Lisu Christian Hymnal
Hymn 9 ꓪꓴ-ꓢ ꓖꓶ ꓡˍ ꓟ ꓶ ꓤ ꓫꓱ ꓤ ꓑꓶꓸ ꓓꓴ ꓫꓸ ꓟꓳ ꓟ Lyrics
ꓥꓪ ꓶ ꓟꓬꓳ꓾ ꓬꓰ-ꓧꓳ-ꓧꓪ ꓔꓯ ꓫꓱ. ꓖꓶ ꓡꓯ꓿ ꓥꓪ ꓠꓯꓸꓼ ꓗꓪ ꓙꓳ ꓟ ꓥ ꓕ ꓑꓳ ꓡꓰ ꓬꓲ ꓢꓲ ꓫꓬ ꓟ ꓟꓬꓱꓺ ꓔꓯ ꓫꓱ. ꓖꓶ ꓡꓯ꓿
ꓥꓪ ꓶ ꓟꓬꓳ꓾ ꓬꓰ-ꓧꓳ-ꓧꓪ ꓔꓯ ꓫꓱꓸ ꓖꓶ ꓡꓯ꓿ ꓬꓲ ꓖꓶ ꓡˍꓟ ꓶ ꓤ ꓫꓱ ꓤ ꓔꓯˍ ꓟꓲ ꓕꓽ ꓟꓲꓺ ꓡꓰ꓿
ꓬꓲ ꓠꓬ ꓠꓴ ꓟꓽ ꓙꓲ ꓟꓽ ꓜꓳ ꓟ ꓮ ꓙꓵ ꓔꓯ ꓖꓽ ꓖꓶˍ ꓡꓳ꓿ ꓠꓴ ꓠꓻ ꓫꓵ ꓠꓻ ꓙꓰ ꓮ ꓙꓵ ꓔꓯˍ ꓟꓲ ꓫꓬꓹ ꓓ ꓡꓰˍ ꓡꓳ꓿
ꓠꓴ ꓢꓯ ꓟꓬ ꓔꓯ ꓠꓬ ꓬꓲ ꓡꓰ ꓟꓶꓽ ꓬꓰ ꓓꓴ ꓗꓪ ꓐꓰ ꓫꓴ ꓣꓴˍ ꓡꓳ꓿ ꓬꓲ ꓠꓬ ꓠꓲ ꓙꓽ ꓟꓬ ꓗꓳˍ ꓟ ꓐꓰ ꓠꓲꓹ ꓠꓴꓽˍ ꓟ ꓫꓱ ꓤ ꓠꓲꓹ ꓡꓰ ꓙꓵ ꓪꓴꓸ ꓛꓴ ꓬꓰ ꓢꓲ ꓠꓴ ꓔꓯ ꓘꓳꓹ ꓖꓶˍ ꓡꓳ꓿
ꓬꓲ ꓠꓬ ꓠꓴ ꓕꓲ ꓤꓶꓻ ꓡꓱꓸꓼ ꓗꓪ ꓙꓲˍ ꓡꓳ ꓫꓵ ꓡꓰ ꓠꓴ ꓔꓯ ꓠꓲꓹ ꓘꓪ ꓫꓵ ꓡꓰ ꓝꓲ ꓢꓲ꓾ ꓙꓱꓻ ꓓꓽ ꓟˍ ꓡꓰ ꓐꓰ ꓠꓴ ꓔꓯ ꓡꓯꓸ ꓬꓲꓼ ꓡ ꓝꓲˍ ꓡꓳ꓿
ꓬꓰ-ꓧꓳ-ꓧꓪ ꓠꓬ ꓙꓲ ꓫꓬˍ ꓟ ꓐꓰ ꓔꓱꓹ ꓜꓳˍ ꓟ ꓔꓯ ꓛꓳ ꓢꓲ꓾ ꓠꓬꓲꓸ ꓞ ꓢꓴ ꓮ ꓙꓵꓽ ꓐꓱ ꓶ ꓢꓯ ꓕꓵˍ ꓡꓳ꓿
