Kalenjin Hymns – Tienwogik che Kilosune Jehovah
Hymn 3 Otienjin Kiptaiyandenyon Lyrics
1. Otienji Kiptaiyandennyo,
Okwek tugul che omi ng’ony;
Olosu Ine kotugul;
Obwanji si ogasge kot.
2. Kamukta-indet Jehovah,
Kiyaech Ine Inegei.
Mestowondennyo Inendet;
Ba-ech amu ki akwennyi.
3. Obwa olosu Jehovah,
Orikyi oboibo-itu;
Olosu Inendet agoi,
Amu kararan kainennyi.
4. Toror Kiptaiyat Jehovah,
Mabegu chamnyennyi ne o.
Kimen ng’alekyik kotugul,
Ma walaksei; tebyei koigeny.