥꓪ ꓔꓯ ꓬꓰ ꓙ ꓓꓴ ꓠꓬ ꓟꓴ ꓗꓪ ꓟꓲ ꓠꓯ ꓚꓰꓼ ꓢꓴ ꓬꓰ-ꓧꓳ-ꓧꓪ ꓔꓯˍ ꓐꓰ ꓡˍ ꓡꓳ꓿
ꓠꓴ ꓛꓲ ꓒꓯ ꓔꓯ ꓬꓲ ꓡꓰ ꓟꓽ ꓙꓵꓺ ꓡꓰ ꓝꓲ꓿ ꓠꓴ ꓔꓯ ꓔ ꓙ ꓢꓴ ꓬꓲ ꓠꓬ ꓟꓽ ꓬꓲꓼ ꓟꓶ ꓡꓰ꓿
ꓠꓬꓲ ꓠ꓾ ꓬꓲ-ꓢꓷ-ꓡꓰ ꓐꓴ ꓔꓯ ꓔ ꓙ ꓢꓴ ꓬꓲ ꓠꓬ ꓪꓴꓸ ꓝꓴˍ ꓟꓲ ꓟꓽ ꓕꓳꓹ꓿ ꓬꓲˍ ꓟꓲ ꓟꓽ ꓬꓲ ꓟꓶ꓿
ꓬꓰ-ꓧꓳ-ꓧꓪ ꓠꓬ ꓠꓴ ꓔꓯ ꓔꓺ ꓙ ꓢꓴ ꓥ ꓡꓳ꓿ ꓠꓴ ꓡꓯ ꓙ ꓗꓪ ꓟ ꓛ ꓗꓴ ꓠꓬ ꓬꓰ-ꓧꓳ-ꓧꓪ ꓥ ꓡꓳ꓿
ꓟꓳꓼ ꓡꓳ ꓕꓯ ꓟꓴ ꓞ ꓡꓰ ꓠꓴ ꓔꓯ ꓟꓽ ꓔꓶꓸ ꓡ꓿ ꓢ ꓘꓪ ꓕꓯ ꓥˍ ꓟꓲ ꓦ ꓐ ꓡꓰ ꓠꓴ ꓔꓯꓸ ꓟꓽ ꓓꓶꓽ ꓡ꓿
ꓥꓶˍ ꓟ ꓮ ꓙꓵ ꓗꓪ ꓐꓰ ꓬꓰ-ꓧꓳ-ꓧꓪ ꓡꓰ ꓠꓴ ꓔꓯ ꓔꓺ ꓙ ꓥꓳ꓿ ꓠꓴ ꓢꓯ ꓟꓬ ꓔꓯ ꓬꓲ ꓡꓰ ꓫ ꓙ ꓥꓳ꓿
ꓮ ꓟꓶ ꓕꓱ ꓕꓲ ꓝꓲ ꓗꓪ ꓐꓰ ꓕꓲ ꓞꓲ ꓕꓲ ꓑ ꓗꓪ ꓛꓲ꓾ ꓠꓴ ꓓꓵ ꓓꓵ ꓓꓳ ꓓꓳ ꓬꓰˍ ꓟ ꓔꓯ ꓬꓰ-ꓧꓳ-ꓧꓪ ꓡꓰ ꓔ ꓙˍ ꓥꓳ꓿