Lisu Christian Hymnal
Hymn 8 ꓫꓱꓸ ꓖꓶ ꓓꓴ ꓟꓴ ꓖꓪ Lyrics
ꓳ꓾ ꓟꓵ ꓗꓳ ꓓꓵ ꓓꓵꓳ꓾ ꓟꓴ ꓖꓪ ꓫꓵꓼ ꓡꓰ ꓬꓰ-ꓧꓳ-ꓧꓪ ꓐꓱ ꓶ ꓖꓪ ꓖꓶ꓿
ꓬꓰ-ꓧꓳ-ꓧꓪ ꓐꓱ ꓶ ꓟꓴ ꓖꓪ ꓖꓪ ꓖꓶ꓿ ꓬꓲ ꓟꓬꓱ ꓔꓯ ꓫꓱ ꓖꓶ꓾ ꓕꓲ ꓠꓬꓲˍ ꓡꓰ ꓕꓲ ꓠꓬꓲ ꓬꓲ ꓢꓯꓼ ꓟꓬ ꓝˍ ꓟ ꓣꓱ ꓛꓰ ꓚ ꓟꓸ ꓖꓶ꓿
ꓞꓳ ꓫꓵꓽ ꓐꓴ ꓗꓳ ꓡꓳ ꓗꓪ ꓬꓲ ꓟꓬꓱꓺ ꓓꓳꓽ ꓚ ꓟ. ꓖꓶꓽ꓿ ꓑ ꓫꓬ ꓐꓴ ꓥ ꓕ ꓑꓳ ꓗꓳ ꓡꓳ ꓗꓪ ꓬꓲ ꓓꓵ ꓙ ꓟꓶ ꓓꓴ ꓟꓬꓱꓽ ꓐꓯ ꓟ. ꓖꓶꓽ꓿
ꓮ ꓡꓲꓳ ꓐꓯ ꓠꓬ ꓬꓰ-ꓧꓳ-ꓧꓪ ꓠ ꓪꓴˍ ꓟ ꓥ ꓢꓲ ꓬꓲ ꓔꓯ ꓮ ꓘꓶ. ꓫꓱ. ꓖꓶ ꓙꓲꓽ ꓙꓳˍ ꓡꓳ꓿ ꓢꓲꓺ ꓐꓴ ꓮ ꓙꓵ ꓟ ꓕꓯ ꓢꓲ ꓬꓲ ꓔꓯ ꓙꓳꓺ ꓒꓵ ꓠꓯˍ ꓡꓳ꓿
ꓮ ꓡꓲꓳ ꓐꓯ ꓠꓬ ꓞꓳ ꓫꓵꓽ ꓞꓳ ꓙꓰ ꓗꓪ ꓟ ꓢꓲꓺ ꓐꓴ ꓮ ꓙꓵ ꓠꓬ ꓠꓲꓽ ꓐꓬꓱꓽˍ ꓡꓰ ꓥ ꓡꓳ꓿ ꓟꓴ ꓗꓪ ꓔꓯ ꓚꓰꓼ ꓢꓴ ꓠꓽ ꓬꓰ-ꓧꓳ-ꓧꓪ ꓥ ꓡꓳ꓿
ꓞꓳ ꓒꓵ ꓡˍ ꓟ ꓐꓰ ꓪꓴꓽ ꓓꓰˍ ꓟ ꓟꓬꓱ ꓓꓳ ꓠꓬ ꓬꓲ ꓟꓲ ꓙꓬ ꓗꓪ ꓓˍ ꓡꓳ꓿ ꓢꓯ ꓙꓳꓻ ꓪꓽ ꓠꓬꓲˍ ꓟˍ ꓐꓰ ꓐꓲꓻˍ ꓟ ꓐꓰ ꓜꓷꓺˍ ꓟ ꓟꓲ ꓬꓲ ꓢꓲ ꓫꓬ ꓖꓴ ꓠꓯꓸꓼ ꓗꓪ ꓓꓯˍ ꓡꓳ꓿
ꓑ ꓫꓬ ꓐꓴ ꓗꓪ ꓟ ꓞꓳ ꓫꓵ ꓞꓳ ꓪꓳꓼ ꓠꓴ ꓪꓽꓳ꓾ ꓟꓬꓱ ꓓꓳˍ ꓐꓰ ꓪ ꓠꓬꓲˍ ꓟ ꓠꓬ ꓬꓰ-ꓧꓳ-ꓧꓪ ꓔꓯ ꓟ꓾ ꓐꓰ꓾ ꓣꓷꓠ ꓡꓯ꓿ ꓬꓰ-ꓧꓳ-ꓧꓪ ꓔꓯ ꓟ꓾ ꓐꓰ꓾ ꓣꓷꓠ ꓡꓯ꓿
