Kalenjin Hymns – Tienwogik che Kilosune Jehovah
Hymn 52 Jesu ko mestowondenyun Lyrics
1.Jesu ko Mestowondennyu –
Laitoriat ne bo chamnyet.
Mararua kiy amu riba;
Mabegu rirenennyi.
2. Kicheng’a Mestowondennyu
Ye kia-ombenoti,
AK koganaba komuta
Awekyige akwennyi.
3. Igoigo-a kimnatennyi
Eng’ nyalilwogik tugul.
Maaiywei agot ngo mi meet
Amu mitei kobota.
4. Mabegu arorutikyik
Amu Imanda Ine.
Alosu Mestowondennyu
Eng’ betusiekyuk tugul