ꓬꓲ ꓚꓱꓹ ꓔꓯ ꓠꓬ ꓬꓲ ꓡꓰ ꓟꓳ-ꓫꓲ ꓔꓯ ꓢꓷꓸ ꓡꓰ ꓝꓲˍ ꓡꓳ꓿ ꓬꓲ ꓬꓰ ꓟ ꓟꓬꓱꓽ ꓠꓽ ꓬꓲ-ꓢꓷ-ꓡꓰ ꓡ ꓞꓳ ꓔꓯ ꓢꓷꓸ ꓡꓰ ꓝꓲˍ ꓡꓳ꓿
ꓬꓰ-ꓧꓳ-ꓧꓪ ꓠꓬ ꓫꓱ ꓤ ꓠꓲꓹ ꓐꓲ ꓞ ꓢꓲ ꓣꓱ ꓛꓰ ꓙꓳˍ ꓡꓳ꓿ ꓬꓲ ꓠꓬ ꓠꓲ ꓟ ꓦꓶ ꓟꓽ ꓢ꓿ ꓠꓲꓹ ꓙ ꓟꓬ ꓗꓳˍ ꓟ ꓒ ꓐꓲ ꓐꓲ ꓐꓰ ꓙꓳˍ ꓡꓳ꓿
ꓬꓲ ꓠꓬ ꓮ ꓕꓯˍ ꓟꓲ ꓕꓼˍ ꓡꓳ ꓟꓽ ꓥ꓿ ꓬꓲ ꓕꓲ ꓞꓲ ꓕꓲ ꓑ ꓦꓶˍ ꓡꓳ ꓟꓽ ꓥ꓿
ꓣꓳ ꓝꓴꓲ ꓮ ꓡꓲ ꓙꓳ ꓠꓬ ꓬꓲ ꓣꓳ ꓔꓯ ꓮ ꓡꓲ ꓖꓶ ꓡꓳ ꓟꓽ ꓥ꓿ ꓣꓳ ꓟꓽ ꓙꓲ ꓟꓽ ꓜꓳ ꓟ ꓮ ꓡꓲ ꓙꓳˍ ꓠꓬ ꓮ ꓡꓲ ꓣꓳ ꓔꓯ ꓬꓰ ꓚꓱꓹ ꓖꓶˍ ꓡꓳ ꓟꓽ ꓥ꓿
ꓟꓴ ꓗꓪ ꓠꓬ ꓟꓲ ꓠꓯ ꓕꓯ ꓢꓲ ꓮꓺ ꓟꓴꓺ ꓛꓲꓺ ꓙꓳˍ ꓠꓬ ꓬꓲ ꓔꓯ ꓙꓳ ꓒꓵ ꓢꓴ ꓔꓯ ꓟꓳ. ꓬꓲ ꓫꓱ ꓤ ꓠꓲꓹ ꓖꓳ ꓟꓴꓺ ꓛꓲꓺ ꓙꓳˍ ꓡꓳ꓿
ꓐꓶ ꓓꓳˍ ꓐꓰ ꓐꓶ ꓓꓵ ꓮ ꓶ ꓛꓲ ꓗꓳꓹ ꓞˍ ꓠꓬ ꓬꓲ ꓡꓰ ꓣꓳ ꓛꓬ ꓖꓴ ꓥꓳ ꓖꓴ ꓔꓯ ꓠꓬ꓾ ꓣꓳ ꓔꓯ ꓐꓰ ꓖꓳ ꓶ ꓛꓲ ꓣꓴ ꓔꓯꓹ ꓙꓰꓳ꓿
ꓐ ꓐ ꓡꓰ ꓬꓲ ꓤ ꓠꓱ ꓔꓯ ꓮ ꓡꓲ ꓫꓱ. ꓤꓽˍ ꓠꓬ꓾ ꓬꓰ-ꓧꓳ-ꓧꓪ ꓡꓰ ꓬꓲ ꓔꓯ ꓙꓳ ꓒꓵ ꓢꓴ ꓔꓯ ꓬꓲ ꓖꓳ ꓡꓱ ꓫꓱ. ꓤˍ ꓡꓳ꓿
ꓮ ꓡꓲꓳ ꓐꓯ ꓠꓬ ꓣꓳ ꓖꓳ ꓓꓱ ꓔꓯ ꓬꓲ ꓢꓷꓸ ꓡꓳ꓿ ꓣꓳ ꓠꓬ ꓠꓱ. ꓦꓱ ꓧꓶꓽ ꓥ ꓟ ꓔꓯ ꓬꓲ ꓟꓽ ꓟꓲꓺ ꓡꓰ꓿