ꓬꓰ-ꓧꓳ-ꓧꓪ ꓔꓯ ꓖꓶ ꓙꓲꓽ ꓙꓳˍ ꓟ ꓟꓬꓱꓺ ꓓꓳ ꓬꓰ-ꓧꓳ-ꓧꓪ ꓔꓯ ꓖꓶ꓿ ꓔꓲ ꓓꓴ ꓔꓯꓹ ꓔ ꓢꓲ ꓬꓲ ꓡꓽ ꓙꓳ ꓓꓰ ꓗꓪ ꓓꓵ ꓡꓯ꓿
ꓳ꓾ ꓢꓲ ꓫꓬˍ ꓟ ꓡꓳꓸ ꓐꓲ ꓓꓴ ꓖꓪ ꓔ ꓢꓲ ꓬꓰ-ꓧꓳ-ꓧꓪ ꓔꓯ ꓪꓴ. ꓓꓵ ꓕꓱ꓿ ꓟꓵ ꓗꓳ ꓓꓵ ꓓꓵꓳ꓾ ꓬꓲ ꓟꓲ ꓙꓬ ꓗꓪ ꓙꓳꓺ ꓛꓱ ꓢꓲ ꓦꓰ ꓔ꓿
ꓬꓰ-ꓧꓳ-ꓧꓪ ꓙꓵ ꓔꓬˍ ꓡꓳ꓾ ꓐꓰ꓾ ꓞꓳ ꓫꓵꓽ ꓐꓴ ꓗꓳ ꓡꓳ ꓗꓪ ꓐꓯ ꓖꓶ ꓠꓯˍ ꓡꓳ꓿ ꓟꓲ ꓠꓯ ꓟꓽ ꓙꓵꓺ ꓡꓰ ꓠ ꓟ ꓔꓶ ꓕꓶ ꓡꓰꓳ꓿ ꓬꓲ ꓠꓬ ꓔꓱ, ꓜꓳˍ ꓟ ꓡꓰ ꓑ ꓫꓬ ꓐꓴ ꓬꓲ ꓫꓵ ꓬꓲ ꓙꓰ ꓔꓯ ꓐꓯ ꓟꓴ ꓘꓶ ꓖꓶˍ ꓥꓳ꓿
ꓟꓴ ꓗꓪ ꓠꓲ ꓒꓴ ꓡꓯ꓾ ꓟꓲ ꓠꓯˍ ꓟꓲ ꓗꓹ ꓛꓲ ꓡꓯ꓿ ꓬꓲ ꓡꓴ ꓐꓱ ꓓꓽ ꓟˍ ꓐꓰ ꓖꓳ ꓗꓪ ꓐꓲ ꓞˍ ꓟ ꓐꓵ ꓔꓴ ꓡꓯ꓿
ꓡꓲ ꓛꓲ ꓐꓰ ꓖꓳ ꓗꓪ ꓙꓳ ꓟ ꓮ ꓙꓵ ꓗ ꓛꓲ ꓡꓯ꓿ ꓖꓳ ꓕꓯ ꓢꓲꓹ ꓠꓯ ꓗꓪ ꓟ ꓢꓲꓹ ꓜꓲꓻ ꓥ ꓕ ꓑꓳ ꓠꓬ ꓗ ꓛꓲ ꓠꓬꓲ ꓬꓰ-ꓧꓳ-ꓧꓪ ꓟꓲ ꓙꓬ ꓗꓪ ꓟꓴ ꓖꓪ ꓖꓪ ꓥꓳ꓿
ꓮ ꓡꓲꓳ ꓐꓯ ꓠꓬ ꓬꓲ ꓠ ꓡˍ ꓥꓳ꓿ ꓬꓲ ꓠꓬ ꓙꓲ ꓫꓬˍ ꓟ ꓡꓰ ꓟꓲ ꓠꓯ ꓔꓯ ꓐꓯ ꓟꓴ ꓘꓶ ꓠ ꓟ ꓡˍ ꓥꓳ꓿ ꓑ ꓫꓬ ꓬꓲ ꓫꓵ ꓬꓲ ꓙꓰ ꓔꓯ ꓬꓲ ꓔꓱ ꓚꓵ ꓟ ꓡꓰ ꓐꓯ ꓟꓴ ꓘꓶ ꓖꓶˍ ꓥꓳ꓿